Chapter Title : കൊച്ചിയിലെ കുസൃതികൾ 6 [വെള്ളക്കടലാസ്]

ചോദിച്ചപ്പോൾ തന്നെ അറിയാതെ രോഹിണി ചേചി എന്ന് അവൻ പറഞ്ഞു. "അതാരാ? എന്നോട് പറഞ്ഞിട്ടില്ലല്ലോ,"

എന്ന് ദേവിക ചോദിച്ചപ്പോൾ പണിപാളിയെന്നുതന്നെയാണ് അവൻ കരുതിയത്. എന്തോ ഭാഗ്യത്തിന് അത് പുതിയ സെർവന്റാണ് എന്നൊരു നുണ അപ്പോൾ തന്നെ അവന്റെ നാവിൽ വന്നു. അതുപോലെ അച്ഛന്റെ കമ്പനിയുടെ പേരെന്താണ് എന്ന് ചോദിച്ചപ്പോൾ അവൻ ഒന്ന് പരുങ്ങി. ഒടുവിൽ ശ്രീനിവാസ പ്രൈവറ്റ് ലിമിറ്റഡ് എന്ന് പറഞ്ഞൊപ്പിച്ചപ്പോൾ രക്ഷപ്പെട്ടെന്ന് കരുതിയതാണ്.

അപ്പോൾ അതാ അടുത്ത ചോദ്യം, "ബിസിനസ്സ് ഒക്കെ മൈസൂർ ആണെന്നല്ലേ പറഞ്ഞത്.മൈസൂർ എവിടെയാ? എന്റെ ഒരു കസിൻ അവിടെയുണ്ട്. കോർപ്പറേഷൻ ഓഫീസിൽ.മോഹൻ. ഞാൻ പറയാം ചിലപ്പോൾ അവന് അറിയുന്നുണ്ടാവും."

"അത് പിനെ അങ്കിൾ , ഡാഡി അംഗനെ നേരിറ്റ് ബിസിനസ്സ് കുരവാ. എലാം ബിനാമി ബിസിനസ് ആണ്. സോ... അരിയാൻ ചാൻസ് ഇല. എംഗിലും നാൻ ഡാഡിയോട് പരയാം," എന്നുപറഞ്ഞാണ് അവൻ തടിയെടുത്തത്. പിന്നെയും കുറച്ചുനേരം കൂടി സംസാരിച്ച ശേഷം, "ഒരു ദിവസം നാട്ടിലേക്ക് ഒക്കെ വരൂ. രണ്ടു ദിവസം നിന്ന്, അമ്മയെയും അവളുടെ ബാക്കി ഫ്രൻഡ്സിനെയും ഒക്കെ കണ്ടിട്ട് പോകാം," എന്ന് അവനെ വീട്ടിലേക്ക് ക്ഷണിച്ചിട്ടാണ് അന്ന് വേണു പോയത്. അതിനു ശേഷമുള്ള ഒരാഴ്ച അജിത്തിന് ഉറക്കം നഷ്ടപ്പെട്ടു എന്നുപറഞ്ഞാൽ മതി. എന്തിനാവും അവൾ അച്ഛനെ പരിചയപ്പെടുത്തിയത്,

എന്തിനാണ് അയാൾ എന്നോട് ആ ചോദ്യങ്ങളൊക്കെ ചോദിച്ചത്? എന്തിനാണ് വീട്ടിലേക്ക് ക്ഷണിച്ചത്? അവൾക്ക് എന്നെ സംശയമായികാണുമോ? അയാൾ അയാളുടെ കസിനെ വെച്ച് അന്വേഷിച്ചു കാണുമോ? എല്ലാം മനസ്സിലായിക്കാണുമോ? വീട്ടിലേക്ക് വിളിച്ചത് അവിടെ വെച്ച് പിടിച്ചു പോലീസിൽ കൊടുക്കാൻ ആവുമോ? അതിനുള്ള തെറ്റൊക്കെ ഞാൻ ചെയ്തോ?

ഇനി എന്റെ പഠിത്തം എന്താകും? അവന് അലോചിയ്ക്കുംതോറും എത്തും പിടിയും കിട്ടിയില്ല. ആ ആഴ്ച അവൻ അവൾക്ക് മുഖം കൊടുക്കാതെ ഇരിക്കാൻ നോക്കി. അവന്റെ സംശയം ബലപ്പെടുത്തിക്കൊണ്ട് അവളും അവനെ അധികം മൈൻഡ് ചെയ്തില്ല. ഒടുവിൽ വെള്ളിയാഴ്ചയായി. അവൻ പിടിക്കപ്പെട്ടു എന്ന് ഏതാണ്ട് ഉറപ്പിച്ചു. ഒരു പക്ഷേ അവളുടെ കാലുപിടിച്ചു മാപ്പ് പറഞ്ഞാൽ ഇതൊരു പ്രശ്നമാക്കാതെ വെറുതെ വിടുമായിരിക്കും.

അവളെ നഷ്ടപ്പെട്ടാലും ജീവിതം നഷ്ടപ്പെടില്ല. അവനോർത്തു. അവൻ