Chapter Title : കണക്കുപുസ്തകം 5 [Wanderlust]

കഴിച്ചിട്ടില്ല… മേരി എനിക്ക് ഒഴിച്ചത് മദ്യവും, അന്നാമ്മയ്ക്ക് കൊടുത്തത് നല്ല അസ്സൽ കട്ടൻ ചായയും ആണ്

: ഹരിയേട്ടനെങ്ങനെ മനസിലായി…

: അവൾ വണ്ടിയോടിച്ച് പോയത് കണ്ടില്ലേ… ഇനി അഥവാ നല്ല കപ്പാസിറ്റി ഉള്ള ആളാണെങ്കിൽ തന്നെ മുഖത്ത് ചേർന്നുനിന്ന് സംസാരിച്ചാൽ മണമെങ്കിലും കിട്ടണ്ടേ…അവർ എന്നെ ഉമ്മവയ്ക്കാൻ വന്നപ്പോ പോലും എനിക്ക് മണം കിട്ടിയിട്ടില്ല, സംശയം തോന്നിയതുകൊണ്ട് ഞാൻ മേരിയറിയാതെ ആ കുപ്പി എടുത്ത് നോക്കിയായിരുന്നു

: ഓഹോ… അപ്പൊ ആ പരട്ട കിളവിയെ ഉമ്മവച്ചിട്ടാണോ എന്റെ അടുത്ത് വന്ന് നല്ലപുള്ള ചമയുന്നേ… മതി, ഞാൻ അടുത്ത മുറിയിൽ ഉണ്ടാവും

: എടി പൊട്ടി അവർ എന്റെ മുഖത്തേക്ക് അടുത്തതും ഞാൻ അവരെ തള്ളിമാറ്റി… പിന്നേ അവളുടെ ഉമ്മ കിട്ടിയിട്ട് വേണ്ടേ ഹരിക്ക് കു…. അല്ലേൽ വേണ്ട ഞാൻ ഒന്നും പറയുന്നില്ല

: അയ്യോ…ചൂടാവല്ലേ മാഷേ. ഞാനൊരു തമാശ പറഞ്ഞതല്ലേ.. എന്താ നമ്മുടെ അടുത്ത പ്ലാൻ..

: അടുത്ത ഒരു പാർട്ടിയോടുകൂടി കളിയൊന്ന് മാറ്റി ചവിട്ടണം.. ഇനി അവസരങ്ങൾ നമ്മൾ ഉണ്ടാക്കണം. ഇപ്പൊ അന്നാമ്മയുടെ ഏകദേശ ലൈൻ മനസിലായല്ലോ.. ഇനി വേണം ബ്ലെസ്സിയെ എങ്ങനെങ്കിലും നാട്ടിലെത്തിക്കാൻ.. അവളിലൂടെ വേണം എല്ലാവരും സത്യങ്ങളറിയാൻ

: ഹരിയേട്ടന് ബ്ലെസ്സിയെ വേണമെന്ന് പറഞ്ഞാൽ കൊണ്ടുവരില്ലേ അവളെ..

: അതൊക്കെ അന്നാമ്മയുടെ ഓരോ നമ്പറല്ലേ… അവളെ കാണിച്ച് കൊതിപ്പിക്കും, എന്നിട്ട് കാര്യങ്ങളൊക്കെ അന്നാമ്മയ്ക്ക് അനുകൂലമാണെന്ന് കണ്ടാൽ മാത്രമേ ബ്ലെസ്സിയെ ഇറക്കൂ…

: എന്റെ മനസ്സിൽ തോന്നിയൊരു ഐഡിയ ഞാൻ പറയട്ടെ… മുൻപ് ഹരിയേട്ടൻ പറഞ്ഞതുതന്നെയാ പക്ഷെ അത് ഇപ്പോഴത്തെ സാഹചര്യത്തിലേക്ക് ഒന്ന് മാറ്റിനോക്കാം