Chapter Title : ജീവിതം സാക്ഷി - തുടക്കം [മന്ദന് രാജ]
. വേറെ ഏതെങ്കിലും ബ്രാഞ്ചില് ആവും , നല്ല ജോലിയൊക്കെ ആയിരുന്നു .ഇഷ്ടപ്പെട്ടു വന്നതാ ..ജോലി വേണ്ടാന്ന് എങ്ങനെ സത്യെട്ടനോട് പറയും . പുള്ളി ചിട്ടിയും മറ്റും ചേര്ന്ന് കുറെ ചിന്തിച്ചു കൂട്ടിയതാ , പോകുന്നില്ല എന്നതിന് എന്ത് കാരണം പറയും ..പറഞ്ഞാല് ജെസിയുടെ കാര്യം എങ്ങാനും ചോദിച്ചാല് അവള്ക്കും അത് നാണക്കേട് അല്ലെ ...ഇത്രയും നാള് അവളോട് കാണിച്ച സ്നേഹം ഒക്കെപോകും ..ജോണി മരിച്ചെങ്കിലും സത്യേട്ടന് അവളെ കൂടപ്പിറപ്പിനെ പോലെയാണ് നോക്കിയിരുന്നത് . അച്ഛന് എന്ന് ജോക്കുട്ടനും വിളിക്കണേ ...അതെ ബഹുമാനവും ...അല്ല താനെന്തിനാ ഇത്ര പരിഭ്രമിക്കുന്നെ?.. മാനേജ്മെന്റ് ഒന്നിനും നിര്ബന്ധിക്കുന്നില്ലല്ലോ ...പിന്നെന്തിനാ താന് വിട്ടു വീഴ്ചകള് ചെയ്യുന്നേ ... പരമാവധി മുന്പോട്ടു പോയി നോക്കാം ...!!
" തല വേദന മറ്റോ ആണോ അമ്മെ ? " ദീപു വീണ്ടും മുറിയിലേക്ക് വന്നപ്പോള് അനിത എഴുന്നേറ്റു
" ഇല്ല മോനെ ...ചായ വേണോ ?"
" വേണ്ടമ്മേ ...അമ്മ കിടക്കുന്നത് കണ്ടു ചോദിച്ചതാ ..ഇഷ്ടമില്ലേ അമ്മ ജോലിക്ക് പോകണ്ടന്നെ"
" ഹും ...നമുക്ക് നോക്കടാ ദീപു .."
അനിത മാറാനുള്ള ഡ്രെസ് എടുത്തപ്പോള് ദീപു അവന്റെ മുറിയിലേക്ക് പോയി
വൈകിട്ട് അത്താഴം കഴിഞ്ഞു കിടക്കുമ്പോള് അനിത മൂകയായിരുന്നു . അല്ലെങ്കില് ബാങ്കിലെ അന്നത്തെ വിശേഷങ്ങള് ഓരോന്നായി സത്യന്റെ അടുത്ത് പറയുന്നവള് ആണ്
" അനീ ..എന്താടി ..ഞാന് വന്നപ്പോള് മുതല് കാണുന്നതാ ...എന്നാ പറ്റി ? ബാങ്കില് എന്തേലും ?"
" ഒന്നുമില്ല സത്യേട്ടാ " അനിത തിരിഞ്ഞു കിടന്നു
" അല്ല ...നീയിങ്ങനെ അല്ലല്ലോ സാധാരണ " സത്യന് അവളെ പിടിച്ചു തിരിച്ചു കിടത്താന് തുടങ്ങി
" ഒന്നുമില്ലന്നു പറഞ്ഞില്ലേ ?" അനിതയുടെ ശബ്ദം കടുത്തു. സത്യന് പിന്നെ ഒന്നും മിണ്ടിയില്ല . അല്പ നേരം കഴിഞ്ഞപ്പോള് സത്യന് എഴുന്നേറ്റു പോകുന്നത് അനിതയറിഞ്ഞു
പാവം ... എന്ത് പറയണം എന്നറിയാതെ കടുപ്പിച്ചു പോയതാണ് ...വേണ്ടായിരുന്നു .. കുറച്ചു നേരം കൂടി കഴിഞ്ഞപ്പോള് അനിത എഴുന്നേറ്റു . ഹാളിലെ അരണ്ട വെളിച്ചത്തില് സത്യനെ കാണാതെ അവള്
💬 Comments
View all comments