Chapter Title : ഖൽബിലെ മുല്ലപ്പൂ 6 [കബനീനാഥ്]

ജീവിതം ഇനിയെങ്ങനെ മുന്നോട്ട് എന്ന ചിന്ത മനസ്സിനെ അടക്കിഭരിക്കുമ്പോൾ ശരീരദാഹം എപ്പോഴും  രണ്ടോ മൂന്നോ സ്ഥാനങ്ങളിലായിരുന്നു ... ഇപ്പോൾ ആ കഥ മാറി ..  അടക്കി വെച്ചതും കെടാതെ കിടന്നതുമെല്ലാം പതിയെ പുറത്തുചാടാനും മുനിഞ്ഞു കത്താനും തുടങ്ങി ...  അതിന് ഷാനുവെന്ന ,  ആരുടെ മുൻപിലും തെറ്റിദ്ധരിക്കപ്പെടാൻ സാദ്ധ്യതയില്ലാത്ത ഒരു സാദ്ധ്യത കൂടി തുറന്നു കിട്ടിയപ്പോൾ ശരീരം അതിന്റെ തനി സ്വഭാവം പ്രകടിപ്പിച്ചു തുടങ്ങി ...

ഹൃദയം വിറച്ചും , രോമങ്ങളെഴുന്നും, ഉള്ളം കയ്യും ഉള്ളം കാലും വിയർത്തും, സ്തന ഞെട്ടുകൾ കല്ലിച്ചും അടിവയറിനകം വിങ്ങിയും യോനീദളങ്ങൾ ത്രസിച്ചും അകം മഴയിൽ അവളെ നനച്ചും ശരീരം ഉള്ളിലെ വികാരത്തെ പുറന്തള്ളിക്കൊണ്ടിരുന്നു ...

മനസ്സായങ്ങനെയല്ലായിരുന്നു ...

ചിലപ്പോഴവൻ ശരീരത്തിന്റെ കൂടെ നിന്നു ... മറ്റു ചിലപ്പോൾ ധാർമ്മികതയും സദാചാരവും പറഞ്ഞ് ഒന്നാം തരം പ്രതിപക്ഷ കക്ഷിയായി ... ശരീരത്തിനെതിരെ സമരം ചെയ്യാൻ പോലും ചില സമയങ്ങളിൽ അവൻ കൂട്ടുവന്നു... പക്ഷേ ഒരുനാൾ അവനും ആ അധികാരക്കസേരയിലേക്ക് കയറും എന്നതിൽ തർക്കമില്ലായിരുന്നു ...

പക്ഷേ മനസാക്ഷിക്കു മുൻപിലും മനസാക്ഷിക്കോടതിയ്ക്കു മുൻപിലും താൻ തെറ്റുകാരിയാണെന്നുള്ള വാദം ജാസ്മിന് അംഗീകരിക്കേണ്ടി വന്നു . ആ കോടതിയുടെ ക്രോസ്സ് വിസ്താരത്തിനു മുൻപിൽ പിടിച്ചു നിൽക്കാനവൾക്കായില്ല ..

ഷാഹിർ നിന്നെ സ്നേഹിക്കുന്നില്ലേ ...?

ഉണ്ട് എന്നാണുത്തരം ...

നിങ്ങൾക്കു വീടും ആഹാരവും വസ്ത്രവും മറ്റനുബന്ധ ചിലവുകളും അയാൾ നടത്തി തരുന്നില്ലേ ...?

ഉണ്ട് ...

അയാൾ സ്നേഹവാനല്ലേ ...?

അതേ...

പിന്നീട് എന്താണ് നിങ്ങളുടെ ആവശ്യം ...?

എന്റെ ശാരീരിക ആവശ്യങ്ങൾ അയാൾ നിറവേറ്റിത്തരുന്നില്ല ...