Chapter Title : ക്രിക്കറ്റ് കളി 12 [Amal SRK]

ഫോണുമായി കിച്ചു ഇരുവരുടെയും അടുത്ത് നിന്ന് മാറി നിന്നു.

കുറച്ചു സമയം അവൻ ഫോണിൽ എന്തൊക്കെയോ ചെയ്തു.

" ഇവൻ എന്തായി ചെയ്യുന്നേ…?"

അഭി മനുവിന്റെ ചെവിയിൽ ചോദിച്ചു.

" അറിയില്ല. ചിലപ്പോ നിന്റെ ഗാലറിയി മൊത്തം അരിച്ചു തപ്പണിണ്ടാവും…"

മനു മറുപടി നൽകി.

" ഈ ഫോണിന്റെ പിൻ നമ്പർ പറ… "

കിച്ചു ഗൗരവത്തോടെ ചോദിച്ചു.

" പിൻ നമ്പർ എന്തിനാ..? "

മനു സംശയത്തോടെ ചോദിച്ചു.

" ആവിശ്യമുണ്ട്.. വേഗം പറ…"

അവൻ പറഞ്ഞത് കേട്ട് മനു അഭിയുടെ മുഖത്തേയ്ക്ക് നോക്കി.

" 1427 "

അഭി പിൻ നമ്പർ പറഞ്ഞു കൊടുത്തു.

കിച്ചു പിന്നെയും കുറച്ചു സമയം ഫോണിൽ എന്തൊക്കെയോ ചെയ്തു. ശേഷം തിരികെ ഇരുവരുടെയും അടുത്തേയ്ക്ക് വന്നു. ഫോൺ മനുവെ ഏല്പിച്ചു.

ഫോണിലേക്ക് നോക്കിയപ്പോൾ അഭിയും,മനുവും ഒരേപോലെ അമ്പരന്നു.

ഫോൺ റിസെറ്റ് ചെയ്യാൻ വച്ചിരിക്കുന്നു. 40% പൂർത്തിയായി കഴിഞ്ഞു.

ഇരുവരും ഒരേപോലെ കിച്ചുവിന്റെ മുഖത്തു നോക്കി.

അവരുടെ നോട്ടം മൈൻഡ് ചെയ്യാതെ കിച്ചു തിരികെ വീട്ടിലേക്ക് നടന്നു.

" ഡാ… കിച്ചു… നീ പോവുകാണോ…? നിന്നോട് കുറച്ചു കാര്യം കൂടി പറയാനുണ്ട്."

മനു പിന്നിൽ നിന്ന് വിളിച്ചു പറഞ്ഞു.

അത് കേട്ട ഭാവം നടിക്കാതെ അവൻ നേരെ വച്ചു നടന്നു.

സൂചിത്രയും, ബീനയും വീട്ടിൽ തിരികെയെത്തി. ആ കാഴ്ച്ച കണ്ട് ഇരുവരുടെയും മുഖത്തുണ്ടായ സന്തോഷം പാടെ ഇല്ലാതായി.

പുറത്ത് സങ്കടത്തോടെ തല കുമ്പിട്ടിരിക്കുന്ന നീതുവിനെയാണ് അവർക്ക് കാണാനായത്.

ബീന വേഗം മകൾടെ അടുത്തേയ്ക്ക് ഓടി ചെന്നു : എന്താ.. മോളെ എന്ത് പറ്റി..?

കരഞ്ഞു കലങ്ങിയ കണ്ണുകളോടെ നീതു അമ്മയെ നോക്കി.

" പറ മോളെ.. ഇവിടെ എന്താ ഉണ്ടായേ… നീയെന്തിനാ കരയുന്നേ…? "

ബീന വെപ്രാളത്തോടെ ചോദിച്ചു.

കിച്ചുവിന്റെ അടികൊണ്ട് ചുവന്നു തുടുത്ത കൈ നീതു അവർക്ക് നേരെ നീട്ടി.

അത് കണ്ട് ബീനയ്ക്കും, സൂചിത്രക്കും ഒരേപോലെ സങ്കടം തോന്നി.

" നിന്നെ അവൻ അടിച്ചോ…? "

ബീന ദേഷ്യത്തോടെ ചോദിച്ചു.

" മം…

ഒന്നും വിചാരിച്ച പോലെ നടന്നില്ല