Chapter Title : കോകില മിസ്സ് 5 [കമൽ]

നടന്നു നീങ്ങിയ കോകിലയോടൊപ്പമെത്താൻ. വിദ്യാ മിസ്സ്‌ അവളുടെ കൂടെയുണ്ടായിരുന്നു എന്നത് ജിതിൻ ഗൗനിച്ചില്ല. “എന്താ മിസ്സെ, ഇന്ന് ധൃതിയിലാണല്ലോ?” “ആ, ജിത്തൂ ഇന്ന് ഒരിടം വരെ പോകാനുണ്ട്. അതു കഴിഞ്ഞ് ഹോസ്റ്റലിൽ ചെല്ലാൻ ലേറ്റ് ആവും. ഞങ്ങള് നടക്കട്ടെ, നീ ചെല്ല്‌.” വിദ്യാ മിസ്സ് മറുപടി കൊടുത്തു. അവൻ നടത്തത്തിന്റെ വേഗം കുറച്ചു. പതിയെ നടന്ന് നടന്ന് അവൻ നിശ്ചലനായി നിന്നു. വിദ്യയും കോകിലയും പുറത്തെ കവാടത്തിലൂടെ ധൃതിയിൽ നടന്നു നീങ്ങുന്നത് അവൻ നോക്കി നിന്നു. ക്ലാസ് കഴിഞ്ഞു പോവുന്ന മാറ്റ് കുട്ടികൾ അവന്റെ കണ്ണിൽ പെട്ടതേയില്ല. ആൾക്കൂട്ടത്തിൽ അവൻ തനിച്ചയത് പോലെ തോന്നി. അവൻ നിർവികരനായി മുൻപോട്ട് നടന്നു. തന്റെ മനസ്സിലുള്ളത് പ്രകൃതിവിരുദ്ധമായ എന്തോ ഒന്നായി കണ്ട് വിദ്യാ മിസ്സ് തന്നെ വിലക്കിയത് അവന് മനസ്സിലാവും. അവൾ തനിക്ക് പ്രതീക്ഷകൾ നൽകിയിട്ടില്ല. എന്നാൽ കോകില.... അവൾ തന്നെ ഗൗനിച്ചില്ലെങ്കിലും, മിണ്ടിയില്ലെങ്കിലും മനസ്സിലാക്കാമായിരുന്നു. എന്നാൽ തന്നെ ഒഴിവാക്കാൻ ശ്രമിച്ചത്, ബുദ്ധി വിദ്യയുടെ ആണെങ്കിലും, അതിന് കൂട്ട് നിന്നത്, തന്റെ അവസാന പ്രതീക്ഷയും മനസ്സിൽ പടംതിരി കത്തി അണയാനൊരുങ്ങുന്നത് അവനറിഞ്ഞു. ഉള്ളിൽ നിന്നും ഉയർന്നു വന്ന ഏങ്ങൽ പുറത്തുവരാതിരിക്കാൻ അവൻ കഷ്ടപ്പെട്ടു.