Chapter Title : ഇരുട്ടിനെ പ്രണയിച്ചവൾ [ആൽബി]

സംശയം ദുരൂകരിക്കപ്പെടാൻ.

"എന്നാലും ആ കാഴ്ച്ചയാണ് എനിക്കവരോടുള്ള കാഴ്ച്ചപ്പാട് തന്നെ മാറ്റിയത്."ജിമിൽ പറഞ്ഞു.

"ഭായ്........ഒരു വേശ്യക്ക് അയാളെ വിലക്കെടുത്തവരുടെ ഇഷ്ട്ടത്തിനൊത്ത് നിക്കുക എന്നതാണ് ധർമ്മം.അതാണ് അങ്ങനെയൊരു സാഹചര്യത്തിൽ ഞങ്ങളെ കണ്ടതും.അരുന്ധതിയുടെ ഒരു ഫാന്റസി."മനീഷ് മറുപടി നൽകി.

"നിങ്ങൾ എങ്ങനെയാ ഇതിൽ?"
ജിമിൽ ചോദിച്ചു.

"അതൊക്കെ ഒരു കഥയാണ് ഭായ്
ഒരിക്കൽ മടിവാളയിൽ ബസ് നോക്കിനിന്നതാ.അപ്പഴാ ഒരു നെടുവരിയൻ സാധനം ലിഫ്റ്റ് ഓഫർ ചെയ്യുന്നത്.അന്നവരുടെ ഫ്ലാറ്റിൽ തുടങ്ങിയതാ.ഇന്നും തുടരുന്നു."

അപ്പോഴേക്കും അവർക്കിടയിൽ മഞ്ഞുരുകിത്തുടങ്ങിയിരുന്നു.
ഒറ്റക്ക് കഴിച്ചുതുടങ്ങിയ അവർ ഒന്നിച്ചു കഴിച്ചുതുടങ്ങി.ഒപ്പം ജിമിൽ തന്റെ കഥ പറഞ്ഞത് അതിനൊരു മേമ്പൊടിയായി.

"ഭായ്.........കുറച്ചു പണം പോയി അല്ലെ?ഇനി ജോലിയും പോകുമോ?"ജിമിലിന്റെ കഥകളും അവസ്ഥയും കേട്ടശേഷം മനീഷ് ചോദിച്ചു.

"കുറച്ചധികം.പക്ഷെ ജോലിയുടെ കാര്യം......അതിപ്പോൾ എന്തും സംഭവിക്കാം."ജിമിൽ മറുപടി നൽകി.

"അപ്പോൾ ഭായി ശരിക്കും പെട്ടു അല്ലെ"മനീഷ് ഒന്ന് ചിരിച്ചിട്ട് വീണ്ടും ചോദിച്ചു.

"ചെറുതായിട്ട്........"ജിമിലും ഒന്ന് ചിരിച്ചു.

"ഭായ് ഏത് മേഘലയിലും ഉള്ളത് പോലെ ചീറ്റിങ് ഈ മേഖലയിലും ഉണ്ട്.ആണുങ്ങളുടെ അടങ്ങാത്ത ലൈംഗികാസക്തി ഇന്ന് വല്ലാതെ ചൂഷണം ചെയ്യപ്പെടുന്നുമുണ്ട്.

ഓൺലൈൻ എസ്കോർട്ടിലാണ്
തട്ടിപ്പ് കൂടുതൽ.ഒന്നൊ രണ്ടോ പിക് കാണിച്ച് പേയ്‌മെന്റ് ചെയ്‌താൽ സ്ഥലം പറയാമെന്ന് പറഞ്ഞും,ന്യുട് വീഡിയോ ചാറ്റ് റെക്കോർഡ്‌ ചെയ്തും,ഭായിക്ക് പറ്റിയതുപോലെ പണവും സെക്സ് ചെയ്യാനുള്ള അവസരം വാഗ്ദാനം ചെയ്തും ഒക്കെ ഈ മേഘലയിലും ചൂഷണങ്ങൾ കലശലായിക്കഴിഞ്ഞു.

അവർക്കറിയാം മാനക്കേട് ഭയന്ന് ഒട്ടുമിക്കവരും ഇത്തരം ചീറ്റിങ് കേസുകളിൽ പോലീസിലോ കോടതിയിലോ പോവില്ലെന്ന്.

നമ്മുടെ ലൈംഗികതൃഷ്ണയാണ് അവർ മുതലെടുക്കുന്നത്.മുതൽ
മുടക്കൊന്നുമില്ല,എല്ലാം ലാഭം മാത്രം.അതിൽ നല്ലൊരു വിഭാഗം ആണുങ്ങളും ഒന്നല്ലെങ്കിൽ മറ്റൊരു രീതിയിൽ ചൂഷണത്തിന് വിധേയരാവുന്നുണ്ട്.