Chapter Title : ഹരിത മനോഹരം 5 [ശ്രീരാജ്] [ക്ലൈമാക്സ്‌]

നീട്ടി പറഞ്ഞു : ഹൃദ്യ ചേച്ചി അയച്ചു തന്നതാണ്. ഹരിക്ക് വേണ്ടി ആലോചിക്കുന്ന കുട്ടിയാണ്..

ആയിഷയുടെ നെഞ്ചോന്നു കാളി..

ഫൈസി : അവനെ കുറിച്ച് എല്ലാം അറിയുന്ന, ചേച്ചിടെ ഹസ് ഗുകുലേട്ടന്റെ റിലേഷനിൽ ഉള്ളതാണ്. ഹരി സമ്മതിക്കാത്തൊണ്ട് എന്നോട് പറഞ്ഞു സമ്മതിപ്പിക്കാൻ വേണ്ടി അയച്ചതാണ്...

ആയിഷയുടെ മുഖം കുനിഞ്ഞു.....

ഫൈസി കൂടുതൽ പറയാതെ, വീൽ ചെയർ തിരിച് വീട്ടിലേക്ക് നീങ്ങി......

................................................................

ഓണമായത് കൊണ്ട് എല്ലാവരും ഉണ്ട് ഹരിയുടെ വീട്ടിൽ. അച്ഛനും, അമ്മയും, ചേച്ചിമാരും, ഭർത്താക്കന്മാരും, കുട്ടികളും.. ആകെ ബഹളമയം

അതിനിടയിലാണ് ആ വലിയ നാല് കേട്ട് പോലുള്ള വടക്കൂട്ട് വീടിന് മുന്നിൽ കാർ വന്നു നിൽക്കുന്നത്.

പിന്നിലെ പറമ്പിൽ കുട്ടികളോടൊപ്പം ആയിരുന്ന ഹരിയെ വിളിക്കാൻ വാസു ഏട്ടൻ വന്നു പറഞ്ഞു : ബാംഗ്ലൂരിൽ നിന്ന് ആരൊക്കെയോ വന്നിട്ടുണ്ട്.. അങ്ങോട്ട് ചെല്ലാൻ പറഞ്ഞു..

ഹരി കുട്ടികളുമായി അങ്ങോട്ടേക്ക് തിരിച്ചു.

" എടാ മോനെ" ഹരി അലറി വിളിച്ചു, ഹൃദ്യയുടെ അടുത്തായി പുറത്തു തന്നെ കാഴ്ചകൾ കണ്ട് ഇരിക്കുന്ന ഫൈസിയെ കണ്ട്..

" അയ്യോ, ഹരി മുണ്ട് എടുത്ത്. കൊള്ളാലോ "...... ഫൈസി പറഞ്ഞു.

ഫൈസിയുടെ അരികിൽ എത്തി കൈ പിടിച്ചു മുത്തം വച്ച് ഹരി പറഞ്ഞു : നിന്നെയും മുണ്ട് ഉടുപ്പിക്കാം, വാ.....

" എനിക്ക് പറ്റുമോടാ മുണ്ട് "... ശബ്ദം കേട്ട ഭാഗത്തേക്ക്‌ ഹരി നോക്കി.

ഹരി ഉറക്കെ പറഞ്ഞു : വക്കീലേ, എത്ര കാലം ആയി കണ്ടിട്ട്..

ഹരി അനുവിന്റെ അടുത്തേക്ക് നടന്നു. കുറച്ചു പിന്നിൽ ആയി, ചേച്ചി ഹിമയുടെ കൂടെ, കറുത്ത ചുരിദാറിൽ നിൽക്കുന്ന ആയിഷയും ഹരിയുടെ കണ്ണിൽ പെട്ടു.

അതിന് തൊട്ടു പിന്നിലായി സാരിയിൽ നഫിസുമ്മ തന്റെ അമ്മയുടെയും, അച്ഛമ്മയുടെയും അടുത്ത് തന്നെ ഉണ്ടായിരുന്നു.

അച്ഛനും അളിയന്മാരും ഒന്നിച്ചു ഒരു ഭാഗത്ത്‌...

ഹരി ആദ്യം അനുവിന്റെ അടുത്തെത്തി ചിരിച്ചു കൊണ്ട് : എന്താ വക്കീലേ വിശേഷം, കേസ് ഒക്കെ ഉണ്ടോ.

അനു ചിരിച്ചു കൊണ്ട് : ഒരു കേസും കൊണ്ടാണ് വന്നത്.

ഹരി : അതേത് കേസ്..

അനു : നിന്റെ ഡിവോഴ്സ്