Chapter Title : ഇതിഹാസ 2 [mkuttan]

തനിക്ക്.. " ഞാൻ ഒന്നും മിണ്ടാൻ നിന്നില്ല ഒരു സ്റ്റോപ്പ്‌ എത്തിയപ്പോൾ ഞാൻ ബസ്സിൽ നിന്ന് ഇറങ്ങി പിന്നാലെ അവനും ഇറങ്ങി എന്റെ അടുത്ത് വന്നു.. ഞാൻ അരുണിനെ ഒന്ന് നോക്കി എന്താ തന്റെ ഉദ്ദേശം എന്തിനാ എന്റെ പുറകെ ഇറങ്ങിയത്.. താൻ കോളേജിലേക്ക് അല്ലെ എന്ന് ചോദിച്ചു..

ഇന്ന് പോകണ്ട എന്ന് വെച്ചു അല്ല കുട്ടി പഠിക്കുവാണോ എവിടെ വീട്.. പേരെന്താ..

എന്തൊക്കെ അറിയണം തനിക്ക് താൻ ഇപ്പൊ എന്തിനാ ഇവിടെ ഇറങ്ങിയത് എന്ന് പറ.

എനിക്ക് തന്റെ പേര് അറിഞ്ഞാൽ കൊള്ളാം എന്നുണ്ട് പിന്നെ ആ ഫോൺ നമ്പർ കൂടി തരാമോ.. അവന്റെ ധൈര്യം കണ്ടു ഞാൻ അത്ഭുതപ്പെട്ടു ചെറുതായി ഒന്ന് സഹകരിച്ചു കൊടുത്തപ്പോൾ അരുണിന്റെ പെണ്ണിനോട് സംസാരിക്കാൻ ഉള്ള നാണവും പേടിയും എല്ലാം മാറി.

നമ്പർ ഒന്നും തരാൻ പറ്റില്ല എന്റെ പേര് അഖില എന്നാണ്..

ഓ അഖില.. നൈസ് നെയിം ഇപ്പൊ ആണ് ഒരു കാര്യം ഓർത്തത് ഈ അഖിൽ എവിടെ ആണാവോ എന്ന് പിറു പിറുത്തുകൊണ്ട് അവൻ ഫോൺ എടുത്തു എന്റെ ഫോണിലേക്ക് ആണ് വിളിക്കുന്നത് എന്ന് എനിക്ക് മനസ്സിൽ ആയി ഞാൻ പെട്ടന്ന് തന്നെ ഫോൺ സ്വിച്ച് ഓഫ് ചെയ്തു..

സ്വിച്ച് ഓഫ് ഓ ഇവൻ ഇത് എവിടെ പോയി കിടക്കുന്നു..

ആരാ അരുൺ.. ഞാൻ ചോദിച്ചു.. അബദ്ധത്തിൽ ഞാൻ അവന്റെ പേര് വിളിച്ചു

എന്റെ ഒരു ഫ്രണ്ട് ഉണ്ട് അഖിൽ അവനെ വിളിച്ചതാ.. അല്ല എന്റെ പേര് അരുൺ എന്ന് ആണെന്ന് എങ്ങനെ മനസ്സിൽ ആയി..

അത് അത് താൻ പറഞ്ഞു.. എന്നോട്

ഞാൻ പറഞ്ഞോ.. എനിക്ക് ഓർമ ഇല്ലല്ലോ..

ഉണ്ടെടോ പറഞ്ഞെന്നെ.. ഞാൻ അഖില.. എന്ന് പറഞ്ഞു കൈ നീട്ടി അപ്പോ അവന്റെ എല്ലാ സംശയവും അവസാനിച്ചു എന്റെ കൈയിൽ പിടിച്ചു.. അരുൺ.. പല്ല് ഇളിച്ചു അവനും പേര് പറഞ്ഞു.. ഉം.. നമുക്ക് ഒന്ന് നടന്നാലോ.. ഇങ്ങനെ പെട്ടെന്ന് ഒരു പെൺകുട്ടിയും ആയി ഞാൻ കൂട്ട് ആവുമെന്ന് ഞാൻ സ്വപ്നത്തിൽ പോലും വിചാരിച്ചില്ല.. വീട് എവിടെ തന്റെ..