Chapter Title : ഖൽബിലെ മുല്ലപ്പൂ 9 [കബനീനാഥ്]

വാപ്പയോട് സംസാരിച്ചു.

അതിനു ശേഷമാണ് ജാസ്മിനും ഷാനുവും കഴിക്കാനിരുന്നത്.

മോളി വീണ്ടും ഡോറയോടൊപ്പം പ്രയാണത്തിലായിരുന്നു.

" അനക്ക് ബൈക്ക് വേണ്ടേന്ന് വാപ്പ ന്നും ചോദിച്ചു..."

" ഇനിയത് വേണ്ടുമ്മാ ..."

കാര്യം ഗൗരവമുള്ളതാണെങ്കിലും വല്ലപ്പോഴും മിഴികൾ കൂട്ടിമുട്ടുന്നതല്ലാതെ മുഖത്തു നോക്കിയല്ല ഇരുവരും സംസാരിക്കുന്നതും മറുപടി പറയുന്നതും.

" അയാളെന്തോ പൈസ കൊടുക്കാനുള്ളത് കൊടുത്തിട്ടില്ലെന്നോ വേറെ എന്തൊക്കെയോ പ്രശ്നമുണ്ടെന്നോ വാപ്പ പറഞ്ഞു. "

" ബൈക്ക് വേണ്ടുമ്മാ , കാശ് കിട്ടുമെങ്കിൽ മേടിച്ച് കടങ്ങൾ കുറയ്ക്കാൻ പറ വാപ്പയോട് ...."

ഷാനുവിന് ഇരുത്തം വന്നതു പോലെ അവൾക്ക് തോന്നി.

ഭക്ഷണം കഴിച്ചു കഴിഞ്ഞപ്പോഴേക്കും മഴ ചാറിത്തുടങ്ങിയിരുന്നു.

പത്തു മിനിറ്റിനുള്ളിൽ മഴ ശക്തിയായിത്തുടങ്ങി.

പ്രത്യേകിച്ചൊന്നും ചെയ്യാനില്ലാത്തതു പോലെ ഷാനു സെറ്റിയിൽ വെറുതെയിരുന്നു.

ഡോറയിൽ മയങ്ങി മോളി സെറ്റിയുടെ ഒരു വശത്തേക്ക് ചരിഞ്ഞു തുടങ്ങിയത് കണ്ടപ്പോൾ ഷാനു എഴുന്നേറ്റു . മോളിയെ എടുത്ത് കിടക്കയിലാക്കിയിട്ട് അവൻ ടി. വി ഓഫാക്കി സെറ്റിയിലിരുന്നു.

പാത്രങ്ങൾ കഴുകി വെക്കുകയായിരുന്ന ജാസ്മിൻ ടി.വി യുടെ ശബ്ദം നിലച്ചതറിഞ്ഞു. കഴുകിയ പാത്രങ്ങൾ അടുക്കി വെച്ച ശേഷം പിൻവശത്തെ വാതിലടച്ച് അവൾ ഹാളിലേക്കു വന്നു. ശക്തമായ മഴയായിരുന്നു പുറത്ത് ... ഇടയ്ക്ക് ജനൽച്ചില്ലുകളിൽ മിന്നലൊളികൾ വന്നണഞ്ഞു പോയി. സെറ്റിയിൽ നിന്ന് ഷാനു മുഖമുയർത്തി നോക്കി..

മഴ ..... മോളി ഉറക്കത്തിലും ... ഷാനു പതിയെ എഴുന്നേറ്റു ..

ടേബിളിലിരുന്ന ഫോൺ എടുത്ത് മുറിയിലേക്ക് പോകാൻ തുനിഞ്ഞ അവളുടെയരികിലേക്ക് അവൻ ചെന്നു. വലതു കൈ , അവളുടെ വലതു കൈയിൽ കോർത്ത് ഷാനു അവളെ തന്നിലേക്ക് ചേർത്തു.

"വാ ...."