Chapter Title : ഇത് ഗിരിപർവ്വം 5 [കബനീനാഥ്] [Don’t Underestimate]

ശേഷം ഇടത്തേ കൈ പിടിച്ചെടുത്തു…

മടിയിൽ വെച്ച കൈയ്യിലെ മുറിപ്പാടിൽ മരുന്നു പുരട്ടവേ, മല്ലിക ഗിരിയുടെ മിഴികളിലേക്ക് ഉറ്റു നോക്കി……

“” ഗിരി എന്നോട് സത്യമേ പറയാവൂ……….””

ഗിരിയും അവളെ നോക്കി…

“” ചേച്ചി ചോദിക്ക്…………”

അവൻ പെട്ടെന്ന് ചിരിയോടെ, അന്തരീക്ഷം മയപ്പെടുത്താൻ പറഞ്ഞു……

“” ഗിരി എന്തിനാ ഇവിടേക്ക് വന്നത്…… ?””

അവൾ അവന്റെ കൈത്തണ്ടയിൽ തഴുകിക്കൊണ്ടിരുന്നു…

“” ഞാൻ പറഞ്ഞതാണല്ലോ…….........’

“” എന്നാലും… ഗിരി എന്റെ മുഖത്തു നോക്കി പറഞ്ഞാൽ എനിക്ക് വിശ്വാസമാ………. “

മല്ലികയുടെ മിഴികളിൽ ഇതുവരെ കാണാത്ത ഒരു തിളക്കം ഗിരി കണ്ടു…

അവനു നേരിയ പരവേശം തോന്നി…

“” ഗിരി പേടിക്കണ്ട… …. “

അതറിഞ്ഞതു പോലെ മല്ലിക തുടർന്നു…

“” ഞാൻ എന്താണെന്ന് എനിക്കു തന്നെ അറിയാം … ആരുമില്ലാത്തവരുടെ അടുത്തേക്ക് , ആരു വന്നാലും ഒരു സന്തോഷമുണ്ടാകുമല്ലോ……. നമ്മളെ തിരഞ്ഞു വരാൻ ഒരാളുണ്ടായല്ലോ എന്നൊരു സന്തോഷം… …. “”

അവന്റെ കൈ വിട്ട് അവൾ എഴുന്നേറ്റു…

അവളുടെ സ്വരത്തിന് നേരിയ ഇടർച്ചയുണ്ടായിരുന്നു……

“” അതല്ലേ ഇനി പ്രതീക്ഷിക്കാനുള്ളൂ… …. “

അവൾ മരുന്നുകളടങ്ങിയ കവറെടുത്ത് സ്റ്റാൻഡിൽ വെച്ചു… .

“” ഞാൻ പറഞ്ഞത് സത്യം തന്നെയാണ് ചേച്ചീ………. ഞാനൊരിക്കലും നിങ്ങളോട് നുണ പറയില്ല……. “

ഗിരി, അവളുടെ വലതു കൈ നീട്ടിപ്പിടിച്ചു…

“”സത്യം….....””

അവളുടെ കൈയ്യിൽ തന്റെ വലം കൈ ചേർത്ത് ഗിരി പറഞ്ഞു……

അണഞ്ഞു പോയ പ്രകാശം മല്ലികയുടെ മിഴികളിൽ തിരികെയെത്തി…

“” സുധാകരേട്ടൻ പറഞ്ഞേല്പിച്ച ഒരു കാര്യമുണ്ട്… “”

“” അതെന്താണെന്ന് പറഞ്ഞു കൂടെ…….?””

മല്ലിക പുഞ്ചിരിച്ചു……

“” പെണ്ണുങ്ങളുടെ മനസ്സിൽ രഹസ്യമങ്ങനെ ഇരിക്കില്ല… അതാ പറയാത്തത്… “

ഗിരി ചിരിച്ചു… ….

“” എന്നാലുമൊന്ന് പറയെടോ…””

മല്ലിക അവന്റെ ചുമലിൽ മൃദുവായി തട്ടി..

“” സമയമാകട്ടെ…....”

ഗിരി പറഞ്ഞൊഴിഞ്ഞു..

“” ഗിരി, നമ്മളിവിടെ നിന്ന് പോകും എന്ന് ഉമയോട് പറഞ്ഞു,അല്ലേ… ….?””

“” ഇതു തന്നെയാ ഞാൻ ഒന്നും പറയാത്തത്… രഹസ്യം പരസ്യമാകും… “

ഗിരി ചിരിയോടെ എഴുന്നേറ്റു..

അവൻ തിണ്ണയിലെ കസേരയിൽ വന്നിരുന്നതും