Chapter Title : ഇരുട്ടിന്റെ സന്തതികൾ [ആൽബി]

വച്ചതിനാലും മെമ്പർ നാട്ടുകാരെ ഒരുവിധം പിരിച്ചുവിട്ടു.നിന്നെ പിന്നെ എടുത്തുകൊള്ളാം എന്ന മട്ടിൽ ഒരു നോട്ടം നോക്കി ആയാളും നടന്നകന്നു. ***** താൻ ആള് കൊള്ളാല്ലോടൊ. എന്നിട്ടാണോ എന്റെ മെക്കിട്ട് കേറിയെ.

മച്ചിന്റെ മോളിൽ ഇരുന്ന താനിത് എങ്ങനെ????

ഒരു കള്ളൻ അല്ലെടോ,ആരേലും കേറി വരുവോ എന്നൊരു പേടി.ഓട് ഇളക്കി പുരപ്പുറത്തു കയറി.അപ്പഴാ തന്നെ ശരിക്കും അറിഞ്ഞെ. അയാൾ എങ്ങാനും കേറി നോക്കിയിരുന്നെലൊ?

അതുണ്ടാവില്ല,ഞാൻ പറഞ്ഞ കക്ഷി പതിവുകാരനാ.അതയാൾക്കും അറിയാം.ഒന്ന് വിരട്ടി നോക്കിയതാ. കൊണ്ടു.

തന്നെ സമ്മതിച്ചു കേട്ടൊ....

ഓഹ്,വരവ് വച്ചു.അല്ല തനിക്ക് കട്ട് തിന്നാലെ ദഹിക്കുവൊള്ളോ

ഇതേ ചോദ്യം ഞാൻ തിരിച്ചു ചോദിച്ചാലൊ.

താൻ ആള് മോശം അല്ലല്ലോ...ഞാൻ ആ ഒരിതില് ചോദിച്ചു എന്നെയുള്ളൂ. അല്ല,ഇന്നാ പലചരക്ക് കടേല് കേറി അല്ലെ.വല്ലോം തടഞ്ഞോ.

എന്ത് തടയാൻ,കേറിയത് മിച്ചം.ഒന്നും ഉണ്ടാരുന്നില്ല,കുറച്ച് ചില്ലറ മാത്രം.

ഓഹ്,അതിന്റെ പേരില് ഇവിടന്ന് ഒന്നും കരുതണ്ട.അതിനുള്ളത് ഇവിടെയില്ല.

അല്ലേലും ഇവിടുന്ന് വേണ്ട.കള്ളനാ പക്ഷെ മനസാക്ഷി വിട്ട് ഒന്നും വേണ്ട.

ഇയാൾ ആരാ കൊച്ചുണ്ണിയൊ.കട്ട് പാവങ്ങളെ സഹായിക്കാൻ.

ഞാൻ അത്ര പുള്ളിയൊന്നും അല്ല, പക്ഷെ സാധാരണക്കാരന്റെ വീട്.... അത് ചെയ്യില്ല.

അതൊക്കെ ശരി,ഇന്നെന്റെ കച്ചോടം കണക്കാ.തന്റെ പരിപാടി എന്താ... പോണില്ലേ.

ഇപ്പൊ പോയാൽ ശരിയാവില്ല. നാട്ടുകാർ ഇളകിയതല്ലെ.വെളുക്കും മുന്നേ പൊക്കോളാം.

ശരി...എന്ന ആ മൂലക്ക് വല്ലോം ചാഞ്ഞോ.വെട്ടം വീഴുന്ന മുന്നേ പൊയ്ക്കോണം.

അല്പം വെള്ളം തരുവോ,വല്ലാത്ത ദാഹം.നേരം ഇത്രയും ആയിട്ട് ഒരു തുള്ളി കുടിച്ചിട്ടില്ല.

ജാനകി അടുക്കളയിലേക്ക് കയറി. അവൾ കൊടുത്ത വെള്ളവും കുടിച്ച് ഒന്ന് തല ചായ്ക്കാൻ തുടങ്ങിയ നേരം വാതിലിൽ ഒരു തട്ട്