Chapter Title : ഖൽബിലെ മുല്ലപ്പൂ 7 [കബനീനാഥ്]

... തനിക്കു വയ്യാതാകുമ്പോഴോ അവൻ ക്ലാസ്സിൽ പോകുന്ന സമയത്ത് താനുണരാൻ വൈകുമ്പോഴോ ഒക്കെയായിരുന്നു സാധാരണ അവന്റെ പാചകം .. തെറ്റുപറയാൻ ഒന്നുമില്ല, ഒരു പഞ്ഞൊമ്പതുകാരനിൽക്കവിഞ്ഞ പാചക വിരുതവനിലുണ്ട് ...

" ചോറേ വെച്ചിട്ടുള്ളൂ ... കറിക്കരിയുകയാ, അതിങ്ങള്  വെച്ചോണം ... " പിൻതിരിഞ്ഞു നോക്കാതെ അവൻ പറഞ്ഞപ്പോൾ അവളൊന്നു ഞെട്ടിപ്പോയി ...

ഇവനിതെങ്ങനെ അറിഞ്ഞു താൻ എത്തിനോക്കിയ കാര്യം ... ?

ഇനി മുഖം കഴുകിയപ്പോൾ ശബ്ദം കേട്ടതാകുമോ ? ചില സമയങ്ങളിലൊക്കെ ഇവനിങ്ങനെ പറയാറുള്ളത് അവളോർത്തു ... മിക്ക ദിവസങ്ങളിലും അവൻ പഠിക്കുകയാണോ എന്നറിയാൻ താൻ ഒളിഞ്ഞു നോക്കുമ്പോഴാണ് അങ്ങനെ പറയാറ് ... പലവുരു ഇതാവർത്തിച്ചിട്ടുണ്ട് ... അവന്റെ പ്രവചനം തെറ്റിക്കാൻ താൻ ശ്വാസം പോലും വിടാതെ പിന്നിൽ ചെന്നു നോക്കിയിട്ടുമുണ്ട് ... എന്നിട്ടും ഷാനു തന്നെയാണ് ജയിച്ചത് ... അന്നൊരു ദിവസം സഹികെട്ടു ചോദിക്കുകയും ചെയ്തു ...

" അല്ല ഷാനൂ ... ഇയ്യെങ്ങനാ അറിയാ , ഞാൻ വരണ കാര്യം ...?"

"അതൊരു ടെക്ക്നിക്കാണുമ്മാ ..." അവളെ നോക്കി ചിരിയോടെ അവൻ പറഞ്ഞു കളയും ... അന്നൊക്കെ കുറച്ചു നേരം അതിനെപ്പറ്റി ചിന്തിക്കും ... പിന്നെ എന്തെങ്കിലുമാകട്ടെ എന്നോർത്ത് ജോലികളിൽ മുഴുകും .. പക്ഷേ ഇന്നുവരെ ഷാനുവിന്റെ ആ ടെക്ക്നിക്ക് അവൾക്ക് പിടികിട്ടിയിട്ടില്ല ...

പിൻതിരിഞ്ഞു പോകാനും പോകാതിരിക്കാനും വയ്യാത്ത അവസ്ഥയിലായി ജാസ്മിൻ .  പിന്നെ രണ്ടും കൽപ്പിച്ചു അവൾ അടുക്കളയിലേക്ക് കയറി.

അരിഞ്ഞു വെച്ചതെല്ലാം മറ്റൊരു പാത്രത്തിലേക്കാക്കിയിട്ട് ഷാനു കത്തിയും കയ്യും കഴുകി. അവൻ തിരിഞ്ഞ സമയം തന്നെയാണ് അവൾ അടുക്കളയിലേക്ക്