കൂടുമ്പോൾ ഇമ്പം 1 [Irul Mashi]

പരാതിയുമില്ല…” സ്വാതി മുഖം വീർപ്പിച്ച് കൊണ്ട് പറഞ്ഞു.

“എന്റെ കൊച്ചിന് എന്നോടു സ്നേഹം ഉള്ളത് കൊണ്ട് ഞാനും ഇത്തി സ്നേഹം കൂടുതൽ കാണിക്കും, അല്ലേലും നിന്നെ ഒക്കെ കെട്ടിച്ചു വിട്ടാൽ പിന്നെ എന്നെ നോക്കാൻ എന്റെ ചെറുക്കൻ അല്ലേ ഉള്ളൂ… നീയും നിന്റെ തന്തേം ഒക്കെ കണക്കാ…” ലത പറഞ്ഞു നിർത്തി.

സാധാരണ നാട്ടിൻപുറങ്ങളിലെ വീടുകളിലെ പോലെ തന്നെ ഒരു മകനും മകളും ഉള്ളയിടത്ത് മകനോട് അല്പം സ്നേഹം കൂടുതൽ തന്നെയായിരുന്നു അവിടെയും. അതൊക്കെ കാണുമ്പോൾ സ്വാതിക്ക് ഇടക്ക് നല്ല ദേഷ്യം വരും എന്നാലും ഒന്നും മിണ്ടാതെ ഇരിക്കാനേ നിവർത്തി ഉള്ളൂ, അല്ലെങ്കിൽ വല്ലതും പറഞ്ഞ് തർക്കം തുടങ്ങിയാൽ ചെവി കേൾക്കാൻ പറ്റില്ല.

“എടീ, നീ അച്ഛനെ വിളിച്ചാണ്, അച്ഛൻ ഇന്ന് വരും, വരുമ്പോൾ വല്ല മലക്കറി എങ്ങാനും വാങ്ങിച്ചോണ്ട് വരാൻ പറ.” കഴിച്ച് കഴിഞ്ഞ് പാത്രം കഴുകുന്നതിനിടയിൽ ലത പറഞ്ഞു.

“ഓ എനിക്ക് വയ്യാ… എന്തായാലും നല്ല പൂസിൽ ആയിരിക്കും വരുന്നത്, പറഞ്ഞയുടനെ വാങ്ങിച്ചോണ്ട് വരാൻ… നിങ്ങൾ ഉണ്ണികുട്ടനെ വിളിച്ചിട്ട് പൈസ അയച്ച് തരാൻ പറ, നാളെ ഞാൻ പോയിട്ട് വരുമ്പോൾ എങ്ങാനും വാങ്ങിച്ചോണ്ട് വരാം.” സ്വാതി അമ്മയോട് പറഞ്ഞിട്ട് മുറിയിലേക്ക് കേറി പോയി.

“അല്ലെങ്കിലും പിള്ളേർക്ക് തന്തയേം തള്ളയേം നല്ല ബഹുമാനം ആണല്ലോ… ഇതിനെയൊക്കെ തീറ്റി കൊടുക്കുന്ന നമ്മളെ പറഞ്ഞാൽ മതി.” ലത സ്വയം പറഞ്ഞു കൊണ്ട് അടുക്കളയിൽ രാത്രിയിൽ എന്ത് ഉണ്ടാക്കും എന്ന് ആലോചിച്ചു കൊണ്ടിരുന്നു.

സന്ധ്യക്ക്‌ ജംഗ്ഷനിലെ പള്ളിയിൽ നിന്നുള്ള ബാങ്ക് വിളി കേട്ട് സ്വാതി ഉറക്കത്തിൽ നിന്ന് ഉണർന്നു, ജനലിൽ വെച്ചിരുന്ന ഫോൺ എടുക്കാൻ നോക്കിയതും അച്ഛൻ റോഡിലൂടെ നടന്ന് വരുന്നത് കണ്ടു.

“അമ്മേ ദോ അച്ഛൻ വരുന്നുണ്ട്, വലിയ ആട്ടം ഒന്നും ഇല്ലാ…” അവൾ മുറിയിൽ കിടന്ന് കൊണ്ട് വിളിച്ചു പറഞ്ഞു.

ലത പതിയെ നടന്നു സിറ്റൗട്ടിലേക്ക് വന്നു ഇടുപ്പിൽ ചെരുവി വെച്ചിരുന്ന നൈറ്റി പിടിച്ചു താഴ്ത്തിയിട്ട് സ്വന്തം കെട്ടിയവനെ ചെറുപുഞ്ചിരിയോടെ സ്വീകരിച്ചു.

“വിളക്കൊന്നും വെച്ചില്ലേടീ…?” മണി ലതയോടു ചോദിച്ചു.

“ഇല്ലണ്ണാ… ആ പെണ്ണ് കിടന്ന് ഉറങ്ങിയെന്നു തോന്നുന്നു. ഇപ്പോഴെങ്ങാണ്ടേ എണീച്ചേ ഉള്ളൂ…” ലത മണിയോട് പറഞ്ഞു.

“ഉം… ചെറുക്കൻ വന്നാ…?” ചെരുപ്പ് ഊരി അകത്തേക്ക് കേറുന്നതിനിടക്ക് മണി ചോദിച്ചു.

“അവൻ അടുത്ത ആഴ്ച്ച എങ്ങാണ്ട് വരാം എന്ന്… നിങ്ങൾ മലക്കറി വാങ്ങിച്ചില്ലേ… ഞാൻ വിളിച്ചു പറഞ്ഞിട്ട്…”

“അയ്യോ… ഞാൻ അത് വിട്ടുപോയി…” നിസാരത്തോടെ പറഞ്ഞു അയാൾ അകത്തേക്ക് കേറി.

സ്വാഭാവികം എന്നുള്ള ഭാവത്തിൽ ലതയും പിറകെ അകത്തേക്ക് പോയി.

രാത്രി വേറെ പലഹാരം ഒന്നും ഉണ്ടാക്കാതെ ഉള്ള ചോറും നേരത്തത്തെ കറിയും കൂട്ടി അത്താഴം കഴിച്ച് എല്ലാരും കിടക്കാനൊരുങ്ങി.

സ്വാതി മുറിയിൽ നിന്ന് പുറത്ത് ഇറങ്ങിയില്ല. അല്ലെങ്കിലും അച്ഛൻ മദ്യപിച്ചു വരുന്ന സമയങ്ങളിൽ അവൾ അങ്ങനെ പുറത്ത് ഇറങ്ങി അവരോട് ഒപ്പം ഇരിക്കാറില്ല. എന്തെങ്കിലും പറഞ്ഞു അവർ രണ്ട് പേരും വഴക്കാവും. അതിനിടയിൽ പെട്ടു പോകണ്ട എന്ന് കരുതി കഴിവതും അവൾ മുറിയിൽ തന്നെ ഇരിക്കും.

അടുക്കളയെല്ലാം