Chapter Title : ഹരികാണ്ഡം 2 [സീയാൻ രവി]

എന്നെക്കുറിച്ചു പറഞ്ഞിരിക്കുന്നു എന്ന് തോന്നുന്നു. ഞാൻ സുഖം എന്ന് തലയാട്ടി, പുറത്തേക്കിറങ്ങി. വരുന്ന വഴി ആലീസിൻ്റെ കടയിലേക്കൊന്നു നോക്കി, അടഞ്ഞു കിടക്കുന്നു. ഞായർ അവധിയായിരിക്കും എന്നൂഹിച്ചു. അഞ്ചു മണി കഴിഞ്ഞു വീട്ടിലെത്തിയപ്പോഴേക്കും. ഞാൻ മടുത്തിരുന്നു. ചേച്ചിയെ ഇറക്കി ഞാൻ സ്കൂട്ടർ ഒതുക്കി. ഹരീ, ഞാൻ മൂന്നു സാരിയും ഒന്നുടത്തു കാണിക്കാം, ഏതാ നല്ലതെന്നു പറയുവോ. നീ പറയുന്നതുടുത്തു കല്യാണത്തിന് പോകാം, എനിക്കെല്ലാം നല്ലതെന്നാ തോന്നുന്നേ. ഞാൻ ഒന്ന് കുളിച്ചിട്ടു വരാം ചേച്ചീ എന്ന് പറഞ്ഞു മുകളിലേക്ക് നടന്നു. ആ നീ കുളിച്ചു വാ, അപ്പോഴേക്കും ഞാൻ ചായ ഉണ്ടാക്കാം എന്ന് പറഞ്ഞു ചേച്ചി അകത്തേക്ക് പോയി. ഒന്ന് വിസ്തരിച്ച്‌ കുളിച്ചു. ഒരു കൈലിയും ഷർട്ടും എടുത്തിട്ട് ഞാൻ താഴെക്കു ചെന്നു. താഴെ വാതിൽ അടഞ്ഞു കിടക്കുന്നു, ഒന്ന്തള്ളി നോക്കി, കുറ്റിയിട്ടിട്ടില്ല. ചേച്ചി അടുക്കളയിൽ ആണെന്ന് തോന്നുന്നു, വാതിൽ ചാരി അകത്തേക്ക് നടന്നു. ചേച്ചി ചായ ഉണ്ടാക്കുകയാണ്. എന്നാ ചേച്ചീ ചായക്കുള്ളേ എന്നും ചോദിച്ചു അടുത്തേക്ക് ചെന്നു. ചേച്ചി ചായയുടെ കൂടെ കൊറച്ചു ചിപ്സും എടുത്തു തന്നു. നീ ഇത് കുടിച്ചും കൊണ്ട് അവിടിരിക്ക്, ഞാൻ സാരി ഒന്നടുത്തു കാണിക്കാം എന്നും പറഞ്ഞു അകത്തെത്തേക്കു പോയി. ഞാൻ ചായയും എടുത്തു സ്വീകരണമുറിയിൽ പോയിരുന്നു, ചിപ്സും കൊറിച്ചു ഒരു മാസികയും വായിച്ചവിടെ ഇരുന്നു. അല്പം കഴിഞ്ഞപ്പോഴേക്കും ചേച്ചി ഇറങ്ങി വന്നു. മഞ്ഞ കളറുള്ള ശരിയാണാദ്യം ഉടുത്തു വന്നത്, ഉയരം കുറവായതു കൊണ്ട് സാരിക്ക് ഒരു ചുറ്റ് കൂടുതൽ ഉണ്ടെന്നു തോന്നുന്നു. ഫ്‌ളീറ്റ് ശരിയായിട്ടില്ല, ഞാൻ അകെ മൊത്തം ഒന്ന് നോക്കി,