Chapter Title : ക്രിക്കറ്റ് കളി 7 [Amal SRK]

അവൻ അമ്മയുടെ മുഖത്തെക്ക് തന്നെ സംശയത്തോടെ നോക്കി.

" നീ ചോദിച്ചത്.. കേട്ടില്ലേ...? "

ഇത്തവണ അവളല്പം ഉറക്കെ ശബ്ദത്തിലാണ് ചോദിച്ചത്.

" നവീൻ... "

അവൻ മറുപടി നൽകി.

" നവീനോ...? "

സുചിത്ര ആശ്ചര്യത്തോടെ ചോദിച്ചു.

അവൾ കേൾക്കാൻ ഉദ്ദേശിച്ച ഉത്തരമല്ല മകന്റെ നാവിൽ നിന്നും മൊഴിഞ്ഞത്.

" അതേ... നവീൻ...
കൂട്ടത്തിൽ അവനോടാ എനിക്ക് കൂടുതൽ ഇഷ്ടം... "

ചോറുവാരി വായിലിട്ടുകൊണ്ട് പറഞ്ഞു.

" അഭിയോ...? അവനെങ്ങനാ... നല്ല സ്വഭാവക്കാരനല്ലേ...? "

സുചിത്ര ചോദിച്ചു.

" അമ്മോ... എനിക്ക് അറിഞ്ഞൂടാ...
എനിക്ക് അവനെക്കാൾ ഇഷ്ടം നവീനെയാ... "

" അതെന്താ...? "

" ബാക്കിയുള്ളവരൊക്കെ... അത്ര നല്ല സ്വഭാവക്കാരല്ല... "

" പിന്നെ...? "

സുചിത്രയുടെ സംസാര ശൈലി മാറി തുടങ്ങി.

കൂട്ടുകാരുടെ യഥാർത്ഥ സ്വഭാവത്തെ കുറിച്ച് അമ്മയോട് പറഞ്ഞാൽ പിന്നൊരിക്കലും അവരുടെയൊപ്പം തന്നെ കൂട്ടുകൂടാൻ വിടത്തില്ല എന്ന് അവന് തോന്നി.

" ബാക്കിയുള്ളവരൊക്കെ... വേഗം ചൂടാവുന്ന ടൈപ്പാ...
അതൊക്കെ വച്ചുനോക്കുമ്പോ നവീൻ കുറച്ചു കൂടെ ബേറ്ററാണ്... "

അവനങ്ങനെ പറഞ്ഞപ്പോൾ അവളുടെ മുഖത്തു ചെറിയ ആശ്വാസം പ്രകടമായി.

തന്റെ അമ്മയ്ക്ക് എന്താണ് സംഭവിച്ചത്...?
അവൻ ആശ്ചര്യപ്പെട്ടു.

" കിച്ചു... "

" എന്താ അമ്മേ...? "

" നാളെ നീ അമ്മേന്റെ തറവാട് വീട് വരെ ചെല്ലണം. ഞാനൊരു കേക്ക് ഉണ്ടാക്കി വച്ചിട്ടുണ്ട്. അത് നീ വീണ മോൾക്ക് കൊണ്ടുപോയി കൊടുക്കണം. "

" നാളെയോ...? "

" എന്തേ...? നാളെ നിനക്ക് പറ്റില്ലേ.. "

ദേഷ്യത്തോടെ ചോദിച്ചു.

" പറ്റും... "

അവൻ വിനയത്തോടെ പറഞ്ഞു.

നാളെ കേക്കും കൊണ്ട് തറവാട്ടിലേക്ക് ചെന്നാൽ വൈകുന്നേരം ക്രിക്കറ്റ് കളിക്കാൻ സാധിക്കില്ല. ആ വിഷമം അവന്റെ മനസ്സിൽ അലയടിച്ചു.

ചോറുണ്ട ശേഷം സുചിത്ര ബെഡ്‌റോമിലേക്ക് ചെന്നു.

ട്രി... ട്രി...

ബീന മിസ്സ്‌ ഫോൺ അറ്റന്റ് ചെയ്തു.

" അഹ്... പറ സുചിത്രേ... ഇപ്പൊ കുറച്ച് ദിവസം ആയല്ലോ നീ ഇങ്ങോട്ടൊക്കെ ഒന്ന് വിളിച്ചിട്ട്. എന്തേ... തിരക്കായിരുന്നോ...? "

ബീനാ മിസ്സ്‌ ചോദിച്ചു.

" ഏയ്‌