Chapter Title : കാമിനി 6 [SARATH]

അതൊക്കെ നാളെ നിനക്ക് മനസ്സിലാവും. നാളത്തോട് കൂടെ നിന്റെ എല്ലാ പ്രേശ്നങ്ങളും തീരും.

ഞാനത് പറഞ്ഞതും അവൾ എന്റെ കൈയിൽ പിടിച്ചു.

അഞ്ചന : എത്ര നന്ദി പറഞ്ഞാലും മതിയാവില്ല.... ഈ കുറച്ചു നേരം കൊണ്ട് എനിക്ക് തന്ന ധൈര്യത്തിന് ഒരുപാട് നന്ദി..

ഞാൻ : പോട്ടെ.... നീ ഹാപ്പി ആയി ഉത്സവം കണ്ടോ... ബാക്കി ഞാൻ...., അല്ല ഞങ്ങൾ...., പിന്നെ ഈ കാര്യം ഞാൻ ഇത് അപ്പുവിനോടും നന്ദുവിനോടും പറയുന്നുണ്ട് അവരെ വിശോസിക്കാം കൂടെ നിക്കും.

അഞ്ചന : ഓക്കേ.... നിന്നെ എനിക്ക് വിശ്വാസമാണ്.... എന്നാ ഞാൻ പൊക്കോട്ടെ.....

ഞാൻ : മ്മ്മ്....

അവൾ പോയതും ഞാൻ അപ്പുവിനോടും നന്ദുവിനോടും വിളിച്ച് കാര്യം പറഞ്ഞു. അപ്പുവിന് അമലിനോടുള്ള അടങ്ങാത്ത ദേഷ്യം കാരണം ഞാൻ കാര്യം പറഞ്ഞപ്പോൾ തന്നെ അവനെ കൊല്ലണമെന്നായി.

അങ്ങനെ ഒരു വിധം പ്ലാൻ ഒക്കെ സെറ്റ് ചെയ്ത് ഞങ്ങൾ രാത്രിയാവൻ കാത്തിരുന്നു.....

**************************************

വൈകുന്നേരം ആയതോടെ അമ്പലത്തിൽ ആളുകൂടിയിരുന്നു. പല പല ദേശത്തുനിന്നുള്ള ആഘോഷവരവുമെല്ലാം ഉത്സവം കളറാക്കിയിരുന്നു.

ഞങ്ങൾ വീട്ടിൽ പോയി കുളിച്ച ശേഷം ഗ്രൗണ്ടിലെത്തി രണ്ട് പെഗ് കൂടെ അടിച്ചാണ് അമ്പലത്തിലേക്ക് വന്നത്. ഞങ്ങൾ എത്തുമ്പോൾ താലപ്പൊലിക്കായി സ്ത്രീകളും കുട്ടികളും ഒരുങ്ങി കഴിഞ്ഞിരുന്നു.

വെടിക്കെട്ടിനു ഇനിയും സമയം ഉള്ളത്കൊണ്ട് തന്നെ ഞങ്ങൾ താലപ്പൊലിക്കു നിൽക്കുന്ന പെൺകുട്ടികളെ നോക്കി ലൈൻ വലിച്ചു നിന്നു.

നന്ദു : എടാ.... റെഡ് പാവാട ഇട്ട കുട്ടിയെ കണ്ടോ....

അപ്പു : ഏതാടാ....

നന്ദു : ആ പോസ്റ്റിന്റെ അടുത്തേക്ക് നോക്ക്....

ഞാൻ : കിടു മോനെ....