Chapter Title : കൊച്ചിയിലെ കുസൃതികൾ 9 [വെള്ളക്കടലാസ്]

എങ്കിലും ഉപകാരപ്പെടട്ടെ. എന്തായാലും ആ ദീപുവില്‍ എനിക്കൊരു പ്രതീക്ഷയുമില്ല," രജനി കളിയാക്കി.

"എടീ നിനക്ക് ഈ ഒരു വിചാരമേ ഉള്ളോ? ആഭാസ," അതുപറഞ്ഞുകൊണ്ട് നിമ്മി ജനാലക്കല്‍ പോയി പുറത്തേക്ക് നോക്കി നിന്നു.

ഏതാണ്ട് ഒരു അരമണിക്കൂറിന് ശേഷം ഐഷു വാതിൽ തുറക്കുമ്പോഴേക്കും രജനിയും നിമ്മിയും താഴെ പാർക്കിങ്ങിലേക്ക് എത്തിയിരുന്നു. ഫ്‌ളാറ്റ് പൂട്ടി പാർക്കിങ്ങിലെത്തിയ ഐഷു കാർ തുറക്കേണ്ട താമസം നിമ്മി മുൻ സീറ്റിലും, രജനി പിൻ സീറ്റിലും ചാടിക്കയറി.
വണ്ടിയെടുക്കും മുന്നേ ഐശ്വര്യയുടെ ഫോണിൽ ഒരു കോൾ വന്നു, "വിനീത് ഓഫീസ് കോളിംഗ്". "ശെടാ ഇറങ്ങാൻ നേരത്ത് ഇതാരാ?" രജനി പരിതപിച്ചു.

"ഒരു മിനിറ്റ്, " ഐശ്വര്യ ഫോൺ കൈയ്യിലെടുത്ത ശേഷം പുറത്തിറങ്ങി.

ഒരു രണ്ടുമിനിറ്റിന് ശേഷം കോൾ കട്ട് ചെയ്ത് തിരികെ കാറിൽ കയറുമ്പോൾ ഐശ്വര്യയുടെ മുഖം നല്ല ഗൗരവത്തിലായിരുന്നു.

"എന്താടി എന്തുപറ്റി?" രജനി ചോദിച്ചു.

"ഓ ഒന്നുമില്ല, ഓഫീസിൽ നിന്നാ വർക്ക് കോൾ"

"ഈ ശനിയാഴ്ചയും ഓഫീസ്?"

"ഹാ എന്തുചെയ്യാനാ. ഒരു പണി ഏൽപ്പിച്ചാൽ ഉത്തരവാദിത്വത്തോടെ ചെയ്യാൻ കഴിവില്ലാത്തവർ ആണ് കൂടെ."

"അപ്പൊ പ്ലാൻ ഡ്രോപ്പ് ആയോ?"

"ഹേയ് ഡോണ്ട് ബോതർ. ഞാൻ ഒഴിവാക്കി വിട്ടിട്ടുണ്ട്"

"അയ്യട ഇതു ചുമ്മാ നമ്പർ, ഇവൾക്ക് കുറേ പണിയുണ്ടെന്ന് നമ്മളെ കാണിക്കാൻ. നമ്മൾ രണ്ടും ഹൗസ് വൈഫ് ആണല്ലോ. മിക്കവാറും ഇവൾക്ക് ഓഫീസിൽ കുറെ ഫാൻ ബോയ്സ് ഉണ്ട്. ഇത് അതിൽ ആരെങ്കിലുമാകും. നമ്മൾ അറിയാതിരിക്കാൻ ചുമ്മാ പെട്ടെന്ന് ഗൗരവം."

"ഹേയ്, രജനി. ഡോണ്ട് ടീസ് ഹെർ. അവളെ കണ്ടാൽ അറിയില്ലേ ഡിസ്റ്റർബ്ഡ് ആണെന്ന്," നിർമല പറഞ്ഞു.