Chapter Title : ഖൽബിലെ മുല്ലപ്പൂ 8 [കബനീനാഥ്]

ചെയ്തിരുന്നു..

" ന്ന് ജാച്ചൂമ്മാന്റെ കറിക്ക് നല്ല രുസിയാ..." മോളിയതു പറഞ്ഞപ്പോൾ ഷാനു ജാസ്മിന്റെ മുഖത്തേക്ക് നോക്കി ..

" അല്ലേലും ശരിയാ ..." ഷാനു വലതു കൈയ്യിലെ നടുവിരൽ നുണഞ്ഞു കൊണ്ട് പറഞ്ഞു ...

ഉമ്മയുടെ മുഖം ചുവന്നു തുടുക്കുന്നത് ഷാനു കണ്ടു ..

" നല്ല മണോം ... " പാത്രം വടിച്ചു വൃത്തിയാക്കുന്നതിനിടയിൽ അവൻ കൂട്ടിച്ചേർത്തു..

പച്ചയ്ക്ക് തൊലിയുരിഞ്ഞ പോലെ ജാസ്മിൻ മിഴികൾ മാറ്റി നിശബ്ദം ഭക്ഷണം കഴിച്ചു കൊണ്ടിരുന്നു.

ഭക്ഷണ ശേഷം പാത്രങ്ങളുമായി ജാസ്മിൻ അടുക്കളയിലേക്ക് പോയി. ഷാനു പിന്നാലെ എന്തെങ്കിലും പറഞ്ഞു വരുമെന്ന് അവൾ കരുതിയെങ്കിലും ഉണ്ടായില്ല .. അവൾ ലൈറ്റണച്ച് വന്നപ്പോഴേക്കും ഷാനു അവന്റെ റൂമിൽ കയറിയിരുന്നു.. ചെറിയൊരു ഇച്ഛാഭംഗത്തോടെ അവൾ തന്റെ മുറിയിലേക്ക് കയറി, മോളി കട്ടിലിൽ കിടക്കുന്നതവൾ കണ്ടു. എന്തുകൊണ്ടോ വാതിൽ ചാരിയിട്ട് ലോക്ക് ചെയ്യാതെ അവൾ കിടക്കയിലേക്കിരുന്നു ..

അവൻ പിണക്കമാണോ ?

എന്തിന്?

ചിലപ്പോൾ അവനും തെറ്റും ശരിയും മനസ്സിലായിട്ടുണ്ടാകും ... അതായിരിക്കും അവൻ നേരത്തെ റൂമിൽ കയറിയത്..

ഇതാണ് നല്ലത് ... ഇണക്കത്തിലാണു താനും , എന്നാൽ പിണങ്ങുകയും ചെയ്യാം ... ആ ഒരു ആശ്വാസത്തോടെ മോളിയുടെ അടുത്തു കിടന്ന ഫോൺ എടുത്ത് ജാസ്മിൻ ടേബിളിലേക്ക് വെച്ചു. ആ സമയം വാട്സാപ്പ് നോട്ടിഫിക്കേഷൻ ഒന്നിരമ്പി ...

ടേബിളിൽ വെച്ച ഫോൺ എടുത്തുകൊണ്ട് അവൾ കിടക്കയിലേക്ക് ചാഞ്ഞു ..

വാട്സാപ്പ് ലോഗോയിൽ ഷാനുവിന്റെ മെസ്സേജ് ആദ്യം കിടക്കുന്നതവൾ കണ്ടു .. അവളതു തുറന്നു ..

"മോളിക്കു കുറഞ്ഞോ ജാസൂമ്മാ ..."

ഒന്നാലോചിച്ച ശേഷം അവൾ മറുപടി കൊടുത്തു...

"ഉം ... "

അല്പ നേരം കഴിഞ്ഞു അടുത്ത സന്ദേശം വരാൻ ...

" കിടന്നില്ലേ ...? "

" ഉം..." ഓരോ മെസ്സേജ് വരുമ്പോഴും മറുപടി കൊടുക്കുമ്പോഴും അകാരണമായി നെഞ്ചിടിക്കുന്നത് അവൾ അറിയുന്നുണ്ടായിരുന്നു..

"ജാസൂമ്മാ ..."

"ഉം ... "

" ക്ലാസ്സ് അടുത്തയാഴ്ച തുടങ്ങും ... "

ഷാനുവിന് വട്ടാണോ എന്ന് അവൾക്ക് ഒരു നിമിഷം തോന്നി..

"നിക്ക് ഒരു സമാധാനവുമില്ലുമ്മാ .."