Chapter Title : ഹരികാണ്ഡം 1 [സീയാൻ രവി]

സ്കൂൾ. തിരിച്ചു സ്റ്റാഫ്റൂമിലേക്ക് പോകുന്നതിനു മുമ്പ് സോമൻ സാറിനോട് ഇന്നത്തേക്ക് നേരത്തെ ഇറങ്ങിക്കോട്ടെ എന്ന് അനുവാദം ചോദിച്ചു. സാർ രാജപ്പനെ എൻ്റെ കൂടെ ആക്കി. ഞാൻ സ്റ്റാഫ്റൂമിലേക്ക് ചെന്ന് ഇന്ന് പോകുന്നെന്ന്പറഞ്ഞു ബാഗും തൂക്കി ഇറങ്ങി. വനജയോട് കണ്ണുകൾ കൊണ്ടൊരു ബൈ പറഞ്ഞത്തിനൊരു വശ്യ പുഞ്ചിരി മറുപടി കിട്ടി. ചായക്കടയിൽ നിന്ന് ബാഗും എടുത്തു ഞാൻ രാജപ്പൻ്റെ കൂടെ നടന്നു. 15 മിനിറ്റ് നടക്കാൻ ഉണ്ട് സോമൻ സാറിൻ്റെ വീട്ടിലേക്ക്. ഞാൻ അകത്തേക്ക് കയറി കാളിങ് ബെൽ അടിച്ചു. സാമാന്യം വലിയ ഒരു വാർക്ക വീട്, അടുത്തൊന്നും വേറെ വീടുകൾ ഇല്ല, കുറെ സ്ഥലം ഉണ്ടെന്നു തോന്നുന്നു. തെങ്ങും അടയ്ക്കാ മരങ്ങളും പിന്നെ ജാതി മരങ്ങളും ഇടതൂർന്ന മനോഹരമായ പറമ്പ്. മുറ്റത്തിന് ചുറ്റും നിറയെ ചെടികളും നട്ടുനിർത്തിയിട്ടുണ്ട്. വീടിനു പുറത്തുനിന്നാണ് കോണി മുകളിലേക്ക്, അത്നന്നായെന്ന് തോന്നി. ഒരു കറുത്ത് തടിച്ച സ്ത്രീ വാതിൽ തുറന്നു. ചേച്ചി എന്തിയെ കമലേ എന്ന രാജപ്പൻ്റെ ചോദ്യത്തിനു ആരാ അവിടെ എന്നൊരു ചോദ്യമാണ് അകത്തു നിന്ന് വന്നത്. സാറ് പറഞ്ഞിട്ടു വന്നതാ, പുതിയ മാഷ്, മുകളിൽ താമസിക്കാൻ. കമല അകത്തേക്കും ഒരു വശ്യമുഖം പുറത്തേക്കും വന്നു. ഉയരം കുറഞ്ഞു അധികം വണ്ണമില്ലാത്ത ഐശ്വര്യം

തുളുമ്പുന്ന ഒരു സ്ത്രീ, നിർമല ചേച്ചി താക്കോൽ എടുത്തുതന്നു. അപ്പൊ ഞാൻ അങ്ങോട്ടിറങ്ങുവാ മാഷെ എന്ന് പറഞ്ഞു രാജപ്പൻ പുറത്തേക്കിറങ്ങി. കമല വന്നു എന്തൊക്കെയോ കുശുകുശുക്കുന്നത് കണ്ടിട്ടാകണം നിർമലചേച്ചി പറഞ്ഞു കമല രാജപ്പൻ്റെ കെട്ട്യോളാ. ഭക്ഷണമൊക്കെ എങ്ങിനെ എന്ന ചോദ്യത്തിനും ഉത്തരമില്ലായിരുന്നു. മൂന്ന് നേരം ഭക്ഷണം നിർമല ചേച്ചി തരാമെന്നേറ്റു. വാടകക്കു പുറമെ ഭക്ഷണം, പിന്നെ കരണ്ടു ചാർജും. അറുത്ത കൈക്കു ഉപ്പു തേക്കാത്ത വകയാണെന്നു തോന്നി. ചേച്ചി എന്നെ മുകളിലേക്കുള്ള വഴി കാണിച്ചു മുമ്പിൽ നടന്നു സ്റ്റെപ് കയറുമ്പോൾ നനുത്ത രോമമുള്ള വെള്ളിക്കൊലുസിട്ട കാലുകൾ എനിക്ക് മുമ്പിൽ ദർശനം തന്നു. മുകളിൽ എത്തി വാതിലും തുറന്നു തന്നു ചേച്ചി തഴേക്കു പോയി. ഒന്നടിച്ചു വാരാൻ കമലയെ വിട്ടേക്കാം എന്ന്പോകുന്ന വഴിക്കു പറഞ്ഞു. ബാഗ് തുറന്നു ഞാൻ കൈലി