Chapter Title : ഇവിടെ കാറ്റിന് സുഗന്ധം..7 [സ്പൾബർ]

പറഞ്ഞിട്ടുണ്ട്..
എങ്കിലും അവന്റ മനസെന്താണെന്ന് അറിയില്ല..
അവൻ തന്നോടെങ്ങിനെ പെരുമാറുന്നോ, അതനുസരിച്ച് താനും പെരുമാറും..

സുകുമാരൻ കുറച്ച്നേരം കൂടി വഴിയിൽ തന്നെ നിന്ന്, പതിയെ വീട്ടിലേക്ക് കയറി..
സിന്ധു മുൻവാതിൽ തുറക്കാതെ, വാതിലിന് പിന്നിൽ നിന്നു..

അടഞ്ഞ് കിടക്കുന്ന വാതിലിന് നേരെ നോക്കി സുകു എന്ത് ചെയ്യണമെന്നറിയാതെ നിന്നു..
വിളിക്കണോ… ?.
എങ്കിൽ ആരെ വിളിക്കണം…
അമ്മയിവിടെ ഉണ്ടാവില്ലെന്നുറപ്പാണ്..
അമ്മയെ തന്നെ വിളിക്കാം..

“അമ്മേ… അമ്മേ…”

വിളിച്ച് കഴിഞ്ഞ് അവന് തന്നെ അൽഭുതമായി..
ഈ വിളിയൊക്കെ താനെന്നോ വിളിച്ചതാണ്…

ഉള്ളിൽ നിന്ന് അനക്കമൊന്നും കേൾക്കുന്നില്ല..

“അമ്മേ… “

അവനൊന്നു കൂടി വിളിച്ചു..

അനക്കമില്ല…

തിരിച്ച് പോയാലോ എന്നവൻ ആലോചിച്ചു.. പോകാനായി പിന്തിരിയുകയും ചെയ്തു..

എന്നാൽ,അവൻ പോലുമറിയാതെ ഒരു വിളി കൂടി അവൻ വിളിച്ചു..

“സിന്ധൂ….”

വാതിൽ മലർക്കെ തുറന്നു..
പൂർണ ചന്ദ്രനെപ്പോലെ വെട്ടിത്തിളങ്ങി നിൽക്കുന്നത് തന്റെ ഭാര്യ സിന്ധു തന്നെയാണോ എന്നുറപ്പ് വരുത്താനായി അവൻ ഒന്നുകൂടി നോക്കി..

ഓറഞ്ച് നിറത്തിലുളള ലെഗിൻസും,ഇളം പച്ച നിറത്തിലുള്ള ഒരു ടോപ്പും.. മുഖം സുന്ദരമായി മേക്കപ്പ് ചെയ്തിട്ടുണ്ട്..

“ഉം… ഇന്നെന്താ നേരത്തെ… ?”..

താൽപര്യമില്ലാത്ത ഭാവത്തിൽ സിന്ധു ചോദിച്ചു..

“അത്… എനിക്ക്… ഒരു തലവേദന… ഞാൻ കുറച്ച് നേരം.. കിടക്കാൻ… “

ഭാര്യയോട് സംസാരിക്കുമ്പോൾ താനെന്തിനാണിങ്ങിനെ പതറിപ്പോകുന്നതെന്നും, വാക്കുകളെന്താണിങ്ങിനെ ചിതറിപ്പോകുന്നതെന്നും സുകൂന് മനസിലായില്ല..

സിന്ധു അവനെ അടിമുടി നോക്കി..പിന്നെ അകത്തേക്ക് നടന്നു..

“അത്… എനിക്കൊരു ഗ്ലാസ്… ചായ…”

ചായക്കിപ്പോ ആവശ്യമില്ലെങ്കിലും വായിൽ വന്നത് അവൻ ചോദിച്ചു..

സിന്ധു തിരിഞ്ഞ് അവനെ നോക്കി.

“മുറിയിലേക്ക് ചെന്ന് കിടന്നോ… ചായ കൊണ്ടുവരാം… "

അവൾ