Chapter Title : ഇല്ലിക്കോട്ട് തമ്പുരാൻ 1 [SHIEKH JAZIM]

കാവൽ നായ ആയിരുന്നു തമ്പുരാന് ഷാപ്പുണ്ണി. പാടത്തും മറ്റു കൃഷിയിടങ്ങളിലും ആയി ഒരുപാട് നെല്ലും പച്ചക്കറികളും കന്നുകാലികളുമായി ധാരാളം കൃഷികൾ തമ്പുരാന് ഉണ്ടായിരുന്നു. എല്ലാ ആഴ്ചയും കൊട്ടാരത്തിൽ നിന്ന് ചരക്കുമായി ലോറി മലബാറിലേക്കും മംഗലാപുരത്തേക്കും പോകാറുണ്ട്. രാമു ആയിരുന്നു തമ്പുരാന്റെ ലോറിയുടെ തഴക്കവും പഴക്കവും അമരക്കാരൻ, രാമുവിന്റെ സ്വദേശം അങ്ങ് മംഗലാപുരത്ത് ആയിരുന്നു പക്ഷെ കഴിഞ്ഞ 15 വർഷങ്ങളായി രാമു ഇല്ലിക്കോട്‌ കൊട്ടാരത്തിലെ ആശ്രിതൻ ആണ്. തമ്പുരാന് വേണ്ടി ചവാൻ വരെ രാമു ഒരുക്കമാണ്, തമ്പുരാന്റെ വാക്കിന് അപ്പുറത്തേക്ക് രാമുവിന് ഒരു തീരുമാനം ഇല്ല. അങ്ങനെ ഇരിക്കെ ഒരിക്കൽ ചരക്കുമായി മംഗലാപുരത്തേക്ക് പോയ രാമു ആഴ്ചകൾ പലത് കഴിഞ്ഞിട്ടും തിരിച്ചു വന്നില്ല. ഷാപ്പുണ്ണിയിൽ നിന്നും വിവരം അറിഞ്ഞ തമ്പുരാൻ മംഗലാപുരത്തേക്ക് ആളെ അയച്ചു, രാമുവിനെ അന്വേഷിക്കാൻ. മംഗലാപുരത്ത് പോയ ആൾ രണ്ടു ദിവസം കഴിഞ്ഞു തിരികെ എത്തി. തമ്പുരാനോട് കാര്യങ്ങൾ ധരിപ്പിച്ചു, രാമു അവിടെ തന്റെ സ്വദേശത്തു ഉണ്ടെന്നും അമ്മാവൻ പെട്ടെന്ന് മരിച്ചെന്നും ഒറ്റക്ക് ആയ അമ്മാവന്റെ മകൾ സുമയെ രാമു വിവാഹം ചെയ്തു അവിടെ താമസം ആക്കി എന്നും. കാര്യസ്ഥൻ ഷാപ്പുണ്ണിയുടെ വീട്ടിൽ ആയിരുന്നു തമ്പുരാൻ അപ്പോൾ ഉള്ളത്, ഇതു കേട്ട് കലി കയറിയ തമ്പുരാൻ മുറുക്കാൻ കോളാമ്പിയിൽ തുപ്പിയിട്ട് പറഞ്ഞു "ഏഭ്യൻ, ഈ പ്രായത്തിൽ ആണോ ഇനി അവനൊരു വിവാഹം?! ഹ്മ്മ് ഷാപ്പുണ്ണി അവനെ എത്രയും പെട്ടെന്ന് ഇങ്ങട് എത്തിക്കണം, അവൻ ഇല്ലാതെ ഇവിടെ പണി ഒന്നും നടക്കില്ല". ഷാപ്പുണ്ണി തലയാട്ടി, തമ്പുരാൻ കലി തുള്ളി "എന്താ ഷാപ്പുണ്ണി തനിക്ക് നാവില്ലെ വായിൽ?!".... "ഉവ്വ്