Chapter Title : ഹിമകണം 2 [Kannan]

പഠിക്കുന്നു പേര് ദേവദത്തൻ അടുത്തമാസം വരും ഇളയവൾ രുദ്ര ഇവിടെ കോളേജിലാക്കി bcom ന്… നിന്റെ കാര്യം പറ”
ശോഭന പദ്മിനിയോട് ചോദിച്ചു
“എനിക്കും രണ്ടുപേർ മൂത്തവൻ വിഷ്ണു എംകോമിന് പഠിക്കുന്നു ഇളയവൾ കൃഷ്ണ bcom ന് പഠിക്കുന്നു.”
പദ്മിനി നാരങ്ങാ പിഴിഞ്ഞുകൊണ്ട് പറഞ്ഞു
“വിഷ്ണുമോനെ ഞങ്ങൾ പരിചയപ്പെട്ടു… പക്ഷേ നമ്മളുടെ ബന്ധമൊന്നും അവനറിയില്ല…”
ശോഭന ചിരിച്ചുകൊണ്ട് പറഞ്ഞു
“ഉണ്ണിയെ എങ്ങനെ പരിചയപ്പെട്ടു?”
പദ്മിനി ചോദിച്ചു
“ഞങ്ങൾ ഇവിടെ അടുത്തുള്ള വീട് മേടിച്ചു… അവനാണ് പൈന്റിങ്ങിന്റെ കാര്യങ്ങളൊക്കെ… അങ്ങനെ ഇന്ന് രാവിലെ വീട്ടിൽ വന്നിരുന്നു.”
ശോഭന പറഞ്ഞൂ.
പദ്മിനി ഒന്ന് ചിരിച്ചു
തണുത്ത വെള്ളവുമായി ഹാളിൽ എത്തുമ്പോ മഹാദേവനും നാണുപിള്ളയും ഗൗരവമായി എന്തോ സംസാരിക്കുകയായിരുന്നു
“ദേ… ഏട്ടാ…”
പദ്മിനി മഹാദേവന് നാരങ്ങാ വെള്ളം കൊടുത്തു
“മോളെ… ഞാൻ നിങ്ങളെയൊക്കെ കാണാനും ഗൗരവമായി കുറച്ചു കാര്യങ്ങൾ പറയാനുമാണ് വന്നത്”
പദ്മിനി അയാളുടെ മുഖത്തേക്ക് നോക്കി
“അച്ഛൻ അവസാനകാലത് എന്നോട് ചോദിച്ചു അച്ഛൻ എനിക്ക് തന്ന സ്വത്തുക്കളിൽ പകുതി അവകാശം നിനക്കുംകൂടി കൊടുക്കാവോ എന്ന്… അച്ഛൻ അന്നത്തെ ദേഷ്യത്തിന് എല്ലാം എന്റെ പേരിൽ തന്നങ്കിലും അതിന്റെ പകുതി നിനക്ക് തരണമെന്ന് ഞാൻ തീരുമാനിച്ചു…”
പറഞ്ഞിട്ട് മഹാദേവൻ പദ്മിനിയുടെ മുഖത്തേക്ക് നോക്കി. പദ്മിനി ചുവര് ചാരി പുറത്തേക്ക് നോക്കി നിൽക്കുകയായിരുന്നു
“ഞാൻ കണക്കു ഒന്നും പറയുന്നില്ല നിനക്കിഷ്ടമുള്ളതെല്ലാം നിനക്കെടുക്കാം… നീയെന്താ ഒന്നും മിണ്ടാത്തെ?”
മഹാദേവൻ പറഞ്ഞു.
“അച്ഛന്റെ സ്വത്ത്… അത് അച്ഛൻ ഏട്ടനെഴുതി തന്നതാണ്, അതിലെനിക്കൊരു അവകാശവുമില്ല, എനിക്കോ എന്റെ കുഞ്ഞുങ്ങൾക്കോ അതിൽ താല്പര്യവുമില്ല.”
എങ്ങോട്ടോ നോക്കിക്കൊണ്ട് പദ്മിനി പറഞ്ഞു
“പദ്മിനി…