Chapter Title : കേരളാ എക്സ്പ്രസ്സ് [Master]

കാമം ആയിരുന്നില്ല, അല്ലെ?”

അത്ഭുതത്തോടെ അവളെന്നെ നോക്കി. പിന്നെ സാവധാനം തലയാട്ടി.

“പിന്നെ എന്താണ് നിനക്കെന്നോട് തോന്നിയത്? ങേ?”

“പ്യാര്‍” എന്റെ നെഞ്ചിലേക്ക് വീണ് അവള്‍ കരഞ്ഞു.

ഞാന്‍ പുഞ്ചിരിച്ചു. അതെ, സ്നേഹം. നിര്‍വ്യാജമായ സ്നേഹം. എന്നെയവള്‍ ഒരുനിമിഷമെങ്കിലും മനസ്സുകൊണ്ട് വരിച്ചിരുന്നു. അതാണ്‌ ഇന്നിപ്പോള്‍ ഇവിടെ ഞാനിരിക്കാന്‍ കാരണം.

കേട്ടോ മക്കളെ, വിവാഹം ഇവിടല്ല, സ്വര്‍ഗ്ഗത്തിലാണ് തീരുമാനിക്കപ്പെടുന്നത് എന്ന് വെറുതെ പറയുന്നതല്ല. കേരളാ എക്പ്രസില്‍ കിടന്നുറങ്ങേണ്ട ഞാനാണ് ദാ, ഇവിടെ സന്ദീപ്‌ജിയുടെ വീട്ടില്‍ എന്റെ പെണ്ണിന്റെ ഒപ്പം ഇരിക്കുന്നത്! ദൈവം തീരുമാനിച്ചാല്‍പ്പിന്നെ, അത് മാറ്റാന്‍ ആര്‍ക്കാണ് സാധിക്കുക?

സന്ദീപ്ജി, നല്ലൊരു മനുഷ്യനായിരുന്നു. രണ്ടുലക്ഷം രൂപ ഞാന്‍ അദ്ദേഹത്തിന് നല്‍കിയെങ്കിലും അദ്ദേഹമത് സ്വീകരിച്ചില്ല. സുമന്‍ ചെയ്ത ജോലികള്‍ക്കുള്ള കൂലിയായി ആ തുക വരവുവച്ചു എന്നാണ് ആ മനുഷ്യന്‍ ചിരിച്ചുകൊണ്ട് പറഞ്ഞത്. അവള്‍ക്ക് ഇഷ്ടപ്പെട്ട ഒരു പുരുഷന്റെ ഒപ്പം ജീവിക്കാനുള്ള ഭാഗ്യം ലഭിച്ചതില്‍ അയാള്‍ സന്തുഷ്ടനയിരുന്നു. പ്രജനനശേഷിയോ ലൈംഗിക താല്‍പര്യമോ ഇല്ലാത്ത അയാള്‍ അവളെ വാങ്ങിയത്, ഈ സൌന്ദര്യത്തിനെങ്കിലും അയാളെ മാറ്റാന്‍ കഴിഞ്ഞേക്കും എന്ന ചിന്തയോടെയയിരുന്നു. എന്നാലത് നടക്കില്ല എന്ന് മനസിലായതോടെ അയാള്‍ അവളെ സ്വതന്ത്രയായി വിടാന്‍ ഒരുക്കമായിരുന്നു. പക്ഷെ സുമന്‍ ആ നാട്ടിലെ എല്ലാ പുരുഷന്മാരെയും വെറുത്തുപോയിരുന്നു; സ്വന്തം പിതാവിന്റെ ചെയ്തി മൂലം. അതോ അതിനു വേറെയും കാരണങ്ങള്‍ ഉണ്ടോ എന്നെനിക്കറിയില്ല.

ബീനയിലെ ഒരു ചെറിയ മന്ദിറില്‍, സന്ദീപ്ജിയുടെയും അദ്ദേഹത്തിന്റെ ചില സുഹൃത്തുക്കളുടെയും സാന്നിധ്യത്തില്‍ സുമന്റെ കഴുത്തില്‍ ഞാന്‍ താലി ചാര്‍ത്തി.

നാട്ടിലെത്തിയാല്‍ ഉണ്ടാകുന്ന പൊട്ടിത്തെറികള്‍ നേരിടാനുള്ള ചങ്കൂറ്റത്തോടെ ഞാന്‍ എന്റെ പെണ്ണിനേയും കൂട്ടി വീണ്ടും കേരളാ എക്പ്രസില്‍ തന്നെ കയറി. ഇത്തവണ സെക്കന്റ് ക്ലാസ് സ്ലീപ്പറില്‍ ആയിരുന്നില്ല യാത്ര; സെക്കന്റ് എസിയില്‍ ആയിരുന്നു സുഹൃത്തുക്കളെ, സെക്കന്റ് എസിയില്‍. ഞാന്‍ ആദ്യം കണ്ട സുമനില്‍ നിന്നും പത്തുവയസ്സ് കുറഞ്ഞ്, ഒരു കുട്ടിയുടെ പ്രസരിപ്പോടെ തമാശകള്‍