Chapter Title : കണ്ണന്റെ അനുപമ 4 [Kannan]❤️

എന്നൊന്നും എനിക്കൊരു പിടിയും ഇല്ല. പോരാടേണ്ടവരുടെ ഒരു നീണ്ട ലിസ്റ്റ് തന്നെ ഉണ്ട്. ലച്ചു മുതൽ അവളുടെ അമ്മ വരെ അത് നീളും. പിന്നെ അതിന് പുറമെ വകയിലും വള്ളിയിലും ഉള്ള ഓരോ അമ്മാവൻമാര് വേറെ. അവൾ എന്റെ കൂടെ വരും എന്നു പോലും എനിക്ക് ഉറപ്പില്ല. അവൾ എന്നെ അവളെക്കാൾ കൂടുതൽ സ്നേഹിക്കുന്നുണ്ട് പക്ഷെ സ്വന്തം കുടുംബത്തിനെയും സമൂഹത്തിനെയും എതിർക്കേണ്ടി വന്നാൽ എന്റെ പെണ്ണ് ചിലപ്പോൾ ചത്ത്‌ കളയും. അത്രയൊക്കെയേ അതിന്റെ ചിന്ത പോവൂ.... സ്നേഹിക്കാൻ മാത്രം അറിയുന്ന പൊട്ടി ആണവൾ. അവൾ ഉണ്ണിമാമയോട് കാണിച്ച സ്നേഹത്തിന്റെ അഞ്ച് ശതമാനമെങ്കിലും അയാൾ തിരിച്ചു കൊടുത്തിരുന്നെങ്കിൽ എനിക്ക് അവളുടെ ജീവിതത്തിൽ യാതൊരു സ്ഥാനവും ഉണ്ടാവുമായിരുന്നില്ലെന്നാണ് ഞാനിപ്പോഴും വിശ്വസിക്കുന്നത്.

മനസ്സിലെ ഭ്രാന്തൻ ചിന്തകളുടെ കെട്ടു പൊട്ടിപ്പോയെന്ന് മനസ്സിലാക്കിയ ഞാൻ വീണ്ടും അതിരയോട് ഓരോന്ന് പറഞ്ഞ് നേരം കഴിച്ചുകൂട്ടി.പറയുന്നവർ എന്തേലും പറയട്ടെ പുല്ല് !

മുള്ളിൻമേൽ നിക്കുന്ന പോലെയാണ് ഞാൻ അവിടെ ഇരുന്നത്. അതിന്റെ പ്രധാന കാരണം അമ്മു നേരത്തെ ചെല്ലാൻ പറഞ്ഞു എന്നതാണ്. അവൾ അവളുടെ ശരീരം എനിക്കായി വെച്ചു നീട്ടുമോ ഇല്ലയോ എന്നല്ല അവളോടൊപ്പം കഴിയുന്ന ഓരോ നിമിഷവും സ്വപ്നതുല്യം ആണെനിക്ക്. ആ മടിയിൽ ഒന്ന് തലവെച്ചു കിടന്നാൽ മതി അതാണെന്റെ സ്വർഗം !.

ഉച്ച ഭക്ഷണത്തിന്റെ ഇടവേളയിൽ നൈസ് ആയിട്ട് എക്സിറ്റ് രജിസ്റ്ററിൽ സൈൻ ചെയ്ത് മുങ്ങാനായി ഓഫീസ് റൂമിലെത്തിയപ്പൊഴാണ് പോയി പിടി വീണത്. വൈശാഖേട്ടൻ കസേരയിൽ എന്നെ നോക്കി ചിരിച്ചു കൊണ്ടിരിക്കുന്നു മൂപ്പർക്കാണ് സെന്ററിന്റെ ചുമതല. കോളേജിൽ എന്റെ സീനിയർ ആയിരുന്നു. എന്റെ ഗുരു