Chapter Title : കള്ളനും കാമിനിമാരും 19 [Prince]

കുളിമുറി. ഇതാണ് തൻ്റെ കോവിലകം. ആരെങ്കിലും വന്ന് കണ്ടാൽ, അതോടെ തീരും തൻ്റെ തമ്പുരാൻ പട്ടം!!!

"രാഘവനോട് ആരാ ഇതൊക്കെ പറഞ്ഞത്..." രവി ചോദിച്ചു.

"ആദ്യം തങ്കം പറഞ്ഞു... പിന്നെ ദേവിതമ്പ്രാട്ടിയും...." രാഘവന് തന്നോടുള്ള ബഹുമാനം തെല്ല് കൂടിയോ എന്നൊരു സംശയം.

"ദേവ്യോപ്പോൾ എന്താ പറഞ്ഞേ..." രവി വസ്ത്രം അഴിച്ച് തോർത്തുമുണ്ട് ഉടുത്ത് കുളത്തിലേക്ക് ഇറങ്ങി.

"തമ്പ്രാൻ ആരെന്നും, കുട്ട്യായിരുന്നപ്പോഴുള്ള കഥകളും... അങ്ങിനെ എല്ലാം... പിന്നെ, തങ്കവും പറഞ്ഞു..." അത് പറഞ്ഞ് രാഘവൻ വെള്ളത്തിലേക്കിറങ്ങി.

"തങ്കം എന്ത് പറഞ്ഞു..." രവിയും ജിജ്ഞാസ കൂടി.

"എല്ലാം...." അതും പറഞ്ഞ് രാഘവൻ മുങ്ങി നിവർന്ന് ദേഹത്ത് സോപ്പ് തേക്കാൻ തുടങ്ങി.
"എല്ലാം എന്ന് വച്ചാൽ..." രവിയും വെള്ളത്തിൽ മുങ്ങി നിവർന്ന് ദേഹത്ത് സോപ്പ് തേച്ചു.
"തങ്കം എൻ്റെ അമ്മാവൻ്റെ മകളാ... ന്ന് വെച്ചാൽ എൻ്റെ മുറപ്പെണ്ണ്. ഞാൻ അവളെ കെട്ടിയില്ല എന്നേയുള്ളൂ... അതൊരുകണക്കിന് നന്നായി..." രാഘവൻ വീണ്ടും വെള്ളത്തിലേക്കിറങ്ങി.

"എനിക്കൊന്നും മനസ്സിലാവുന്നില്ല..." രവി പറഞ്ഞു.

"കെട്ടാൻ കൊതിച്ച പെണ്ണിനും ഒന്നും കൊടുക്കാൻ കഴിഞ്ഞില്ല... കെട്ടിയ പെണ്ണിനും ഒന്നും കൊടുക്കാൻ പറ്റുന്നില്ല..." രാഘവൻ ചിരിച്ചു. ആ ചിരിയിൽ രവി നിഗൂഢത മണത്തു.
"എന്ന് വച്ചാൽ...." രവി മുങ്ങി നിവർന്ന് കരയ്ക്കിരുന്നു.

"ഇന്ന് നമുക്ക് എൻ്റെ വീട്ടിൽ കൂടാം. ദേവിതമ്പുരാട്ടി ഇന്ന് ഏട്ടനോടൊപ്പം മനയിലല്ലേ.." രാഘവൻ പറഞ്ഞപ്പോഴാണ് രവി ആ കാര്യം ഓർത്തത്. ഏട്ടനും, ദേവ്യോപ്പോളും പിന്നെ സഹായിയും നാളെയെ തിരിച്ചെത്തൂ. ഇന്ന് രാത്രി താൻ ഒറ്റയ്ക്ക്. അപ്പോഴാണ് രാഘവൻ്റെ ക്ഷണം.

"ശരി... ക്ഷണം സ്വീകരിച്ചിരിക്കുന്നു... പക്ഷേ, എന്തെങ്കിലും സ്പെഷ്യൽ വേണം..." രവി