Chapter Title : കിളവൻ കവർന്ന അമൂല്യ നിധി -1

കാട്ടിനുള്ളിലൂടെ ആണ് യാത്ര തടോബാ റിസേർവ്ഡ് ഫോറസ്റ്റ് അതാണ് ആ കാടിന്റെ പേര്. കാട്ടിനുള്ളിൽ കയറുന്നതിനു മുൻപ് തന്നെ ഒരു ഹോട്ടലിൽ നിന്നും ഞങ്ങൾ അത്താഴം കഴിച്ചു. രാത്രി പത്തുമണി കഴിഞ്ഞു കാണും പിന്നെ ഞങ്ങളുടെ കാറിന്റെ ഹെഡ് ലൈറ്റിന്റെ മുന്നോട്ടു നീണ്ടു പോകുന്ന വെളിച്ചത്തിന്റെ തുരങ്കത്തിലൂടെ ഞങ്ങൾ യാത്ര തുടർന്നു. പതിയെ പതിയെ എന്റെ കണ്ണുകൾ അടഞ്ഞു സീറ്റിൽ ചാരികിടന്നു ഞാൻ ഉറക്കമായി. എന്തോ ഒന്ന് പൊട്ടിത്തകരുന്ന ശബ്‌ദം കേട്ടുകൊണ്ട് ഞാൻ ഞെട്ടി ഉണർന്നു നോക്കിയപ്പോൾ അർദ്ധരാത്രി കാട്ടിനുള്ളിൽ ഞങ്ങളുടെ കാർ ബ്രെക് ഡൗൺ ആയിരിക്കുന്നു കൂടാതെ തകർത്തു വാരിപെയ്യുന്ന മഴയും. കാട്ടിനുള്ളിലൂടെ ഉള്ള വഴിയായതു കൊണ്ട് വല്ലപ്പോഴും ഒരു വണ്ടി വന്നാലായി രാത്രി ഇത്രേം വൈകിയ സ്ഥിതിക്ക് ഇനി അതും നോക്കേണ്ട. പുറത്തിറങ്ങി ഞാനും അച്ഛനും കൂടെ കാർ തള്ളി സൈഡിലാക്കി. ദൂരെ ഒരു വെളിച്ചം കണ്ടു അച്ഛൻ പറഞ്ഞു അതാ അവിടെ വെട്ടമുണ്ട് അത് ഒരു പോലീസ് ഔട്ട് പോസ്റ്റ് ആകാനാണ് സാധ്യത നമുക്ക് പോയി നോക്കാം. ആകെ നനഞ്ഞു കുളിച്ചു ഞങ്ങൾ വെളിച്ചത്തിൻറെ അടുത്തെത്തിയപ്പോൾ ആണ് മനസിലായത് അത് ഔട്ട് പോസ്റ്റ് അല്ല ഒരു ചെറിയ വീടാണ് അച്ഛൻ കതകിൽ തട്ടി വിളിച്ചു (ഹിന്ദിയിലുള്ള സംസാരം എല്ലാവരുടെയും സൗകര്യത്തിനായി മലയാളത്തിൽ തന്നെ കൊടുക്കുന്നു) അകത്തു നിന്നും അല്പം ചിലമ്പിച്ച സ്ത്രീ സ്വരം "ആരാ അവിടെ? " എന്നെ പ്രതീക്ഷാ ഭാവത്തിൽ നോക്കിക്കൊണ്ടു അച്ഛൻ മറുപടി കൊടുത്തു "ബുദ്ധിമുട്ടിപ്പിക്കുന്നതിൽ ക്ഷമിക്കണം ഞങ്ങളുടെ കാർ കേടായി ഞങ്ങളെ ഒന്നു സഹായിക്കാമോ? " അൽപനേരം നീണ്ടു