ജന്മാനന്തരബന്ധം 2 [Alchemist]

അനുഭവിച്ചിട്ടില്ല. എന്റെ ജീവൻ അവസാനിക്കുകയാണോ എന്ന് പോലും തോന്നി.

ആദ്യം വന്നത് അച്ഛൻ ദേവരാജ വർമ്മയുടേയും അമ്മ ശാരുതി ദേവിയുടേയും മുഖമാണ്.

പിന്നെ അർജുൻ, അഫ്സൽ, അഫ്സലിന്റെ അനിയൻ സിനാൻ എന്നിവരുടെ മുഖമാണ്. പിന്നെ ദേവ്നയുടെ മുഖം. അവളുടെ മുഖം. ആ ചാര കണ്ണുകൾ എല്ലാം എന്തിനോ എന്റെ മനസ്സിൽ നിറഞ്ഞു.

പെട്ടന്ന് തലയിലെ വേദന കുറഞ്ഞു. അസഹിനിയമായ ശബ്ദം പൂർണ്ണമായും നിലച്ചു. ഞാൻ മെല്ലെ എഴുന്നേറ്റു. ചുമരിൽ ഒരു ഫോട്ടോ എന്നെ ആകർശിച്ചു ഞാൻ അതിന്റെ അരികിലേക്ക് നടന്നു. ആ ചിത്രത്താൻ ഒരു കൂറ്റൻ നാഗം അതിന് പല നിറങ്ങളിലായി 12 തലകളുണ്ട്. അത് ഒരു വാളിനെ ചുറ്റിവരിഞ്ഞിരിക്കുന്നു. വാളിൽ പച്ച മാണിക്യം പതിച്ചിട്ടുണ്ട്. പെട്ടന്ന് ഞാൻ ബോധം കെട്ടു വീണു. ഏതൊക്കെയോ ദൃശ്യം എന്റെ മനസ്സിൽ പാഞ്ഞുപോയി എനിക്കാകെ വ്യക്തമായി കണ്ടത് ഒരു പോരാളി തന്റെ വാളുകൊണ്ട് ഒരാളുടെ കാൽ വെട്ടുന്നതാണ്.

പെട്ടന്ന് ഞാൻ എഴുന്നേറ്റു. ദേഹം മുഴുവർ വിയർത്തിട്ടുണ്ട്. ഞാൻ വേഗം അരികിലുള്ള ബോട്ടിലിൽ നിന്നും വെള്ളം കുടിച്ചു. ബോട്ടിലിന്റെ മുക്കാൽ ഭാഗവും തീർന്നു. നശിച്ച സ്വപ്നം. ഞാൻ വേഗം താഴേക്ക് ഇറങ്ങി. എല്ലാവരും എന്നെ വല്ലാത്ത നോട്ടം നോക്കുന്നുണ്ട്. വിയർപ്പ് കണ്ടിട്ടാകും🥴.

പിന്നെ അടുക്കളയിലെത്തി. അമ്മ ഭക്ഷണമുണ്ടാക്കുകയാണ്. വീട്ടിൽ മുഴുവനും 18 ജോലിക്കാരുണ്ട് എന്നാലും ഭക്ഷണം അമ്മ തന്നെ ഉണ്ടാകണം എങ്കിലേ അമ്മക്ക് സമാധാനം കിട്ടുകയുള്ളു. അമ്മക്ക് ഭക്ഷണം ഉണ്ടാക്കാൻ വലിയ ഇഷ്ടമാണ്. നല്ല കൈപ്പുണ്യവുമുണ്ട് . ആ കഴിവ് എനിക്കും കിട്ടിയിട്ടുണ്ട് കേട്ടോ . ഞാനൊരു സർവ്വകലാവല്ലഭൻ തന്നെ😅.

ഞാൻ പതിയേ അടുക്കളയിൽ എത്തി നോക്കി. ബീഫിന്റെ മണം. അറിയാതെ എന്റെ വായിൽ നിന്ന് ഭക്ഷണസാധനങ്ങളുടെ ലിസ്റ്റ് പുറത്ത് ചാടി.

-ബീഫ് ഫ്രൈ, ചിക്കൻ കറി,പുട്ട് എല്ലാമുണ്ടല്ലോ.

അമ്മ എന്റെ ശബ്ദം കേട്ടതും ചിരിച്ചു കൊണ്ട്.- മോൻ എഴുന്നേറ്റല്ലേ. പിന്നെ ഇതെല്ലാം ഞാൻ മോൾക്ക് വേണ്ടി എടുത്തതാണ് നിനക്ക് ചിക്കൻ കൂട്ടിക്കുടാ.

ഞാൻ - ചിക്കൻ കൂട്ടുന്നില്ലെ ബീഫ് കൂട്ടി കഴിച്ചോളാം.

അപ്പോൾ തന്നെ കിട്ടി തലക്ക് ഒരു കിഴിക്ക്. അമ്മയുടെ വക ശാസനയും. - ടാ പൊട്ടാ നിനക്ക് നോയമ്പ് ഉണ്ട്. നോൺവെജ് കൂട്ടരുത്

ഞാൻ - അയ് ശരി.

അമ്മ - നീ പോയി മോളെ വിളിക്ക്.

ഏത് മോളുടെ കാര്യമാണ് അമ്മ പറയുന്നത്.

അമ്മ - ദേവു മോളുടെ കാര്യം.

-ദേവു ? ഓ ദേവ്നയുടെ കാര്യമാണ്.

ഞാൻ വീണ്ടും പടി കയറി എന്റെ റൂമിൽ കയറി. തകർന്നു പോയി എന്റെ പിഞ്ചു മനസ്സ്. ഉഫ് എന്റെ ശ്വാസം നിലച്ചു. വെള്ള നിറത്തിലുള്ള അനാർക്കലി ചുരിദാറും. കയ്യിൽ നീല രത്നം പതിപ്പിച്ച നേർത്ത വെള്ളിയിൽ തീർത്ത ചരട്. ഞാൻ നോക്കുന്നത് അറിയാതെ നെറ്റിയിൽ സിന്ദൂരം പതിപ്പിക്കുകയാണ് അവൾ. പെട്ടന്നാണ് ഞാൻ വന്നതിന്റെ ഉദ്ദേശം ഓർമ്മവന്നു. എങ്ങനെ അവളെ വിളിക്കും. പൂയ് ഇങ്ങോട്ടു നോക്കിയേ മുറ്റത്തൊരു മൈന ക്ലാ ക്ലാ ക്ലീ ക്ലീ. ചെ വിഷയം മാറി🙃.