Chapter Title : ഹോളിയിൽ ചാലിച്ച നിറക്കൂട്ടുകൾ [പവിത്രൻ]

ബേട്ടി.. "

കൺതുറന്നപ്പോൾ മുൻപിൽ നിന്നു ശർമ്മാജി ചിരിച്ചു.

പ്രായം നാൽപതു കഴിഞ്ഞെങ്കിലും സ്ഥലത്തെ പ്രധാന കോഴിയാണ്. മീശയൊക്കെ നരച്ചു തുടങ്ങിയത് ഡൈ അടിച്ചു മറച്ചു പിടിച്ചാണ് പുള്ളിയുടെ നടപ്പ്.

"ഹാപ്പി ഹോളി അങ്കിൾ.. "

ശർമ്മാജിയുടെ കയ്യിലിരുന്ന പത്രത്തിൽ നിന്നും കുറച്ചു  കളർ വാരി ഞാൻ പുള്ളിയുടെ മുഖത്തു തേച്ചു.

"ബേട്ടിയുടെ  കൈ ഭയങ്കര സോഫ്റ്റ്‌ ആണല്ലോ.. "

അയാളുടെ കവിളിൽ പതിഞ്ഞ എന്റെ കൈക്കു മുകളിൽ കൈ അമർത്തി കൊണ്ട് തല എന്റെ കൈയിലേക്ക് ചെരിച്ചു. പെട്ടെന്ന് ഞാൻ കൈ പിന്നോട്ട് വലിച്ചു.

"ആദ്യ ഹോളിയല്ലേ ബേട്ടി.. "

അതെയെന്ന് ഞാൻ തലയാട്ടി..

"ഇഷ്ടായോ..? "

"മ്മ്.. "

അയാളിൽ നിന്നു എങ്ങനെയെങ്കിലും രെക്ഷപെട്ടാൽ മതിയെന്നായി എനിക്ക്.

"ബേട്ടി... "

ആ വിളി ശർമ്മാജിയുടെ മുന്നറിയിപ്പാണെന്നു തിരിച്ചറിയുന്നതിനു മുൻപേ ഒരു ബക്കറ്റ് വെള്ളം എന്റെ തലയിൽ കൂടി ഒഴിച്ച് ശ്രേയ ഓടി പോയി. വെള്ളത്തിൽ കുതിർന്ന എന്റെ ശരീരത്തിലേക്ക് ശർമ്മാജിയുടെ കണ്ണുകൾ അരിച്ചിറങ്ങിയപ്പോളാണ് എന്റെ അവസ്ഥ ഞാൻ തിരിച്ചറിഞ്ഞത്. വെളുത്ത ബനിയൻ വെള്ളത്തിൽ കുതിർന്നു മറ അല്ലാതായിരിക്കുന്നു. അതിനു താഴെ ഇളം നീല നിറത്തിലുള്ള ബ്രാ തെളിഞ്ഞു നിന്നു. പൊക്കിൾ കുഴിയ്ക്കുള്ളിലേക് ഒട്ടി കിടന്ന ബനിയനെ വലിച്ചിട്ടു ഞാൻ ശ്രേയയുടെ പുറകെ ഓടി. ആൾക്കൂട്ടത്തിനിടയിലേക്ക് ഓടി കയറിയ ശ്രേയക്ക് പുറകെ ഓടി കയറിയ എന്നെ സ്വീകരിച്ചത് നീട്ടി പിടിച്ച പല പുരുഷ കരങ്ങളും ആയിരുന്നു.

മുഖമറിയാത്ത പല കൈകളും എന്റെ കൊഴുപ്പിന്റെ അളവെടുക്കാൻ തുടങ്ങി. ഓരോ കൈകൾ തട്ടി മാറ്റുമ്പോളേക്കും പുതിയവ ജന്മം കൊണ്ടു.