Chapter Title : കിച്ചുവിന്റെ ഭാഗ്യജീവിതം 5 [MVarma]

ഞാൻ അമ്മയെ പുറകിലൂടെ കെട്ടിപിടിച്ചിട്ട് കവിളിൽ ഒരുമ്മ കൊടുത്തു.

അമ്മ: എന്താടാ രാവിലെ തന്നെ ഒരു സ്നേഹം?

ഞാൻ: എനിക്കെന്താ എന്റെ അമ്മയെ സ്നേഹിക്കാൻ പാടില്ലേ?

അമ്മ: അല്ല, എനിക്ക് നീ ഇത് പോലൊരു ഉമ്മ തന്നിട്ട് തന്നെ എന്റെ ഓര്മ ശെരിയാണെങ്കിൽ നാല് വര്ഷം ആയി. അത് കൊണ്ട് ചോദിച്ചതാ..

ഞാൻ: ഇനി ഞാൻ ഡെയിലി അമ്മയ്ക്ക് ഉമ്മ തരും..പോരെ രാജിക്കുട്ടി.. ഞാൻ പോയിട്ട് വരട്ടെ..

അമ്മ എന്നെ നോക്കി ചിരിച്ചു കൊണ്ട് നിന്നു. ഞാൻ വണ്ടിയെടുത്തു നേരെ മീനച്ചേച്ചിയുടെ വീട്ടിലെത്തി. ചേച്ചി എന്നെ വെയിറ്റ് ചെയ്തു സിറ്റ്ഔട്ടിൽ തന്നെ ഉണ്ടായിരുന്നു. ഞാൻ നേരെ പോർച്ചിൽ പോയി കാറും എടുത്ത് ചേച്ചിയെയും കയറ്റി നേരെ ഓഫീസിൽ എത്തി. ചേച്ചി പതിവുപോലെ ചേച്ചിയുടെ ക്യാബിനിലും ഞാൻ ഷീബയുടെ ക്യാബിനിലും കയറി. കുറച്ചു കഴിഞ്ഞു ഷീബ വന്നു.

ഞാൻ: ഗുഡ് മോർണിംഗ് മാഡം.

ഷീബ: ഗുഡ് മോർണിംഗ് കിരൺ.

ഞാൻ: എന്തായി മാഡം ജിയകുട്ടിയുടെ ഔട്ടിങ്, എന്തെങ്കിലും തീരുമാനിച്ചോ??

ഷീബ: നാളെ വൈകിട്ട് പോകാം. അമ്മയ്ക്ക് ഇപ്പോൾ കുഴപ്പം ഒന്നും ഇല്ല എന്ന് പറഞ്ഞു. അവളും പോണം എന്നും പറഞ്ഞു വാശി പിടിച്ചു.

ഞാൻ: കുട്ടിയല്ലേ മാഡം, എപ്പോഴും വീട്ടിൽ ഇരിക്കുമ്പോൾ അതിനും ബോർ അടിക്കില്ലേ..എന്നോട് അന്ന് ഹോസ്പിറ്റലിൽ ഇരുന്നപ്പോഴും അതാണ് ജിയ മോൾ പറഞ്ഞത്.

ഷീബ: അവൾ പറഞ്ഞു, അന്ന് ഹോസ്പിറ്റലിൽ വച്ച് കിരൺ അവളെ ഔട്ടിങ്ങിന് കൊണ്ട് പോകാം എന്ന് പറഞ്ഞുവെന്ന്. കിരണിനു ബുദ്ധിമുട്ടാണെങ്കിൽ ഞാൻ അവളെ കൊണ്ട് പൊയ്‌ക്കൊള്ളാം.

ഞാൻ:എനിക്ക് എന്ത് ബുദ്ധിമുട്ട്. അല്ലെങ്കിലും ഞാൻ ജിയമോൾക്ക് കൊടുത്ത വാക്കാണ്.ഞാൻ കാറും ആയിട്ട് ഒരു മൂന്ന് മണിയാവുമ്പോൾ വരാം, പോരെ മാഡം.

ഷീബ: ശെരി കിരൺ.

പിന്നെ ഞാൻ ജോലിയിൽ മുഴുകി. അന്ന് മാഡം ഹാഫ് ഡേ ആയിരുന്നു. ഉച്ചയ്ക്ക് ലഞ്ച് ബ്രേക്കിന് പുള്ളിക്കാരി പിറ്റേ ദിവസം കാണാം എന്നും പറഞ്ഞു പോയി. ഞാൻ പിന്നെ ഒറ്റയ്ക്ക് ആ റൂമിൽ ഇരുന്നു വർക്ക് നോക്കി കൊണ്ടിരുന്നു.

വൈകിട്ട് ഒരു മൂന്നര മണിയായപ്പോൾ മീനചേച്ചി റൂമിൽ വന്നു.