Chapter Title : ഖൽബിലെ മുല്ലപ്പൂ 11 [കബനീനാഥ്]

ബോധമണ്ഡലം പതിയെ ഉണർന്നു തുടങ്ങി ...

ഷാനു ... അവൻ ഷാനു മാത്രമാണെന്ന് തിരിച്ചറിയുകയായിരുന്നു ...

ഷാനു = ഷാനു ...

ഉപ്പുപരൽ തൊണ്ടയിൽ കുരുങ്ങിയ പോലെ ജാസ്മിനു തോന്നി.

തന്റെ മനസ്സിലെ അവസാന സംശയത്തിന്റെ നൂലിഴ കടുംകെട്ട് അവന്റെ ഓരോ പ്രവർത്തികളാലും അഴിഞ്ഞു തുടങ്ങുന്നത് അവൾ അറിഞ്ഞു ...

ഒരു പെണ്ണ് തേടുന്നതാരോ , അവൻ തന്നെയാണിവൻ ...

ജാസ്മിനും പെണ്ണായിരുന്നുവല്ലോ....

അർദ്ധ നിമിഷം ...

ഷാനു ഗ്യാസ് ഓഫ് ചെയ്ത് തിരിയുന്നതിനു മുൻപേ , മോളിക്ക് പിന്നിലേക്ക് ചേർന്ന് അവൾ ഷാനുവിന്റെ നെഞ്ചിൽ പിടി മുറുക്കി ...

" ന്റെ മക്കളേ ... " എന്നൊരു വിളി മാത്രം പതിയെ, വളരെ നേർത്ത് പുറത്തേക്ക് വന്നു..

അവളുടെ മുറുക്കലിൽ ശ്വാസം കിട്ടാതായത് മോളിക്കാണ് ...

"ചാസം മുട്ടണ് ... "

എന്നിട്ടും ജാസ്മിൻ പിടി വിട്ടില്ല ...

" ച്ച് നീം പനി വരുത്തും ജാച്ചുമ്മ ... "

കഴിഞ്ഞ ദിവസത്തെ പനിയുടെ ഓർമ്മയിൽ മോളി പറഞ്ഞു.

അവളുടെ പിടി പതിയെ അയഞ്ഞു ...

ഒരു നീർത്തുള്ളി അവളുടെ മിഴികളിൽ നിന്ന് കവിളിലൂടെ താഴേക്കുരുണ്ടു വീണു ..

അവനെ അവിശ്വസിച്ചത് തന്റെ തെറ്റു തന്നെയാണെന്ന് , അവളുടെ അർദ്ധമനസ്സ് പറഞ്ഞു.

9:20 AM

തകർത്തടിച്ചു പെയ്തിരുന്ന മഴയ്ക്ക് ഒരു ശമനവുമില്ലായിരുന്നു ...

ഷാനുവിന്റെ മടിയിലായിരുന്നു മോളി.

ടി.വി യിൽ മഴക്കെടുതിയുടെ സ്ക്രോൾ ന്യൂസ് പായുന്നത് ശ്രദ്ധിച്ചു കൊണ്ടിരുന്നു ...

പല സ്ഥലങ്ങളിലും വെള്ളം പൊങ്ങിയതും ആളുകൾ അകപ്പെട്ടതുമായ വാർത്തകൾ കടന്നുപോയ്ക്കൊണ്ടിരുന്നു ...

ജാസ്മിൻ മുറിയിൽ