Chapter Title : ജീവിതമാകുന്ന നൗക 4 [റെഡ് റോബിൻ]

ഒന്നും മിണ്ടാതെ ക്ലാസ്സിലേക്ക് പോയി. ഞാൻ ചെന്നപ്പോളേക്കും ക്ലാസ്സ് തുടങ്ങിയിരുന്നു. ബീന മിസ്സ് എന്നോട് കയറി ഇരുന്നോളാൻ പറഞ്ഞു. അന്നയുടെ മുഖത്തു ഒരു വിജയ ഭാവം ഉണ്ട്. എങ്കിലും അത് മൈൻഡാക്കാതെ ഞാൻ എൻ്റെ സീറ്റിൽ പോയിരുന്നു

ക്ലാസ്സ് കഴിഞ്ഞു മിസ്സ് ഇറങ്ങിയതും അന്ന അമൃതയുടെ ഷാൾ  എടുത്തു കൊണ്ട് മുൻപിലേക്ക് ഇറങ്ങി. എന്നിട്ട് എന്നെ നോക്കി കൊണ്ട് മുണ്ടു പോലെ ഉടുത്തിട്ട് താഴേക്കിട്ട് അത് തപ്പുന്നതായി അഭിനയിച്ചു കാണിച്ചു. അവളുടെ കൂട്ടുകാരികൾ കിണിക്കുന്നുണ്ട്. ബാക്കി ഉള്ളവരൊക്കെ എന്നെയാണ് നോക്കുന്നത്.

ഞാൻ ചാടി എണീറ്റ് പെട്ടന്ന് അവളുടെ അടുത്തേക്ക് നീങ്ങി. രാഹുൽ എന്നെ പിടിച്ചു നിർത്താൻ എഴുന്നേറ്റെങ്കിലും എൻ്റെ മുഖത്തെ ചിരി  കണ്ടതും അവൻ മാറി നിന്നു,

മാത്യവും പിന്നാലെ എണീറ്റെങ്കിലും അവൻ  മാത്യുവിനെ തടഞ്ഞു. അർജുൻ ഇറങ്ങി  വരുന്നത് കണ്ട് ചിരിച്ചു കൊണ്ടിരുന്ന അന്നയുടെ കൂട്ടുകാരികൾ പേടിച്ചു വാ അടച്ചു. എല്ലാവരുടയും ശ്രദ്ധ  അടുത്തതായി എന്താണ് സംഭവിക്കും എന്നാണ്.

അർജുൻ്റെ  വരവ് കണ്ട് അന്ന ഒരു നിമിഷം ഞെട്ടിയെങ്കിലും അവൻ  അടുത്തു എത്തിയപ്പോളേക്കും അവൾ ഒരു ബേസിക്ക് ഡിഫെൻസിവ് സ്റ്റാൻഡിൽ നിന്നു. അവൻ  അതി വേഗം അവളുടെ  മുഖത്തിനു നേരെ കൈ വീശി  അന്നയുടെ ശ്രദ്ധ മുഴുവൻ അവളുടെ മുഖത്തെ ലക്ഷ്യമാക്കി വരുന്ന  കൈലോട്ടു മാറിയതും അവൻ അവളുടെ മുൻപിൽ ഉറപ്പിച്ച കാലിൽ ശക്തമായി കാലുകൊണ്ട് തട്ടി. ബാലൻസ് നഷ്ടപ്പെട്ടു അന്ന  വീഴാൻ പോയതും അവളുടെ ഇടതു വശത്തേക്ക് ചേർന്ന്  നിന്ന് കൊണ്ട് അവളുടെ  രണ്ടു  തോളിലും  പിടിച്ചു ശരീരം പിന്നോട്ട്  വളച്ചു.  നേരെ നിന്നാൽ