ജീവന്റെ അമൃതവർഷം 2 [ഏകൻ]

മുഴുവൻ അരിഞ്ഞതും വർഷയാണ്.

കുറച്ചു സമയം കഴിഞ്ഞു ജീവൻ വന്നു. കൈയിൽ വർഷയ്ക്കുള്ള പുതിയ ഷഡ്ഢിയും ജീൻസ് പാന്റും. ടോപ് ആയി ബനിയനും അതിനു പുറത്ത് ഇടാൻ ഉള്ള ഷർട്ടും ഉണ്ടായിരുന്നു. പിന്നെ ഒരു വലിയ പാക്കറ്റ് ഐസ്ക്രീം.

"ഈ പെണ്ണുങ്ങളുടെ കാര്യം എപ്പോഴും കഷ്ട്ടം തന്നെ ആണല്ലേ? തനിക്കു ഇങ്ങനെ ഒരു പ്രശ്നം ഉണ്ടായിരുന്നു എങ്കിൽ എന്നോട് പറയാമായിരുന്നില്ലേ.. അങ്ങനെ എങ്കിൽ ഞാൻ ഒരിക്കലും തന്നോട് താൻ വരുന്നതിന് വേണ്ടി നിർബന്ധിക്കില്ലായിരുന്നു. ഞങ്ങൾക്ക് ആണുങ്ങൾക്ക് ഇങ്ങനെ ഒരു പ്രശ്നം ഇല്ലാത്തത് കൊണ്ടു ഇതിനെ കുറച്ചു ഒന്നും ചിന്തിക്കേണ്ട കാര്യം ഇല്ലല്ലോ. പക്ഷെ തനിക്കു എന്നോട് പറയാമായിരുന്നില്ലേ. ഞാൻ തന്നോട് എല്ലാം പറയാറില്ലേ. പിന്നെ എന്തിനാ എന്നോട് മറച്ചു വെക്കുന്നത്. എടോ... എനിക്ക് തന്നെ അത്രയും ഇഷ്ട്ടം ആടോ." ജീവൻ പറഞ്ഞു.

വർഷയ്ക്ക് അത് കേട്ട് സങ്കടം ആയി. താനും ചേച്ചിയും കൂടെ ഈ പാവത്തിനെ പറ്റിക്കുകയാണല്ലോ എന്നോർത്ത് വർഷ കരഞ്ഞു. ജീവൻ വർഷയെ ചേർത്ത് പിടിച്ചു. അവളുടെ കണ്ണുനീര് തുടച്ചു . അവളെ കെട്ടിപിടിച്ചു നിന്നു. പിന്നെ നെറ്റിയിൽ ഉമ്മ വെച്ചു. വർഷയ്ക്ക് മാറാൻ തോന്നിയില്ല. ജീവന്റെ സ്നേഹത്തിൽ ആ തലോടലിൽ ലയിച്ചു നിന്നു. ജീവൻ അവളെ മാറ്റി നിർത്തുന്നത് വരെ വർഷ അങ്ങനെ തന്നെ നിന്നു.

"നമുക്ക് പോകാം.. ഏതായാലും ഈ വേഷം മാറി പുതിയ ഡ്രെസ്സ് ഉടുത്ത് വാ . നമുക്ക് പോകാം. പോകുന്ന വഴിയിൽ ഒന്ന് അവിടെ കയറിയിട്ട് പോകാം." ജീവൻ പറഞ്ഞപ്പോൾ ആണ് താൻ ജീവേട്ടനെ കെട്ടിപിടിച്ചു നിൽക്കുകയാണ് എന്ന ബോധം വർഷയ്ക്ക് ഉണ്ടായത്. അവർ അവിടെ ഇരുന്ന് ആ ഐസ്ക്രീം കഴിച്ചു. വർഷയ്ക്ക് വലിയ ഇഷ്ട്ടം ആയിരുന്നു ഐസ്ക്രീം.

ജീവൻ പുറത്ത് പോയി നിന്നു. വർഷ വേഗം വേഷം മാറി പുറത്തേക്ക് വന്നു. വർഷ ഇട്ട് വന്ന ഡ്രെസ്സ് മുഴുവനും മടക്കി ഒരു കവറിൽ വെച്ചു. അതും എടുത്തു അവർ അവിടെ നിന്നും ഇറങ്ങി. ഓട്ടോ വിളിക്കാൻ നോക്കിയപ്പോൾ വർഷ ജീവനെ തടഞ്ഞു. ജീവന്റെ കൂടെ ബുള്ളറ്റിൽ വന്നോളാം എന്ന് പറഞ്ഞു. ജീവന്റെ ബുള്ളറ്റിന്റെ പിറകിൽ ഒരു ഭാഗത്തു മാത്രം കാൽ വെച്ച് കൊണ്ടു ജീവനെ കെട്ടിപിടിച്ചു വർഷ ഇരുന്നു.

പേരിന് ഒന്ന് കല്യാണ വീട്ടിൽ കയറി നേരെ വർഷയുടെ വീട്ടിലേക്ക് പോയി. എന്നാൽ വർഷയുടെ പഴയ ഡ്രസ്സ്‌ വർഷ എടുത്തില്ല. അത് ജീവൻ വീട്ടിലേക്ക് കൊണ്ടു പോയി..

അമൃത ചോദിച്ചപ്പോൾ വർഷ എന്തൊക്കെയോ പറഞ്ഞു ഒഴിഞ്ഞു മാറി... പിന്നെ വിവാഹ ദിവസം വന്നെത്തി. അന്ന് അവർ ആ കല്യാണത്തിന് പോയതിന്റെ അന്ന് തൊട്ട് രണ്ടാഴ്ച കഴിഞ്ഞാണ് കല്യാണം. കൃത്യമായി പറഞ്ഞാൽ പതിനാലാം ദിവസം ആണ് അമൃതയുടെയും ജീവന്റെയും കല്യാണം.

അലാറം അടിച്ചപ്പോൾ ആണ് ജീവൻ ഉറങ്ങി എഴുന്നേറ്റത്.. ജീവൻ ഇപ്പോൾ ഉള്ളത് ആ ലോഡ്ജിൽ ആണ് . വെള്ളൈ പുരത്തേക്കുള്ള യാത്രയിൽ..

ജീവൻ വേഗം റെഡിയായി വെള്ളൈ പുരത്തേക്ക് തിരിച്ചു. അവിടെയുള്ള ചർച്ചിൽ ആണ് ജീവൻ നേരെ