Chapter Title : കൊച്ചിയിലെ കുസൃതികൾ 7 [വെള്ളക്കടലാസ്]

"നിങ്ങൾ വന്നിട്ട് അധികനേരമായോ? " അവർ ഗണേഷിന്റെ മുഖത്ത് നോക്കി ചോദിച്ചു.

"ഹെന്റെ ഗീതേ.. നീയിതെവിടെയായിരുന്നു, ഞങ്ങൾ ഇതെത്ര നേരമായി," ഗണേഷ് പരാതി പറഞ്ഞു.

"എന്തു പറയാനാ ഗണേശാ, നിനക്കറിയാമല്ലോ വീട്ടിലെ കാര്യങ്ങൾ. എല്ലാത്തിനും ഞാൻ തന്നെ വേണ്ടേ? അവിടെ ഒരു മനുഷ്യനെക്കൊണ്ട് കാര്യം വല്ലതുമുണ്ടോ? നിങ്ങൾ വരുന്നില്ലെന്ന് കണ്ട് ആ ഗ്യാപ്പിൽ കുളി തീർത്തേക്കാം എന്നുകരുതി ഞാൻ കുളത്തിലൊന്നു മുങ്ങാൻ പോയപ്പോഴാണ് നിന്റെ വിളി.

എന്നാൽ ആ മനുഷ്യന് ആ ഫോണ് ഒന്നു കൊണ്ടുവന്നുതരാൻ ഉള്ള ബുദ്ധി തോന്നണ്ടേ, ഇല്ല. അവസാനം എല്ലാം കഴിഞ്ഞുവന്ന് ഫോണ് നോക്കിയപ്പോഴാണ് നിന്റെ മിസ് കോളും മെസ്സേജും കണ്ടത്. തിരിച്ചു വിളിക്കുമ്പോ കോൾ കണക്റ്റ് ആവുന്നില്ല."

"ആ എന്റെ ഫോണ് ചാർജ് തീർന്നു. അതാ," ഗണേഷ് പറഞ്ഞു.

"ഓ അപ്പോൾ ഇതാണല്ലേ ഗീത, അജിത് സൂക്ഷിച്ചു നോക്കി. അല്പം തടിച്ചുവെളുത്ത് ഉയരം കുറഞ്ഞ്, വട്ടമുഖവും, വലിയ കണ്ണും, വലിയ മൂക്കും, വലിയ നെറ്റിയും, വലിയ ചുണ്ടും, കവിളുമായി ഒരു ആന്റി. ചുരുക്കിപ്പറഞ്ഞാൽ ഗാനഗന്ധർവ്വൻ പടത്തിലെ സ്‌കൂൾ പ്രിൻസിപ്പലിനെപോലെ ഒരു നാടൻ തറവാടി ആന്റി.

"എന്താണ് ഇതു പോരെ അമ്മ?" അജിത്തിന്റെ നോട്ടം കണ്ടിട്ട് ഗണേഷ് അജിത്തിനോട് ചോദിച്ചു.

"മതി," അവനൊന്ന് ചമ്മിയ ചിരിചിരിച്ചു.

"ഞാൻ പറഞ്ഞില്ലേ ഇവളെ നിനക്ക് ബോധിക്കുമെന്ന്," അയാൾ ഗീതയ്ക്ക് നേരെ തിരിഞ്ഞിട്ടിങ്ങനെ പറഞ്ഞു, "എടീ ഗീതേ, ഇതാണ് ഞാൻ പറഞ്ഞ നിന്റെ മോൻ. ഇത് നിന്റെ അമ്മ.... അല്ലാ വാടകയമ്മ," അയാൾ പൊട്ടിച്ചിരിച്ചു. അവർ അജിത്തിനുനേരെ കൈനീട്ടിക്കൊണ്ട് പറഞ്ഞു, "ഹലോ," അവനും അവർക്ക് നേരെ കൈ