Chapter Title : ഹരികാണ്ഡം 4 [സീയാൻ രവി]

അവിടെ നിന്നു. മെമ്പർഷിപ് പോലുമില്ലാത്ത എനിക്കെന്തൊന്നു പ്രവർത്തനം, ഉള്ളിൽ ചിരിച്ചു. വന്നിരിക്കെടാ, ചേച്ചിയാണ്. ആ ഹരി കഴിക്ക്, ഞങ്ങളൊക്കെ കഴിച്ചതാ, സോമൻ സാർ പറഞ്ഞു. ചിരിച്ച് ഡൈനിങ്ങ് ടേബിളിൽ പോയി ഇരുന്നു. ചേച്ചി പ്ലേറ്റ് തന്നു, ചോറ് വിളമ്പിയത് അഞ്ജനയാണ്, ഞാൻ ഒന്ന് ചിരിച്ച് കാട്ടി. ഇന്നത്തെ കുക്കിംഗ് ഇവളുടെ വകയാ, ചേച്ചി പറഞ്ഞു, കൊള്ളാം നന്നായിട്ടുണ്ട്, ഞാൻ അത്മാർത്ഥമായിട്ട് പറഞ്ഞു. കറികളൊക്കെ ശെരിക്കും നന്നായിരുന്നു. നിനക്ക് കാർ ഓടിക്കാൻ അറിയാമോ, ചേച്ചിയാണ്. അറിയാം ചേച്ചീ, വീട്ടിൽ കാറുണ്ട്. പറഞ്ഞിട്ട് നോക്കിയത് അന്ജനയുടെ മുഖത്തേക്കാണ്, അവളെന്നെ തന്നെ നോക്കി നിൽക്കുന്നു. ഞാൻ കണ്ടതും നോട്ടം മാറ്റി അവൾ അകത്തേക്ക് നടന്നു. നീ ഓടിക്കും എന്നറിയില്ലായിരുന്നു, ഞങ്ങൾ ഒരു സിനിമക്ക് പോയാലോ എന്നോർത്തിരിക്കുവായിരുന്നു. ഫസ്റ്റ് ഷോ കാണാമെന്നു വിചാരിച്ചാ. എന്തായാലും ഞാൻ രാജേഷിനോട് വരാൻ പറഞ്ഞിട്ടുണ്ട്, കമലയുടെ മോനെ, അവൻ നന്നായി വണ്ടിയോടിക്കും.

ആരൊക്കെയാ പോണേ, ഞാൻ വെറുതെ ചോദിച്ചു. അഞ്ജന, അവളുടെ അമ്മ, ഞാൻ, ധന്യ പിന്നെ രാജേഷും. ചേച്ചി പറഞ്ഞു. സാറും അളിയനും വരുന്നില്ലേ, ഞാൻ ചോദിച്ചു. ഇല്ല അവർ എവിടെയോ പോകുന്നത്രേ. നീയും പോരെ, വെറുതെ ഇവിടെ ഇരിക്കുന്നതെന്തിനാ. ഞാൻ സമ്മതിച്ചു. അഞ്ചു മണിയാകുമ്പോഴേക്കും റെഡി ആയിരുന്നോ, ഞാൻ വിളിച്ചേക്കാം. ഞാൻ പുറത്തേക്കിറങ്ങി. ഹരീ സ്കൂട്ടർ കീ ഒന്ന് തന്നേക്ക്. ഇവാൻ ഓടിച്ചോളും ഞങ്ങൾക്ക് ഒരിടം വരെ പോകാനുണ്ട്. സോമൻ സാർ പറഞ്ഞതും സ്കൂട്ടർ കീ എടുത്തു കൊടുത്തു. രണ്ടര ആയതേ ഉള്ളൂ, ചെന്ന് ഡ്രസ്സ് മാറി ഒന്ന് കിടന്നു. ഉറങ്ങിപ്പോയി, ആരോ കതകിൽ