Chapter Title : കണക്കുപുസ്തകം 1 [Wanderlust]

അയാൾ വണ്ടി ഒതുക്കി നിർത്തി. പണം കൊടുത്ത് പുറത്തേക്കിറങ്ങിയ നാലുപേരും നേരെ നടന്നത് ഒരു ബാറിലേക്കാണ്. എൻട്രൻസിൽ നിൽക്കുന്ന ജീവനക്കാരനോട് എന്തോ പറഞ്ഞ ശേഷം അയാൾ വാതിൽ തുറന്ന് അകത്തേക്ക് ചൂണ്ടി. അകത്ത് റിസപ്ഷൻ പോലെ ചെറിയൊരു മുറിയുണ്ട്. അവിടെ ഇരിക്കുന്ന പെൺകുട്ടിയെ നോക്കി ചിരിച്ചുകൊണ്ട് അവർ ബാർ ലക്ഷ്യമാക്കി നടന്നു. ബാറിന് അകത്തേക്കുള്ള കതകിന് അടുത്തെത്തിയപ്പോഴേക്കും അത് തുറന്നുവന്നു. അകത്ത് നടക്കുന്ന ലൈവ് മ്യൂസിക് ആസ്വദിച്ചുകൊണ്ട് മധുനുകരുന്ന കുറേയാളുകൾ. അകത്തേക്ക് പ്രവേശിക്കുവാനും പുറത്തേക്ക് കടക്കുവാനുമായി പ്രത്യേകം വാതിലുകൾ ഉണ്ട്. രണ്ട് വാതിലുകൾക്ക് ഇരുവശവും നല്ല ഗഡാഗഡിയൻമാരായ ബൗൺസേർസിനെ നിർത്തിയിട്ടുണ്ട്. ചുരുക്കം പറഞ്ഞാൽ ബാറിൽവച്ച് എന്തെങ്കിലും പ്രശ്നം ഉണ്ടാക്കാനാണ് ഭാവമെങ്കിൽ നല്ല ഇടി കിട്ടുമെന്ന് അർത്ഥം.

നാലുപേർക്ക് ഇരിക്കാവുന്ന ടേബിളിൽ ബിയർ ബോട്ടിലുകൾ നിരന്നു. സ്റ്റേജിൽ ഡിജെ പാർട്ടിയെ അനുസ്മരിപ്പിക്കും വിധം ലൈവ് പ്രോഗ്രാം അരങ്ങേറുന്നത് ആസ്വദിച്ച് തണുത്ത ബിയർ നുണയുന്ന നാലുപേർ. കൂട്ടത്തിൽ ഒരാൾ കൈകാണിച്ച് വിളിച്ചതുപ്രകാരം വെയ്റ്റർ അവർക്ക് അടുത്തേക്ക് വന്നു. അയാളുടെ കാതിൽ എന്തോ മന്ത്രിക്കുന്നതും അയാൾ തിരിഞ്ഞു നടക്കുന്നതും കാണാം. ഒരു ഡോർ തുറന്ന് അകത്തേക്ക് പോയ വെയ്റ്റർ അൽപ നേരത്തിന് ശേഷം തിരിച്ചുവന്ന് നാലുപേരെയും കൂട്ടി അയാൾ നേരത്തെ പോയ അതേ മുറിയിലേക്ക് കടന്നു. ബാറിൽ നടക്കുന്ന ഹുങ്കാര ശബ്ദമൊന്നും ആ കതകിന് ഇപ്പുറം കേൾക്കാനില്ല. ഓഫിസ് പോലെ തോന്നിക്കുന്ന വിശാലമായ ഒരു മുറി. വെള്ളയും വെള്ളയുമിട്ട ഒരാളാണ് അതിന്റെ അധികാരിയെന്ന് തോനുന്നു. കൂടെ രണ്ടുപേരും ഉണ്ട്. അവർ ഈ നാലുപേരോട് എന്തൊക്കെയോ സംസാരിക്കുന്നു. ശേഷം തന്റെ കയ്യിലുള്ള ടാബിൽ നിന്നും എന്തോ കാണിക്കുന്നു. നാലുപേരുടെയും മുഖം വിടർന്നു. ടാബ്ലെറ്റിൽ ചൂണ്ടുവിരൽ തേയുന്നതിനൊപ്പം മുഖഭാവങ്ങൾ മാറിമറിഞ്ഞു. അവസാനം പോക്കെറ്റിൽ നിന്നും പൈസ എടുത്ത് വെള്ളകുപ്പായക്കാരന് നേരെ നീട്ടിയ ശേഷം നാലുപേരും പരസ്പരം നോക്കി ചിരിച്ചു. വെളുത്ത കുപ്പായക്കാരന്റെ നിർദേശപ്രകാരം അയാളുടെ സഹായി ഇവരെ നാലുപേരെയും കൂട്ടി മറ്റൊരു മുറിയിലേക്കാണ് പോയത്. ഒഴിഞ്ഞ ഒരു മുറിയിൽ നിറയെ ബിയർ ബോട്ടിലുകളും കാർട്ടൂൺ ബോക്സുകളും അലങ്കോലമായി കിടക്കുന്നു. ബാർ ജീവനക്കാരൻ ഒരു സ്വിച്ചിൽ അമർത്തിയപ്പോഴേക്കും