Chapter Title : ഹിതയുടെ കന്നംതിരിവുകൾ 1 [സിമോണ]

ലൈഫിനെക്കുറിച്ച്.

പാതിയാക്കിയ ഗ്ലാസും പിടിച്ചു നിൽക്കുന്ന ഇച്ചായനേം വലിച്ചുകൊണ്ട്, അടുക്കളയിലേക്ക് ചെന്നപ്പോഴേക്കും, പ്രെഷർ കുക്കർ, ശിരസ്സിൽ വീണ ഇളനീർ ധാരയിൽ, തന്റെ ക്രോധമൊക്കെ അടക്കി, ധ്യാനനിരതനായി, ചീറ്റിത്തെറിച്ച കഞ്ഞിവെള്ളത്താൽ ആകെ വെള്ളാമ്പിച്ച് സിങ്കിൽ ഇരിപ്പുണ്ടായിരുന്നു..

"ഇച്ചായാ... മിക്കവാറും ബിരിയാണിക്ക് പകരം കഞ്ഞീം ചിക്കനും കൊടുക്കേണ്ടി വരും ന്നാ തോന്നണേ ട്ടാ. വിസില് നാലാ വീണത്.. അതും ഈ ബസ്മതി റൈസില്..." ഞാൻ പന്ത്രണ്ടു ശിഷ്യന്മാരിൽ യൂദാസിനെ മാത്രം ഒഴിവാക്കി, ബാക്കിയുള്ളവരെ കൂട്ട് വിളിച്ച് കുക്കർ തുറന്നു..

കർത്താവ് ആ നേരത്ത് ഭയങ്കര ബിസി ആയിരിക്കുമെന്ന് ഊഹിച്ചു.. കാരണം, ഇനി വരാൻ പോണ, ഹിതചരിതം കഥകളിയുടെ തിരക്കഥ എഴുതിക്കൊണ്ടിരിക്കാവൂലോ.. നമ്മളെന്തിനാ ഏതു നേരോം മൂപ്പരെ ശല്യം ചെയ്യണേ ന്നേ???

പരീക്ഷ ജയിപ്പിക്കാൻ കർത്താവ്, അഡ്മിഷൻ കിട്ടാൻ കർത്താവ്, കയ്യിലിരിപ്പിന്റെ ഗുണം കൊണ്ട് ഉണ്ടാക്കികൂട്ടിയ ശത്രുക്കളെ ഒതുക്കാൻ കർത്താവ്, പ്രൊമോഷൻ കിട്ടാൻ കർത്താവ്, പ്രേമം പൂവണിയാൻ കർത്താവ്, പൂവണിഞ്ഞ പ്രേമം അടിവയറ്റിൽ പിടിച്ച് പുതിയ കായുണ്ടവുമെന്ന് തോന്നിയാൽ, അതിനെ അലസിപ്പിക്കാനും കർത്താവ്... അല്ല.. സത്യതിൽ മൂപ്പര് ആരാ??? ഹോ.. വഴി മാറിപ്പോയി.. മൂപ്പർ ആരെങ്കിലും ആവട്ടെ...

പറഞ്ഞുവന്നെ... പതിനൊന്നിൽ ആരുടെയോ കൃപകൊണ്ട്, പ്രതീക്ഷിച്ച അത്രയ്ക്ക് കഞ്ഞിയായില്ല... എന്നാലും ചോറും വറ്റുകളൊക്കെ സ്നേഹപൂർവ്വം തമ്മിൽ തമ്മിൽ കെട്ടിപിടിച്ച്, ഒരുമാതിരി "ഗ്രൂപ്പ് സെക്സ് സീൻ" പോലായി..

"ഹോ... ഇന്നാ മൈരിന്റെ വായീന്ന് എന്തൊക്കെ കേൾക്കുവോ ആവോ.." ഇച്ചായൻ, ഇത്തിരി ആശ്വാസത്തിലൊന്ന് നിശ്വസിക്കാൻ തുടങ്ങിയ എന്റെ ശ്വാസഗതി ഒരു നിമിഷത്തിക്ക് നിർത്തിച്ചു.

"ഇയാള് പോയേ... പോയി രണ്ടെണ്ണം കൂടി വീശി നല്ല മൂഡിലായിക്കോ.. ഇത് ഞാൻ നോക്കിക്കോളാം.. പോ പോ..." ഞാൻ ഇച്ചായനെ തള്ളി പുറത്താക്കി, എന്റെ സ്‌പെഷ്യൽ "ചിക്കൻ സെക്സി ബിരിയാണി" തയ്യാറാക്കാൻ നിന്നു.

പ്രതീക്ഷിച്ചത്രയ്ക്ക് ബിരിയാണി അലമ്പായില്ല.. കൈ കഴുകും നേരം, ഒരു ഷേവിങ് ബ്ലേഡ് കൂടെ കൊടുത്താൽ, നല്ല വൃത്തിയായി കയ്യിൽ നിന്ന് വടിച്ചെടുത്ത് കഴുകിയാൽ മതിയാവും... അത്രേ ഉള്ളു... പക്ഷെ സംഗതി ടേസ്റ്റിയാണ്...

ഇനി ആരേലും മോശമായെന്ന് പറയുന്നതിന് ഒരു മുൻ‌കൂർ തടയിടാനായി, ഒട്ടും തരക്കേടില്ലാതെ ഒന്ന് അണിഞ്ഞൊരുങ്ങാൻ ഞാൻ