Chapter Title : കല്യാണി - 11 [മാസ്റ്റര്‍]

“അവളിപ്പോള്‍ എവിടെയുണ്ട്? എനിക്ക് ഒന്ന് കാണാന്‍ സാധിക്കുമോ?” അവന്റെ വര്‍ണ്ണനയില്‍ നിന്നും കല്യാണിയുടെ ഏകദേശരൂപം മനസിലാക്കിയ നമ്പൂതിരി ആക്രാന്തം പുറമേ കാണിക്കാതെ ചോദിച്ചു.

“അവള്‍ മരിച്ചു തിരുമേനി..ആത്മഹത്യ ആയിരുന്നു..”

“ങേ..മരിച്ചു പോയ ആളെ ആണോ മോഹനന്‍ സംശയിക്കുന്നു എന്ന് പറഞ്ഞത്?” തന്റെ ഞെട്ടല്‍ മറച്ചു വയ്ക്കാതെ നമ്പൂതിരി ചോദിച്ചു.

“അതെ..അവളുടെ ആത്മാവാണ് ഇവിടെ ചുറ്റിത്തിരിഞ്ഞു കുഴപ്പങ്ങള്‍ ഉണ്ടാക്കുന്നത് എന്ന് ഞാന്‍ കരുതുന്നു....”

“എന്തിന്? അവളുടെ മരണത്തിനു പിന്നില്‍ തറവാട്ടിലെ ആര്‍ക്കെങ്കിലും ബന്ധം ഉണ്ടെന്നാണോ മോഹനന്‍ പറഞ്ഞു വരുന്നത്?”

“അതെനിക്ക് അറിയില്ല..പക്ഷെ സാധാരണ ദുരാത്മാക്കള്‍ ചെയ്യുന്ന യാതൊന്നും ഇതുവരെ ഇവിടെ ഉണ്ടായിട്ടില്ല. പക്ഷെ വളരെ വലിയ ഒരു അടിയൊഴുക്ക് ഇവിടെ നടക്കുന്നുണ്ട്. അത് ഈ തറവാടിനെ മുച്ചൂടും നശിപ്പിക്കാന്‍ പോന്നതാണ് എന്നാണ് എന്റെ തോന്നല്‍..ചിലപ്പോള്‍ ഇതൊക്കെ എന്റെ സംശയങ്ങള്‍ ആകാം.”

“കല്യാണി എങ്ങനെയാണു മരിച്ചത്..”

“അവളുടെ വീട്ടു വളപ്പിലെ ഒരു മരത്തില്‍ തൂങ്ങി മരിച്ച നിലയിലാണ് കണ്ടത്..”

“അവള്‍ മരിക്കാനുള്ള കാരണം?”

“അറിയില്ല. പക്ഷെ ആ മരണത്തില്‍ എന്തോ ദുരൂഹത ഉണ്ട്. അവള്‍ മരിച്ച രാത്രിയില്‍ അവളുമായി പ്രേമത്തില്‍ ആയിരുന്ന ഹരിയേട്ടനെയും കാണാതായി. അതാണ്‌ എനിക്ക് ആ മരണത്തില്‍ സംശയം ഉണ്ടാകാന്‍ കാരണം..ഇന്നേവരെ ഹരിയേട്ടന്റെ ഒരു വിവരവും ഞങ്ങള്‍ക്ക് കിട്ടിയിട്ടുമില്ല” മോഹനന്‍ ആശങ്കയോടെ പറഞ്ഞു.

തിരുമേനി ആലോചനയില്‍ മുഴുകി.

ശ്രീലക്ഷ്മി തന്റെ കൊഴുത്ത ദേഹത്തേക്ക് തണുത്ത വെള്ളം കോരിയൊഴിച്ച് കുളിക്കുകയായിരുന്നു അപ്പോള്‍. ജലത്തിന്റെ തണുപ്പില്‍ അവളുടെ ശരീരരോമങ്ങള്‍ നിവര്‍ന്നു നിന്ന് തുടിച്ചു.

“ആ മരണത്തെപ്പറ്റി തറവാട്ടു കാരണവന്മാര്‍ വല്ല സംശയവും പ്രകടിപ്പിച്ചിരുന്നോ?” അവസാനം നമ്പൂതിരി ചോദിച്ചു.

“ഞങ്ങള്‍ കുട്ടികളോട്