Chapter Title : ജീവിതം മാറ്റിയ യാത്ര 5 [Mahesh Megha]

തികഞ്ഞ പോലീസുകാരിയുടെ മുഖഭാവമാണിപ്പോഴുള്ളത്. ഗൗരവം, ഗൗരവം മാത്രം.

' ഞാനിനി പറയുന്നത് നീ ശ്രദ്ധിച്ച് കേള്‍ക്കണം. വളരെ രഹസ്യമായ ഒരു അന്വേഷണത്തിലാണ് കഴിഞ്ഞ രണ്ട് മൂന്ന് ദിവസമായിട്ട് ഞാനുള്ളത്. ഡിപ്പാര്‍ട്ട്‌മെന്റില്‍ ആരോടും പറഞ്ഞിട്ടില്ല. പങ്കുവെച്ച് കഴിഞ്ഞാല്‍ അട്ടിമറിക്കപ്പെടും എന്നുറപ്പുള്ളതുകൊണ്ടാണ്.'

' എന്റമ്മേ, ഇങ്ങനെ ഇന്‍ട്രോ ഇട്ട് പേടിപ്പിക്കല്ലെന്റെ ചക്കരേ...'

'മിണ്ടാതിരിയെടാ' എന്ന് പറഞ്ഞ് അവര്‍ ഒരു നിമിഷം നിര്‍ത്തി.

'രാജീ'. ഉച്ചത്തില്‍ വിളിച്ചു.

ഞങ്ങളുടെ ബെഡ്‌റൂമിനോട് ചേര്‍ന്നുള്ള ഗസ്റ്റ് റൂമിന്റെ വാതില്‍ തുറക്കുന്നതും, അതി സുന്ദരിയായ ഒരു പെണ്‍കുട്ടി പകുതി തുറന്ന വാതിലിനുള്ളില്‍ നിന്ന് പുറത്തേക്ക് നോക്കുന്നതും കണ്ടു. എനിക്കൊന്നും മനസ്സിലായില്ല. ഞാന്‍ രണ്ട് മുഖങ്ങളിലേക്കും മാറി മാറി നോക്കി.

' രാജീ, വരൂ...' ചേച്ചി പറഞ്ഞു. അവള്‍ മടിച്ച് മടിച്ച് അടുത്തേക്ക് വന്നു. ഞങ്ങളുടെ നേരെ മുന്‍പിലുള്ള സെറ്റിയിലിരുന്നു.

' ഇവനെ ഇനി ഞാനായിട്ട് പരിചയപ്പെടുത്തേണ്ടല്ലോ?' ചേച്ചി അവളോട് ചോദിച്ചു. അവള്‍ ചിരിച്ചു. വേണ്ട എന്ന അര്‍ത്ഥത്തില്‍ തലയാട്ടി.

' വാവേ, ഇത് രാജശ്രീ' പെട്ടെന്ന് ഞാനൊന്ന് കോരിത്തരിച്ച് പോയി. ഇതാ, പരസ്യമായി മറ്റൊരാളുടെ മുന്നില്‍ നിന്ന് എന്നെ വാവേ എന്ന് വിളിച്ചിരിക്കുന്നു. വല്ലാത്തൊരു സന്തോഷവും അഭിമാനവും തോന്നു. ഞാന്‍ അവരുടെ വിരല്‍ ഒന്ന് കൂടി കോര്‍ത്ത് പിടിച്ചു. മടിയില്‍ നിന്ന് എഴുന്നേറ്റ് മാറാന്‍ തോന്നിയില്ല. എങ്കിലും മുന്‍പില്‍ മറ്റൊരാളിരിക്കുമ്പോള്‍ അങ്ങിനെ കിടക്കുന്നതിനകത്തൊരു സുഖക്കുറവുണ്ടല്ലോ, അതുകൊണ്ട് മാത്രം മടിയില്‍ നിന്ന് എഴുന്നേറ്റ് ചേച്ചിയുടെ അടുത്തേക്ക് മാറിയിരുന്നു.

' ഡാ പൊട്ടാ, ഞാന്‍ പറയുന്നത് വല്ലതും കേള്‍ക്കുന്നുണ്ടോ?'

' ഉണ്ട് ചേച്ചീ, ചേച്ചി പറഞ്ഞോളൂ'

' നീ