Chapter Title : ?കൊച്ചിൻ കാർണിവൽ [Harry Potter]

തല്ലിയ ആ പെണ്ണ് ഇപ്പോഴും മുൻപിൽ തന്നെ നിൽക്കുന്നുണ്ട്,എന്നാൽ രൂപം വ്യക്തമല്ല. കണ്ണിൽ മുഴുവൻ ഇരുട്ടാണ്..

"ഇനി മേലാൽ ഇമ്മാതിരി വർത്തമാനം പറഞ്ഞു ശല്യം ചെയ്താൽ, ഇടിച്ചു ഒരു സൈഡ് ഞാൻ തകർത്തിക്കളയും " അതും പറഞ്ഞു ആ രൂപം അവിടെ നിന്നും മടങ്ങിപോകുന്നത് ഒരു മിന്നായം പോലെ ഞാൻ കണ്ടു.

വേദന ഒട്ടും സഹിക്കാൻ വയ്യ. ആറടി അടുപ്പിച്ചു പൊക്കമുള്ള എന്നെ എത്ര എളുപ്പത്തിലാണവൾ അടിച്ചു താഴെയിട്ടത്. എങ്ങനെയൊക്കെയോ തറയിൽ നിന്നുമെഴുന്നേറ്റ് അവിടുള്ള സ്ലാബിൽ കയറി ഞാൻ ഇരുന്നു. വയർ പൊത്തി മുഖം മറച്ചു ഞാനിരുന്നു. മെല്ലെ മെല്ലെ എന്റെ കണ്ണുകൾ അടഞ്ഞടഞ്ഞു വന്നു.

"അഭി.. ടാ.. പോകാം.."അനിയണ്ണന്റെ ശബ്ദം കേട്ട്, ഞാൻ തല ഉയർത്തി നോക്കി.

"ങേ.. ഇത് എന്താടാ പറ്റിയത് "എന്റെ ചുണ്ടിന്റെ അറ്റത്ത് ചെറുതായി പൊടിഞ്ഞിരുന്ന ചോര കണ്ട് അണ്ണൻ ചോദിച്ചു.ഞാനും അപ്പോഴാണ് ചോര ശ്രദ്ധിക്കുന്നത്. അവിടെ നടന്ന സംഭവങ്ങളൊക്കെ ഞാൻ അണ്ണനോട് പറഞ്ഞു.

"ഇതെന്താ വെള്ളരിക്ക പട്ടണമോ.. നീ വാ പോലീസ് സ്റ്റേഷനിൽ പോകാം.."കലിപ്പ് മോഡിൽ അനിയണ്ണൻ പറഞ്ഞു.

"ഏയ്.. വേണ്ട…ആളുമാറി സംഭവിച്ചതാവും.

"അതുകൊണ്ട്.. നീ എന്തിനാ കണ്ടവൾമാരുടെ  തല്ല് കൊള്ളുന്നത്..നീ വാ.

"അയ്യോ.. അണ്ണാ…വേണ്ട. നാറ്റ കേസ് ആകും."എങ്ങനെയൊക്കെയോ ഞാൻ അണ്ണനെ സംസാരിച്ചു കൂൾ ആക്കി.

നല്ല വേദനയുണ്ട്, എങ്ങനെയൊക്കെയോ ബൈക്കിൽ കേറി വീട്ടിലെത്തി. രാത്രി കിടക്കാൻ കുറച് വൈകി, വേറൊന്നുമല്ല നല്ല വേദന. മുഖത്ത് കിട്ടിയ പഞ്ച് പിന്നേയും കുഴപ്പം ഇല്ലായിരുന്നു, പക്ഷെ വയറ്റിൽ കിട്ടിയ ചവിട്ട്…ഹമ്മാ ?.

രാവിലെ അനിയണ്ണനാണ് വിളിച്ചുണർത്തിയത്.

"അഭി.. ടാ.. എണീക്ക്..

"മ്മ്.. എന്താ അണ്ണാ…."ഉറക്കച്ചടവോടെ ഞാൻ ചോദിച്ചു.

"നീയിത് നോക്കിയേ…"കയ്യിലിരുന്ന മൊബൈൽ എനിക്കുനേരെ നീട്ടിക്കൊണ്ട് പറഞ്ഞു.

കണ്ണ് തിരുമിയ ശേഷം ഞാൻ മൊബൈൽ വാങ്ങി നോക്കി. ഒരു ന്യൂസ്‌ ലിങ്ക് ആയിരുന്നു. ഓപ്പൺ ചെയ്ത് ന്യൂസ്‌ ഹെഡിങ് വായിച്ചപ്പോൾ തന്നെ ഞാൻ പണി മണത്തു.

"അർധരാത്രി കൊച്ചി നഗരത്തിൽ യുവാവിനെ തല്ലി യുവതി " ?. ഒരു വീഡിയോ ക്ലിപ്പ് കൂടി ന്യൂസിൽ ഉണ്ട്. അവൾ എന്റെ കൂമ്പിനിട്ട് ചവിട്ടുന്നതും, മുഖത്തു