Chapter Title : കൊച്ചിയിലെ കുസൃതികൾ 6 [വെള്ളക്കടലാസ്]

അങ്ങനെ തീരുമാനിച്ചുകൊണ്ട് വൈകുന്നേരം ഹോസ്റ്റലിലേക്കുള്ള വഴിയരികിൽ അവളെ തടഞ്ഞുനിർത്തി. അവളും ഗൗരവത്തിലായിരുന്നു. "എന്തുവേണം അവൾ ചോദിച്ചു?"

"യെനിക് ഒരു കാര്യം പറയാനുന്റ്?" അവൻ പതിഞ്ഞ സ്വരത്തിൽ പറഞ്ഞു.

"എന്തായാലും എനിക്ക് ഇന്ന് കേൾക്കാൻ സമയമില്ല, " അവൾ അപ്പോഴും അവന് മുഖം കൊടുത്തില്ല.

"പ്ലീസ്. ഒരു ഇമ്പോർട്ടന്റ് കാര്യമാ," അവൻ തലതാഴ്ത്തി.

"പുതിയ സിനിമ റിലീസ് ആയിട്ടുണ്ട്. എന്ത് കാര്യമായാലും നാളെ അത് കണ്ടിട്ട് പറഞ്ഞാൽ മതി," അത്രയും പറഞ്ഞിട്ട് അവൾ ഹോസ്റ്റലിലേക്ക് നടന്നുനീങ്ങി. അവൻ എന്തു പരായണമെന്നറിയാതെ നിന്നു. എന്തായാലും എല്ലാം അവസാനിപ്പിക്കാൻ പോകുകയാണ്, അത് അവളോടൊപ്പം ഒരു ഔട്ടിങ് കൂടി കഴിഞ്ഞിട്ടാണെങ്കിൽ അത്രയും നല്ലത് അവളോർത്തു. അതുകൊണ്ടുതന്നെ ശനിയാഴ്ച സിനിമ കണ്ട് ഭക്ഷണം കഴിച്ചു തീരുന്നത്‌ വരെ അവൻ അതിനെപ്പറ്റി ഒരക്ഷരം മിണ്ടിയില്ല. അവൾ ഒന്നും ചോദിച്ചുമില്ല.

പക്ഷേ അവന്റെ മനസ്സ് കലങ്ങിമറിയുകയായിരുന്നു. അതുകൊണ്ടുതന്നെ തിരികെ ബസ്സിൽ കയറും മുൻപ് അവൻ അവളോട് പറഞ്ഞു, "യെനിക് ഒരു കാര്യം പരയാൻ..." അവൻ പറഞ്ഞു തീരും മുന്നേ അവൾ വീണ്ടും ഇടപെട്ടു. "നീ ഒന്നും പറയേണ്ട. എനിക്ക് നിന്നോട് ആദ്യം ചിലത് പറയാൻ ഉണ്ട്. ആദ്യം കോളേജിൽ എത്തട്ടെ. "

അതുകേട്ടതോടെ അവൾ മുഴുവനായും തകർന്നു. അവൾക്ക് എല്ലാം മനസ്സിലായി എന്ന് ഉറപ്പായിരിക്കുന്നു. അവൻ അവളോടൊപ്പം യാന്ത്രികമായി ബസ്സിൽ കയറി സീറ്റിലിരുന്നു. അവന് ഒന്നും മിണ്ടാൻ ഇല്ലായിരുന്നു. കോളേജിൽ കൊണ്ടുപോയി നാണം കെടുത്താൻ ആണ്, അവൻ ഉറപ്പിച്ചു. ബസ് ഓരോ സ്റ്റോപ്പ് പിന്നിട്ട് കോളേജിനോട് അടുക്കും തോറും അവന്റെ ഹൃദയമിടിപ്പ് കൂടിക്കൂടി വന്നു. അത് പൊട്ടിത്തെറിക്കും എന്നായി.

പെട്ടെന്ന് അവൾ തിരിഞ്ഞ് അടുത്തിരുന്ന അവനോട് ചെവിയിൽ ചോദിച്ചു, "ഡു യൂ ലവ് മി?" ആ ചോദ്യം അവന്റെ നെഞ്ചിലാണ് തറച്ചത്. ഒരു നിമിഷം അവന്റെ ശ്വാസം നിലച്ചതുപോലെ അവന് തോന്നി. ഇതൊരു പരീക്ഷണമാവും അവൻ കരുതി. പക്ഷെ അവൻ ഇത്രയും ദിവസം മനസ്സിൽ കൊണ്ടുനടന്ന സുന്ദരിയാണ് ചോദിക്കുന്നത്. അവന് സത്യം പറയാതെ ഇരിക്കാൻ പറ്റുമായിരുന്നില്ല. അവൻ സർവ്വ ശക്തിയും സമാഹരിച്ച ശേഷം അവളുടെ ചെവിയിൽ പറഞ്ഞു ,