Chapter Title : ഇന്നലകളിൽ ഇറങ്ങിയ ഹിബ 8 [ഫ്ലോക്കി കട്ടേക്കാട്]

ആ ചിരി എന്നിൽ വന്നവസാനിക്കുന്നത് എനിക്ക് സന്തോഷം നൽകുന്നു.....

അനു എന്നെ നോക്കി ചിരിച്ചു കൊണ്ട് പിന്നിലോട്ട് അടിവെച്ചു നടന്നു റൂമിൽ കയറി... ശ്യാമളച്ചേച്ചി എന്റെ അടുത്തു വന്നു നിന്നു... എന്റെ ചുണ്ടുകളിൽ വിരൽ വെച്ചുകൊണ്ട് അവയെ നുള്ളിയെടുത്തു....

“ആണൊരുത്തൻ എന്നതിനു ഒരു ഉദാഹരണം ചോദിച്ചാൽ ഞാൻ നിന്നെ ചൂണ്ടിക്കാണിക്കും... “

ഇതും പറഞ്ഞവർ എന്നെ ഉന്തി വിട്ടു.... ഞാൻ ആരാധന കിടക്കുന്ന മുറിയിൽ ഒന്ന് കയറി. നല്ല ഉറക്കമാണ്!!!! മുഖത്തേക്ക് വീണ മുടിയിഴകളെ ഞാൻ കൈകൊണ്ട് കോതി അരികിലേക്കിട്ട്... ആരാധനയുടെ മൂർദ്ധാവിൽ ഒരു സ്നേഹചുംബനം നൽകി... ഞാൻ റൂമിനു പുറത്തിറങ്ങി... ശ്യാമള ചേച്ചി അവിടെയും എന്നെ പിന്തുടർന്നു... അവരുടെ മുഖത്തെ ചിരി അതെന്നെ വല്ലാതെ ആകർഷിച്ചു.....

“ഡാ ഇന്നിനി കളിയൊന്നും വേണ്ട, ഉറങ്ങാൻ നോക്ക്... കളിയൊക്കെ നാളെ മതി മനസ്സിലായല്ലോ...”

ഞാൻ റൂമിൽ കയറി... ചെറിയ ഒരു ബെഡ്ഡ് അനു അരികിലേക്ക് നീങ്ങി കിടന്നു. ഞാൻ അനുവിനെ കെട്ടിപ്പിടിച്ചു കിടന്നു... കുറച്ചു സമയം ആയിക്കാണും എനിക്ക് പതിയെ ഉറക്കം പിടിച്ചു വരുന്നേ ഒള്ളു… അനു എനിക്ക് നേരെ തിരിഞ്ഞു കിടന്നു.. എന്തോ ഒരു ഉൾപ്രേണനയിൽ ഞാൻ കണ്ണുകൾ തുറന്നു നോക്കുമ്പോൾ അനു എന്നെ നോക്കി കണ്ണ്‌ തുറന്നു കിടക്കുകയാണ്…. ഞാൻ ചോദ്യ ഭാവത്തിൽ പുരികം ഉയർത്തി. അനു കണ്ണുകൾ അടക്കാൻ, അവളുടെ കണ്ണുകൾ കൊണ്ട് ആംഗ്യം കാണിച്ചു….

എന്റെ ചുണ്ടിൽ വിരിഞ്ഞ പുഞ്ചിരിയെ നോക്കി അനു മന്ദസമിതം തൂകി. പഴകിയ മൺ ചുവരിൽ നിന്നും വരുന്ന പഴമയുടെ ഗന്ധവും എനിക്ക് മുന്നിൽ ഞാൻ പ്രാണനോളം സ്നേഹിക്കുന്ന അനുവിന്റെ നോട്ടവും എന്നിലെ കാമുകനെയും കാമുകനിലെ കാമത്തെയും ഉണർത്തുന്നുവോ????

അനു പൊഴിക്കുന്ന നിശ്വാസത്തിന്റെ ചൂട് പോലും എന്റെയുള്ളിൽ തളിർമഴ പോലെ പൈതിറങ്ങുന്നു. ജീവന്റെ പാതി പോലെ അവളെന്നിൽ അലിഞ്ഞു ചേരുമ്പോൾ എന്റെ ലോകം അവളിലേക്കും അവളിലൂടെ അവളുടെ ഇഷ്ടങ്ങളിലേക്കും ചുരുങ്ങുകയാണോ???

“ഫൈസി…… ഫൈസി…. എണീക്ക്…. “

എപ്പോൾ ഉറങ്ങി എന്നറിയില്ല രാവിലെ അനു വന്നു വിളിച്ചപ്പോഴാണ് കൺ തുറന്നത്. തുളസിക്കാതിർ ചൂടി, നെറ്റിയിൽ ചന്ദനം ചാർത്തി, ഈറൻ മുടിയുമായി സെറ്റ്