Chapter Title : ജീവിതത്തില്‍ നിന്നും ഒരു ഏട്!

ആടുകളുടെ കൂട്. തിണ്ട് ഉയരത്തില്‍ ആയതിനാല്‍ തിണ്ടിനും വീടിനും ഇടയ്ക്കു പ്ലാസ്റ്റിക് ചാക്ക് വിരിച്ചാണ് ചായ്പ് ഉണ്ടാക്കിയിരിക്കുന്നത്. നിലത്തുനിന്നും ഉയര്‍ത്തി പലകയടിച്ചു ആട്ടിന്‍ കൂട് പണിതിരിക്കുന്നു. അതിന്റെ സൈഡിലായി കുളിമുറിയും,കക്കൂസും. മൂന്ന് മുറിക്കും ഉള്ളിലൂടെ ഉള്ള വാതിലിനു പുറമേ പുറത്തേക്കിറങ്ങാനും വാതിലുകള്‍ ഉണ്ട്. പതുങ്ങി കിടപ്പ് മുറിയുടെ വാതിലിന്റെ അടുത്ത് എത്തി. വാതിലില്‍ അവിടവിടെയായി ദ്വാരങ്ങള്‍ ഉണ്ട്. പക്ഷെ രഘുവേട്ടന്റെ കൈലി വാതിലില്‍ വിരിച്ചിട്ടു അടച്ചിരിക്കുകയാണ്. ഉള്ളില്‍ എന്താണ് നടക്കുന്നത് എന്ന് അറിയാന്‍ മാര്‍ഗ്ഗം ഇല്ല. പിന്നില്‍ ആടുകള്‍ കണ്ടാല്‍ കരയാന്‍ തുടങ്ങും. അത് പണി കിട്ടാനുള്ള മാര്‍ഗ്ഗം ആണ്.ഞങ്ങള്‍ മുഖത്തോട് മുഖം നോക്കി. പിന്നെ മനസില്ലാ മനസ്സോടെ സ്ഥലം വിട്ടു.

അന്ന് മുതല്‍ ഓമനേച്ചിയും എന്‍റെ സ്കാനറില്‍ ആയി. ചേച്ചി, അമ്മയുടെ അടുത്ത സഹായി ആണ്. രഘുവേട്ടന് വിറകു കീറല്‍, പറമ്പ് കിള പിന്നെ അടുത്ത് തന്നെ ഉള്ള കാട്ടില്‍ നിന്നും വിറകു വെട്ടി വീടുകളില്‍ വില്‍ക്കുക തുടങ്ങിയ പണികളാണ്. ചേച്ചിക്ക് അല്‍പ്പം കൃഷിയും, ആട്, കോഴി എന്നിവ വളര്‍ത്തലും പിന്നെ അടുക്കള സഹായവും. ഒരു മകള്‍, സ്കൂളിന്റെ അടുത്ത് തന്നെ ഉള്ള ചേച്ചിയുടെ കുടുംബ വീട്ടില്‍ അപ്പൂപ്പനും അമ്മൂമ്മയുമൊത്ത് നിന്ന് പഠിക്കുന്നു. എന്നെക്കാളും ഒരു വയസു മൂപ്പ്.

ആ ഞായറാഴ്ച. കുട്ടന്‍ തെണ്ടി അവന്റെ അമ്മയുടെ വീട്ടില്‍ പോയതുകൊണ്ട് കൂട്ടില്ലാതെ ഞാന്‍ മനോരാജ്യവും വായിച്ചു കിടന്നു. ഉച്ച സമയം. അടുക്കള ഭാഗത്ത് ഓമനേച്ചിയുടെ സംസാരം കേട്ടു. അമ്മ, കെട്ടു വിറകിനു പറഞ്ഞിരുന്നു. ചേച്ചിയും, ചേട്ടനും രണ്ടു കെട്ടു വിറകു ചുമന്നു കൊണ്ട് വന്നിട്ടു. ചേട്ടന്‍