Chapter Title : KOK 3 [Malini Krishnan]

ജിനുവിന് പുറകിൽ നിന്നും പിടിച്ചു, ശേഷം അവന്റെ പോക്കറ്റിൽ ടോണി തപ്പാൻ തുടങ്ങി.

"പിന്നെ എന്താടാ നിന്റെ മുറ്റത് കൃഷി ഇറക്കാൻ ഉള്ള വിത് ആണോ... ഇവനെ കൊണ്ടുപോയി ജീപ്പിൽ കേറ്റ്" പോക്കറ്റിൽ നിന്നും കിട്ടിയ കഞ്ചാവിന്റെ പാക്ക് എടുത്ത് പൊക്കിയ ശേഷം ടോണി ചോദിച്ചു. സങ്കടവും ഞെട്ടലും വഞ്ചിക്കപെട്ടവളുടെ ഭാവവും ഒരുമിച്ച് മുഖത് വന്ന അനിഖ അവനെ നോക്കി നിന്നു.

"അനിഖ ഇതൊന്നും വിശ്വസിക്കരുത്, ഇതെല്ലാം ട്രാപ് ആണ്" പോകുന്ന വഴിക്ക് ജിനു പറഞ്ഞു. അവളെ തല താഴ്ത്തി ടോണിയുടെ മുന്നിൽ തന്നെ നിന്നു.

"പ്രേമിക്കുമ്പോ നല്ല വല്ലവരെയും പ്രേമിച്ചൂടെ അനിഖേ, അതും നാട്ടിൽ നല്ല നല്ല ആൾകാർ ഉള്ളപ്പോ. എത്ര പെണ്ണുങ്ങളെ ആണ് ഇവൻ..." പറഞ്ഞ് മുഴുവിപ്പിക്കാതെ ടോണി അവിടെ നിന്നും ഇറങ്ങി.

അന്നേ ദിവസം രാത്രി അനിഖ തന്റെ വീട്ടിൽ വളരെ വിഷമിച്ച് ഇരിക്കുകയായിരുന്നു. അവളെ ആശ്വാസപ്പെടുത്താൻ ഇന്ന് അവളുടെ അമ്മ കൂടെ ഇല്ല, അതുകൊണ്ട് തന്നെ ഐശ്വര്യയെയും സിസ്റ്റർ നിഷയും അവിടെ വന്നിരുന്നു.

ജിനു ഒരു ഡ്രഗ് ഡീലർ ആയിരുന്നു എന്നും അവൻ അവളുടെ ജീവിതത്തിൽ നിന്നും പോയതും എല്ലാം നല്ലതാണ് എന്നും എല്ലാം മറന്ന് പഴയത് പോലെ സന്തോഷമായിട്ട് ജീവിക്കണം എന്നും നിഷയും ഐഷുവും അവളെ ഉപദേശിച്ചു.

തന്റെ മക്കൾ എന്തൊക്കെ ആണ് ചെയുന്നത് എന്ന് അറിയുന്നില്ലലോ എന്നും ഓർത്ത്, അവൾക്ക് നല്ല വഴി കാണിച്ചു കൊടുക്കാൻ തനിക്ക് പറ്റിയില്ല എന്നും ഓർത്ത് രവി അവിടെ നിന്ന് കരയുകയായിരുന്നു. അനിഖ വേഗം തന്നെ ഓടി പോയി അയാളെ കെട്ടിപിടിച്ചു മാപ്പ് പറഞ്ഞു.

"മോൾ എന്തായാലും ഒന്ന് സൂക്ഷിക്കണം. അവൻ ഇനിയും വരും, ഇനിയും കള്ളത്തരങ്ങൾ പറയും" സിസ്റ്റർ നിഷ പറഞ്ഞു. സിസ്റ്റർ അത് പറഞ്ഞ് തീർന്നതും പുറത്തൊരു ബൈക്ക് വന്ന് നിൽക്കുന്ന ഒച്ച കേട്ടു.

"അനിഖ... അനിഖ... ഇറങ്ങി വാ, എനിക്ക് നിന്നോട് സംസാരിക്കണം" ഗേറ്റും തുറന്ന് ഉള്ളിലേക്ക് കേറിയ ജിനു ആവിശ്യപെട്ടു. എന്ത് വന്നാലും നേരിടാൻ തയാറായി രവി വീടിന് പുറത്തേക്ക് ഇറങ്ങി വന്നു. വീടിന് ഉള്ളിലേക്ക് ഇടിച്ച് കേറാൻ വന്ന ജിനുവിന്റെ കോളറിൽ പിടിച്ച് അവനെ രവി അടിച്ച് താഴെ ഇട്ടു.

"ഹേയ് ഓൾഡ് മാൻ, വി ആർ ഇൻ ലൗ. അനിഖ എനിക്ക് നിന്നോട് സംസാരിക്കണം" ജിനു പറഞ്ഞു.

"എനിക്ക് ഒന്നും നിൽക്കണ്ട. പ്ളീസ് എന്നെ വെറുതെ വിട്ടേക്ക്" എന്നും