Chapter Title : കണ്ണിലുദിച്ച കിനാവുകൾ [സ്പൾബർ]

കല്യാണമാലോചിച്ചത്… ?”.

അമ്പിളി ഞെട്ടിപ്പോയി.. പ്രിയക്ക് വിളിച്ച് ഫോൺ വെച്ചിട്ട് അധികനേരമായില്ല.. ഇത്ര പെട്ടെന്ന് അവനിതെങ്ങിനെ അറിഞ്ഞു..?.

“പ്രിയ എനിക്ക് വിളിച്ചിരുന്നു… അവളാ എന്നോട് പറഞ്ഞത്, അമ്പിളി വിളിച്ച കാര്യം… പറ… എനിക്ക് വേറെ കല്യാണമാലോചിക്കാൻ ഞാനമ്പിളിയെ ഏൽപിച്ചിരുന്നോ… ?”..

അമ്പിളി വിളറിപ്പോയി.. അവൾക്കൊന്നും പറയാനായില്ല.. അവൻ ഗൗരവത്തിലാണ് സംസാരിക്കുന്നത്..

“എന്റെ സ്വഭാവമൊക്കെ അമ്പിളി തിരക്കീന്ന് പ്രിയ പറഞ്ഞു… ഞാനെപ്പഴാ അമ്പിളിയുടെ അമ്മാവന്റെ മോളെ കല്യാണമാലോചിച്ചത്… ?”..

അമ്പിളി പെട്ടു പോയി.. ഇതവൾ പ്രതീക്ഷിച്ചില്ല.. താൻ വിളിച്ച് ചോദിച്ച ഉടനെ ആ പ്രിയ ഇവന് വിളിച്ച് വിവരം പറഞ്ഞിരിക്കുന്നു.. ശെ.. എന്ത് പറയും..?..

ആകെ നാണം കെട്ടു..

“ അത്… ഞാൻ… സുധീറിന്റെ… കാര്യങ്ങളൊക്കെ അറിയാൻ…”..

അമ്പിളി വിക്കി…

“എന്തിന്… ?.

എന്റെ കാര്യങ്ങൾ എന്നോടല്ലേ ചോദിക്കേണ്ടത്… ഞാൻ അമ്പിളിയോട് പറഞ്ഞതല്ലേ എന്നെക്കുറിച്ച് എന്തേലും അറിയണേൽ എന്നോട് ചോദിക്കാൻ…”..

അമ്പിളിക്ക് മറുപടിയില്ല..

“ഉം… പോട്ടെ… സാരമില്ല… അമ്പിളിയുടെ എതമ്മാവന്റെ മോൾക്കാ എന്നെ ആലോചിച്ചത്… ?”..

അമ്പിളി പരുങ്ങി..അവൾക്കൊരമ്മാവനോ,

അമ്മാവന് മകളോ ഇല്ല.. പെട്ടല്ലോ ഈശ്വരാ…

“ അത്… ഞാൻ… വെറുതെ തമാശക്ക്…”..

“ഓ… അമ്പിളിക്ക് തമാശയൊക്കെ അറിയോ… ?.. കണ്ടാ തോന്നൂല… “..

സുധീറിന്റെ സ്വരം അൽപം അയഞ്ഞതും അമ്പിളിക്ക് ആശ്വാസമായി..

“ശരി… എന്തിനാ അമ്പിളി എന്നെക്കുറിച്ച് തിരക്കിയത്…?”..

വീണ്ടും പെട്ടു..

“ രാവിലെ ബസ് സ്റ്റോപ്പിനടുത്തും,വൈകിട്ട് അമ്പിളി ജോലി ചെയ്യുന്ന സ്ഥലത്തും ഞാനുണ്ടായിരുന്നു… അപ്പോ എന്നോട് നേരിട്ട് ചോദിച്ചൂടായിരുന്നോ… ?”..

അത് കേട്ട് അമ്പിളി അൽഭുതപ്പെട്ടു.. താനറിയാതെ തന്റെ കണ്ണുകൾ ഒരുപാട് തിരഞ്ഞിട്ടും അവനെ കണ്ടില്ലല്ലോ..