Chapter Title : കോമിക് ബോയ് 6 [Fang leng]

പീറ്റർ :എന്റെ പള്ളി എനിക്കിതൊന്നും കേൾക്കാൻ വയ്യേ

പീറ്റർ വേഗം റൂം അടച്ച് പുറത്തേക്കിറങ്ങി

രാത്രി ജൂലിയുടെ വീട്

ജൂലി റൂമിൽ നിന്ന് പതിയെ ഹാളിലേക്കെത്തി

പീറ്റർ :എന്താ മിസ്സ്‌ ജൂലി ഈ കാണിക്കുന്നത് വല്ലതും വേണമെങ്കിൽ എന്നോട് പറഞ്ഞാൽ പോരെ എന്തിനാ എഴുന്നേറ്റു വന്നത്

ജൂലി :എനിക്കിപ്പോൾ ഒരു കുഴപ്പവുമില്ല ഇനി ആ റൂമിലിരുന്നാൽ എനിക്ക് വട്ടുപിടിക്കും

അതും പറഞ്ഞു ജൂലി സോഫയിലേക്കിരുന്നു

പീറ്റർ :എന്നാൽ ശെരി ഞാൻ പോയി കഴിക്കാൻ കഞ്ഞി എടുക്കാം

ജൂലി :കഞ്ഞി കഞ്ഞി കഞ്ഞി നിനക്ക് വേറൊന്നും പറയാനില്ലേ രാവിലെയും ഉച്ചക്കും കഞ്ഞി കഴിച്ചു ഞാൻ മടുത്തു ഞാൻ വേണമെങ്കിൽ പട്ടിണി കിടന്നോളാം എന്നാലും കഞ്ഞി വേണ്ട

പീറ്റർ ജൂലിയെ തന്നെ മിഴിച്ചു നോക്കാൻ തുടങ്ങി

ജൂലി :നീ എന്താ ഇങ്ങനെ നോക്കുന്നേ

പീറ്റർ :അല്ല കുറച്ച് മുൻപ് വരെ അവശതയിൽ കിടന്ന ആളാണോ ഇതെന്ന് നോക്കിയതാ എന്റെ കഞ്ഞിയുടെ പവർ അപാരം തന്നെ

ജൂലി :നിർത്തി പീറ്റർ ഓവറാക്കണ്ട

പീറ്റർ :എനിക്ക് ഒരു തമാശ പറയാനും പാടില്ലേ മിസ്സ്‌ ജൂലി ഇവിടെ ഇരിക്ക് ഞാൻ പോയി വേറെന്തെങ്കിലും ഉണ്ടാക്കിയിട്ട് വരാം

പീറ്റർ കിച്ചണിലേക്ക് പോകാനോരുങ്ങി

ടിങ്.. ടോങ് പെട്ടെന്നാണ് കാളിങ് ബെൽ അടിച്ചത്

ജൂലി :ഇതിപ്പോൾ ആരാണാവോ

പീറ്റർ :മിസ്സ്‌ ജൂലി അവിടെ ഇരുന്നോ ഞാൻ പോയി നോക്കാം

പീറ്റർ വേഗം വീടിന്റെ വാതിൽ തുറന്നു റോസ് ആയിരുന്നു അത്

റോസ് :നീയോ ജൂലി എവിടെ

പീറ്റർ :അത് പിന്നെ മിസ്സ്‌ ജൂലി

റോസ് :മിസ്സ്‌ ജൂലിയോ

പീറ്റർ :അല്ല ജൂലിക്ക് നല്ല സുഖമില്ല

റോസ് :അവൾക്കെന്താ പറ്റിയത്

റോസ് വേഗം വീടിനുള്ളിലേക്ക് കയറി

ജൂലി :എടി നീ ആയിരുന്നോ

റോസ് :നിനക്കെന്തൊ ജൂലി സുഖമില്ലേ

ജൂലി :ഹേയ് ഒന്നുമില്ല ചെറിയൊരു പനി ഇപ്പോൾ കുറഞ്ഞു അല്ല നീ ഇതെങ്ങനെ അറിഞ്ഞു

റോസ് :ഞാൻ ഇതറിഞ്ഞിട്ടൊന്നും വന്നതല്ല നീ കോളേജിൽ വന്നിട്ട് രണ്ട് ദിവസമായില്ലേ അതുകൊണ്ട് എന്താ കാര്യമെന്ന് നോക്കാൻ വന്നതാ

ജൂലി :സുഖമില്ലാത്തത് കൊണ്ടാടി വരാത്തത് ഞാൻ ഇല്ലാത്തപ്പോൾ കോളേജിൽ വല്ല വിശേഷവും ഉണ്ടായോ

റോസ് :അങ്ങനെ വലിയ വിശേഷമൊന്നുമില്ല കുറച്ച് ക്ലാസുകൾ ഉണ്ടായിരുന്നു അത്ര തന്നെ അതിരിക്കട്ടെ ഈ പീറ്റർ ഇവിടെ സ്ഥിര താമസമാക്കിയോ

ജൂലി :ഹേയ് ഇല്ല ഇവൻ എനിക്ക് സുഖമില്ലാത്തതറിഞ്ഞ് ഇന്ന്‌ വന്നതാ

റോസ് :ഹോ അങ്ങനെയാണല്ലേ