Chapter Title : ഹറാമ്പിറപ്പിനെ പ്രണയിച്ച തൊട്ടാവാടി 3 [സാദിഖ് അലി]

വരെ വന്നത്.. "

"നിന്റെയൊപ്പം കറങ്ങീട്ട് കുറച്ചായില്ലെ അതും കൂടിയുണ്ട്..."

ഞങൾ വണ്ടിയെടുത്ത് തിരിച്ച് പോന്നു.. പോരുന്ന വഴി ഒന്ന് രണ്ട് സ്ഥലത്തൊക്കെ കേറി .. തിന്നും കുടിച്ചുമൊക്കെ കുറെ കഴിഞ്ഞിട്ടാണു ഞങ്ങൾ വീട്ടിലെത്തിയത്.

ഉച്ചകഴിഞ്ഞ് ഞാൻ സാജിതയെ കാണാൻ പുറപെട്ടു.. അവളുടെ ക്ലാസ് കഴിയുന്ന സമയത്ത് ഞാൻ സ്കൂളിലേക്ക് ചെന്നു.. അവിടെ സ്റ്റാഫ് റൂമിൽ കുറച്ച് ടീചേർസും എച്ച് എം ഉം ഒക്കെയുണ്ടായിരുന്നു..

"ആ.. അൻവർ... എന്താണു ഒരു മുന്നറിയിപ്പില്ലാതെ"? എച്ച് എം ചോദിച്ചു..

" ഇല്ലാ കുഴപ്പല്ല്യാ ഞാൻ.. ഞാനൊരാളെ കാണാൻ.. വേണ്ടി.."..

"ആരാ.. ആരെയാ കാണേണ്ടത്"?

" സാജിത.."??

"സാജിത ടീചർ ഇവിടെയുണ്ടായല്ലൊ.. അപ്പുറത്ത് ഒന്നു നോക്കൂ.."

"ആ.. ഞാൻ നോക്കാം.." ഞാൻ പറഞ്ഞ് തിരിഞ്ഞ്പ്പോൾ..

"ആ .... അൻവർ, നാളെ കഴിഞ്ഞ് സ്കൂളിലൊരു പരിപാടീണ്ട് താൻ പങ്കെടുക്കണം..". എച്ച് എം പറഞ്ഞു..

" ഒഹ്.. ആയിക്കോട്ടെ ഞാൻ എത്താം" അതും പറഞ്ഞ് പുറത്തിറങ്ങി

ഞാൻ ആ വരാന്തയിലൂടെ നടന്നു.. എതിർ വശത്തു നിന്നും സാജിത വരുന്നു..

അവൾ എന്നെ കണ്ട് ഒരു പ്രത്യേക അവസ്ഥയിലേക്ക് മാറുന്നത് ഞാനറിഞ്ഞു.. അവൾ ഒന്ന് ചിരിച്ചു.. ഞാനും.

"എന്തെ കാണണമെന്ന് പറഞ്ഞിരുന്നത്"?
ഞാൻ ചോദിച്ചു..

" ഞാൻ ..."
"നമുക്ക് ഒന്ന് നടക്കാം.." അവൾ പറഞ്ഞു..

"ഓഹ്.. ആയിക്കോട്ടെ"... ഞാൻ പറഞ്ഞു..

" ഞാനന്ന് തന്ന ലെറ്റെർ വായിച്ചില്ലാലെ.."

"അതിനു പറ്റിയില്ല.. ആ സമയത്തായിരുന്നു വല്ലിപ്പാക്ക് വയ്യാതായതും ഒക്കെ.. "

"സാരല്ല്യാ.. വല്ലിപ്പാക്ക് ഇപ്പൊ എങ്ങെനിണ്ട്.."?

" ആൾക്ക് ഉഷാറായി.."!!

"ഉം.." അവളൊന്ന് മൂളി..

"അന്ന് വീട്ടിൽ വന്നിട്ട് എന്തൊക്കെ തെറിയായിരുന്നു വിളിച്ചത്.."?

" അത് .. അന്ന് സ്വൽപ്പം മദ്യം.."!!

"ഉം"..

" പണ്ടൊന്നും മദ്യപാനം ഇല്ലായിരുന്നല്ലൊ"!?

"ഇല്ലായിരുന്നു.. പിന്നീട് തുടങ്ങേണ്ടി വന്നു.."

"ഉം."

"ഇപ്പോഴും കവിതകളെഴുതാറുണ്ടൊ" അവൾ എന്നോട്..

"നല്ലതെവിടെയൊക്കെയൊ നഷ്ട്ടപെട്ടു എന്നിൽ നിന്ന്.."

അവളെന്റെ‌മുഖത്തേക്കൊന്ന് നോക്കി.. ആ സമയം എന്റെ കണ്ണ് നിറഞ്ഞിരുന്നത് അവൾ ശ്രദ്ധിച്ചു..

"ഞാൻ..... ഞാനൊരു സാധനം തന്നാ വാങ്ങൊ!??"

"എന്താണു.."?

അവളെനിക്ക് നേരെ ഒരു ചെറിയ പെട്ടി നീട്ടികൊണ്ട്..