കോകില മിസ്സ് 9 [കമൽ]

കോകില മിസ്സ് 9
Kokila Miss Part 9 | Author : Kamal | Previous Parts
മൂന്ന് ദിനങ്ങൾ..., മൂന്ന് ദിനങ്ങൾ കടന്നു പോയത് പെട്ടെന്നാണ്. ഇതിനിടയിൽ അധികമൊന്നുമില്ലെങ്കിലും കുറച്ചൊക്കെ സംഭവിച്ചു. ഫൈസൽ പഴയത് പോലെ തന്നെ അവനോട് മിണ്ടാതെ, അവനിൽ നിന്നും മുഖം തിരിച്ച്, ജിതിന്റെ മുന്നിൽ നിന്നും ഒഴിഞ്ഞു മാറി നടന്നു. സാരമില്ല. അവനിൽ മാറ്റങ്ങൾ കണ്ടു തുടങ്ങുന്നത് നല്ലതാണ് എന്ന് ജിതിൻ കരുതി. അത് അവന്റെ നല്ലതിന് വേണ്ടിയാണോ എന്ന് തീരുമാനിക്കാനുള്ള അവകാശവും സ്വാതന്ത്ര്യവും അവന്റേതാണ്. കഴിഞ്ഞ ദിവസം അന്നയോടൊപ്പം സ്കൂൾ വിട്ട് നടന്നു പോകുന്നത് ജിത്തു കണ്ടു. അന്ന സന്തോഷവതിയായിരുന്നു. അവളുടെ മുഖവും ചിരിയും പെരുമാറ്റവും കണ്ടാലറിയാം. ഒരിക്കൽ കൂടി തമ്മിൽ കാണുവാനും ഒരുമിച്ചു സമയം ചിലവഴിക്കാനും ഒരു തവണ റീനാ മിസ്സ് അവനോട് ആഗ്രഹമറിയിച്ചു. അവൻ ആ ക്ഷണം സ്നേഹപൂർവ്വം നിരസിച്ചു. തന്നിലും പ്രായവും പക്വതയുമുള്ള റീനാ മിസ്സിനോട് അതിനുള്ള കാരണം പറഞ്ഞു ബുദ്ധിമുട്ടേണ്ടി വന്നില്ല ജിത്തുവിന്. അവന്റെ മറുപടിക്കുള്ള സ്നേഹസമ്മാനമായി അവർ അവന്റെ കവിളിൽ ഒരു മുത്തം നൽകി, അവന്റെ കവിളിൽ തലോടി ചിരിച്ചു കൊണ്ട് പിന്തിരിഞ്ഞു നടന്നു പോയി. കോകിലയുമായി ജിതിൻ വീണ്ടും പഴയത് പോലെ ചിരിച്ചു കളിച്ചു പെരുമാറാൻ ശ്രമിച്ചു. തന്റെ ക്ലാസ് തുടങ്ങുന്ന സമയത്ത് അവൾ വീണ്ടും റോസാപ്പൂക്കൾ കണ്ടു തുടങ്ങി. അവന്റെ കുസൃതികളും തമാശകളും ഏറെ പ്രതീക്ഷിക്കുകയും ഇഷ്ടപ്പെടു