Chapter Title : കർമ്മഫലം [ഏകൻ] [Edited version]

അവിടെ ഒരു വീട് ഉണ്ട് അവിടെ താമസിക്കാൻ ഇടം കിട്ടും. ഞാൻ പറഞ്ഞെന്ന് പറഞ്ഞാൽ മതി.” കടക്കാരൻ പറഞ്ഞു.

“അതിന് ഇവർക്ക് വഴി അറിയാമോ? വാ ഞാൻ കാണിച്ചു തരാം. മാത്രമല്ല അവരെ പരിചയപ്പെടുത്തി തരാം. കിടക്കാൻ ഇടവും ഉറപ്പാക്കാം ” മറ്റെയാൾ പറഞ്ഞു.

അവർ ചായകുടിച്ച് കഴിഞ്ഞ് അയാൾ വന്നു വണ്ടിയിൽ കയറി. അവർ ആ വീട്ടിലേക്ക് പുറപ്പെട്ടു

ആ വയലിനു അടുത്ത് എത്തിയ ഉടനെ അയാൾ പറഞ്ഞു..

“അതാ വീട്.. വാ ഞാൻ പരിചയപെടുത്താം. വണ്ടി വീടിനടുത്ത് വരെ എത്തും. അവിടെ നിർത്തി ഇട്ടാൽ മതി..”

അങ്ങനെ അവർ വീടിനു മുന്നിൽ എത്തി

“ഗ്രേസി ചേച്ച്യേ … ഗ്രേസി ചേച്ചി .” അയാൾ വിളിച്ചു.

അമ്പതിനോട് അടുത്ത പ്രായം വരുന്ന ഒരു സ്ത്രീ വീടിന് പുറത്ത് വന്നു. അയാൾ ജോപ്പനോട് പറഞ്ഞു

" ഇതാണ് ഗ്രേസി ചേച്ചി. ഇത് ചേച്ചിയുടെ വീടാണ്. ചേച്ചി സമ്മതിച്ചാൽ ഇവിടെ താമസിക്കാം. അതിനു വേണ്ടത് ഞാൻ പറഞ്ഞോളാം. നിങ്ങൾ ഒന്നു കൂടെ നിന്ന് തന്നാൽ മതി. "

അതിനുശേഷം ആ സ്ത്രീയോട് ആയി പറഞ്ഞു.

“ഗ്രേസി ചേച്ചി ഇവർ നമ്മുടെ വൈദ്യനെ കാണാൻ വന്നതാ .. ചേച്ചി ഇവരെ കുറച്ചു ദിവസം താമസിപ്പിക്കണം..”

“ആരാ എവിടുന്നാ.? കുറച്ചു ദിവസം എന്ന് പറഞ്ഞാൽ.. അങ്ങനെ വെറുതെ ഒന്നും താമസിപ്പിക്കാൻ പറ്റില്ല.”

" വെറുതെ വേണ്ട ചേച്ചി. ചേച്ചി പറയുന്ന പണം തരാം. " ജോപ്പൻ പറഞ്ഞു

“ഇവര് കുറച്ചു ദൂരെന്ന കെട്ട്യോനും കെട്ട്യോളും . കല്യാണം കഴിഞ്ഞു കുറച്ചായി. ഇതുവരെ