Chapter Title : ജാനി 10 [Fang leng]

:ജോ നമുക്ക് തിരിച്ചു പോകാം

ജോ :ആദ്യം നീ കഴിക്ക് എന്നിട്ട് നമുക്ക് തീരുമാനിക്കാം

ജാനി പതിയെ ഭക്ഷണം കഴിച്ചു

അല്പനേരത്തിനു ശേഷം

ജാനി :എനിക്ക് മതി ജോ

ജോ :നീ ഒരു പൊടി കഴിച്ചില്ലല്ലോ ജാനി

ജാനി :വേണ്ടാത്തോണ്ടാ ജോ

ജോ :ശെരി പോയി കൈയൊക്കെ കഴുകി റെഡിയായിക്കോ നമുക്കിറങ്ങാം

ജാനിഅല്പനേരത്തിനുള്ളിൽ ജാനിറെഡിയായി ജോയുടെ അടുത്തേക്ക് എത്തി അവർ ഇരുവരും വീടിനുപുറത്തേക്കിറങ്ങി വീട് പൂട്ടിയ ശേഷം വീടിന്റെയും ബൈക്കിന്റെയും ചാവികൾ ജോ അവിടേക്കെത്തിയ ഒരു വ്യക്തിക്ക് കൈ മാറിയ ശേഷം പതിയെ ജാനിയുമായി റോഡിലൂടെ മുൻപോട്ടു നടന്നു

ജാനി :ജോ ഒരു ടാക്സി വരുന്നുണ്ട് നമുക്ക് അതിൽ എയർപോർട്ടിലേക്ക് പോകാം

ജോ :അതിന് നമ്മൾ എയർപോർട്ടിലേക്കാണെന്ന് ആരു പറഞ്ഞു

ജാനി :അപ്പോൾ നമ്മൾ തിരിച്ചു പോകുകയല്ലേ

ജോ :നമ്മൾ തിരിച്ചുപോകും എന്നാൽ ഇപ്പോഴല്ല ഇന്ന്‌ രാത്രിയാണ് ഫ്ലൈറ്റ് അതുവരെ നമുക്ക് ഈ മലാക്കയൊക്കെ ഒന്ന് ചുറ്റികാണാം

ജാനി :വേണ്ട ജോ എനിക്ക് എങ്ങനെയും നാട്ടിൽ എത്തിയാൽ മതി

ജോ :പറ്റില്ല ജാനി ഞാൻ പറയുന്നത് അങ്ങ് കേട്ടാൽ മതി ഇവിടെ നിന്ന് പോകുന്നത്തിന് മുൻപ് നിനക്ക് ഓർക്കാൻ കുറച്ച് നല്ല മുഹൂർത്തങ്ങളെങ്കിലും വേണ്ടേ

ജാനി :ജോ

ജോ വേഗം തന്നെ ജാനിയുടെ കയ്യും പിടിച്ചു മുൻപോട്ടു നടന്നു കുറച്ച് ദൂരം നടന്ന ശേഷം അവർ ഒരു അമ്പലത്തിനു മുൻപിൽ എത്തി ജോ പതിയെ ജാനിയുമായി അതിനുള്ളിലേക്ക് കയറി

ജാനി :നമ്മൾ എന്താ ജോ ഇവിടെ

ജോ :ഇതിവിടുത്തെ അറിയപ്പെടുന്ന ഒരു ബുദ്ധ ക്ഷേത്രമാണ് നീ വാ